టెక్ దిగ్గజం యాపిల్ మంగళవారం iPhone 17 సిరీస్ను అధికారికంగా విడుదల చేసింది. ఈసారి యాపిల్ నాలుగు మోడళ్లను లాంచ్ చేయడమే కాకుండా, అందరినీ ఆకర్షించేలా ‘iPhone Air’ పేరుతో కొత్త మోడల్ను పరిచయం చేసింది. ఇది ఇప్పటివరకు వచ్చిన ఐఫోన్లలో అత్యంత పలుచటి, తేలికైన మోడల్ కావడం విశేషం.
‘ఐఫోన్ ఎయిర్’: అతి పలుచటి, అత్యంత తేలికైన ఐఫోన్
ఎప్పటిలాగే, ఈసారి కూడా యాపిల్ వినియోగదారులను ఆకట్టుకునే విధంగా నాలుగు మోడళ్లను లాంచ్ చేసింది. వాటిలో iPhone 17, iPhone 17 Pro, iPhone 17 Pro Max మోడళ్లతో పాటు, ఈసారి ప్రత్యేకంగా ‘iPhone Air’ పేరిట ఒక కొత్త, సరికొత్త ఫోన్ను తీసుకొచ్చింది. ఈ సిరీస్లో అత్యంత విశేషమైన మోడల్ iPhone Air. ఇది ఇప్పటివరకు విడుదలైన ఐఫోన్లలోనే అత్యంత పలుచని, అత్యంత తక్కువ బరువు కలిగిన ఫోన్గా యాపిల్ ప్రకటించింది. టైటానియం డిజైన్ ఉపయోగించడం వల్ల, ఇది తేలికగానే కాకుండా బలంగా కూడా ఉంటుంది. ఫోన్ ముందు, వెనుక భాగాల్లో సెరామిక్ షీల్డ్ 2 (Ceramic Shield 2)టెక్నాలజీని ఉపయోగించారు, ఇది గీతల నుండి మూడింతల ఎక్కువ రక్షణ కల్పిస్తుందని కంపెనీ తెలిపింది.
ఫీచర్ల పరంగా ‘ఎయిర్’ అదిరిపోయింది
ఈ ఐఫోన్ ఎయిర్లో 6.5 అంగుళాల సూపర్ రెటీనా XDR డిస్ప్లే, శక్తివంతమైన A19 Pro చిప్, మరియు 48 మెగాపిక్సెల్ ఫ్యూజన్ మెయిన్ కెమెరా వంటి ముఖ్యమైన ఫీచర్లు ఉన్నాయి. ఈ ఫోన్, ప్రీమియం లుక్తో పాటు, హైపర్ఫార్మెన్స్ను కలిగి ఉండటం వినియోగదారులకు కొత్త అనుభూతిని ఇస్తుందనడం అతిశయోక్తి కాదు.
ఐఫోన్ 17: స్టాండర్డ్ మోడల్లోనే ప్రీమియం అనుభవం
ఐఫోన్ 17 మోడల్లోనూ యాపిల్ A19 చిప్ను ఉపయోగించింది. దీని వల్ల బెటర్ స్పీడ్, దీర్ఘకాలిక బ్యాటరీ లైఫ్ లభిస్తాయని కంపెనీ హామీ ఇస్తోంది. 6.3 అంగుళాల డిస్ప్లే, 48MP డ్యుయల్ ఫ్యూజన్ కెమెరా సిస్టమ్, మరియు సెంటర్ స్టేజ్ ఫ్రంట్ కెమెరా వంటి ఆకర్షణీయమైన అంశాలు దీన్ని మరింత ప్రత్యేకంగా నిలబెట్టాయి.
యాపిల్ ఐఫోన్ ప్రొడక్ట్ మార్కెటింగ్ వైస్ ప్రెసిడెంట్ కయాన్ డ్రాన్స్ మాట్లాడుతూ, “ఐఫోన్ 17 అనేది వినియోగదారుల రోజువారీ జీవితాన్ని మరింత సౌకర్యవంతంగా మార్చే శక్తిమంతమైన అప్గ్రేడ్” అని అన్నారు.
ప్రొ మోడళ్ల కోసం ప్రొఫెషనల్స్ లక్ష్యంగా
హైఎండ్ వినియోగదారులను దృష్టిలో ఉంచుకుని iPhone 17 Pro మరియు iPhone 17 Pro Max మోడళ్లను తీసుకొచ్చారు. ఈ ఫోన్లలో A19 Pro చిప్, మూడు 48MP ఫ్యూజన్ కెమెరాలు, 8x ఆప్టికల్ జూమ్ వంటి ఫీచర్లు ఉన్నాయి. ప్రొఫెషనల్ ఫోటో, వీడియో గ్రాఫీ కోసం వీటిలో ప్రత్యేక ఫీచర్లను కూడా జోడించారు.
భారత మార్కెట్కి లాంచ్, ధరలు
భారత మార్కెట్లో ఈ కొత్త ఐఫోన్ మోడళ్ల అమ్మకాలు సెప్టెంబర్ 19 నుంచి ప్రారంభం కానున్నాయి. ప్రీ-ఆర్డర్లు సెప్టెంబర్ 12 నుంచి తీసుకుంటారు.
భారత మార్కెట్లో ధరలు ఇలా ఉన్నాయి:
- ???? iPhone 17 (256GB): ₹82,900
- ???? iPhone Air: ₹1,19,900 ప్రారంభ ధర
- ???? iPhone 17 Pro: ₹1,34,900
- ???? iPhone 17 Pro Max: ₹1,49,900
Read hindi news:hindi.vaartha.com
Read also:
