ఈ మ్యాచ్లో మొదట బ్యాటింగ్ చేసిన సీఎస్కే భారీ స్కోరు చేయలేకపోయింది. పంజాబ్ తరఫున యుజ్వేంద్ర చాహల్ అద్భుతాలు చేశాడు. ఐపీఎల్ 2025లో తొలి హ్యాట్రిక్ సాధించడం ద్వారా చాహల్ సీఎస్కే వెన్ను విరిచాడు. ఈ మ్యాచ్ లో సీఎస్కే 190 పరుగులు చేసింది, దానికి ప్రతిస్పందనగా పంజాబ్ కింగ్స్ 19.4 ఓవర్లలో 4 వికెట్ల తేడాతో మ్యాచ్ గెలిచింది. పంజాబ్ తరఫున ప్రభ్సిమ్రాన్ సింగ్, శ్రేయాస్ అయ్యర్ అద్భుతమైన అర్ధ సెంచరీలు సాధించారు. సీఎస్కే ప్లేఆఫ్ రేసు నుండి నిష్క్రమించింది. ఓటమి తర్వాత సీఎస్కే కెప్టెన్ ఎంఎస్ ధోని తన నిరాశను వ్యక్తం చేశాడు.
పార్టనర్ షిప్
మ్యాచ్ ఓడిపోయిన తర్వాత ధోని మాట్లాడుతూ సీఎస్కే బ్యాటింగ్ లో తగినంత స్కోరు చేయడం ఇదే మొదటి సారి అని కానీ అది గెలిచే స్కోరు కంటే కొంచెం తక్కువగా ఉందని తాను భావిస్తున్నానని ధోని చెప్పాడు. ఇది బ్యాటర్లకు సవాలుతో కూడకున్నదే కానీ ఇంకా కొంచెం ఎక్కువ స్కోరు చేసి ఉంటే బాగుండేదన్నాడు. సామ్ కరణ్, బ్రెవిస్ మధ్య పార్టనర్ షిప్ అద్బుతంగా ఉందన్నాడు. మనం క్యాచ్ లు జారవిడచకూడదని ధోని చెప్పుకొచ్చాడు. కరణ్ ఒక యోధుడని తాను అనుకుంటున్నానన్నాడు. సీఎస్కే ఫీల్డింగ్ పట్ల తాను సంతోషంగా లేనని ధోని తన ప్రకటన ద్వారా స్పష్టం చేశాడు. నిజానికి ఈ మ్యాచ్లో మతిష పతిరాన ప్రభ్సిమ్రాన్ సింగ్ ఇచ్చిన సులభమైన క్యాచ్ను జారవిడిచాడు. ఇది కాకుండా సీఎస్కే బ్యాట్స్మెన్ 19వ ఓవర్లో బ్యాటింగ్ చేస్తుండగా కుప్పకూలిపోయారు. ఈ ఓవర్లో చాహల్ 4 వికెట్లు పడగొట్టాడు, అందులో హ్యాట్రిక్ కూడా ఉంది.
ప్రత్యేకంగా
సీఎస్కే మొదట బ్యాటింగ్ చేసి 190 పరుగులు చేసింది. కానీ వారి ప్రారంభం బాగా లేదు. షేక్ రషీద్ 12 బంతుల్లో కేవలం 11 పరుగులు మాత్రమే చేయగా, ఆయుష్ మాత్రే 6 బంతుల్లో 7 పరుగులు చేసి త్వరగానే ఔటయ్యాడు. మూడో స్థానంలో వచ్చిన సామ్ కరణ్ అద్భుతంగా బ్యాటింగ్ చేసి 47 బంతుల్లో 88 పరుగులు చేశాడు. ఈ ఇన్నింగ్స్లో 9 ఫోర్లు, 4 సిక్సర్లు కొట్టాడు. రవీంద్ర జడేజా 12 బంతుల్లో 17 పరుగులు జోడించగా, డెవాల్డ్ బ్రెవిస్ 26 బంతుల్లో 32 పరుగులు చేశాడు. మిగిలిన బ్యాట్స్మెన్ ప్రత్యేకంగా ఏమీ చేయలేకపోయారు. మొత్తం జట్టు 19.2 ఓవర్లలో 190 పరుగులకు ఆలౌట్ అయింది.లక్ష్యాన్ని ఛేదించే సమయంలో పంజాబ్ సగటు ఆరంభాన్ని పొందింది. ప్రియాన్ష్ ఆర్య 15 బంతుల్లో 23 పరుగులు చేశాడు. ప్రభ్సిమ్రాన్ సింగ్ 36 బంతుల్లో 5 ఫోర్లు, 3 సిక్సర్లతో 54 పరుగులు చేసి వేగంగా రాణించాడు. శ్రేయాస్ అయ్యర్ కూడా అర్ధ సెంచరీ సాధించి జట్టును 4 వికెట్ల తేడాతో గెలిపించాడు.
Read Also: IPL 2025: ప్లేఆఫ్స్ రేసు నుంచి సీఎస్కే ఔట్