T20 WC 2026: టీ20 ప్రపంచకప్ 2026లో లీగ్ దశ పోటీలు ఉత్కంఠభరితంగా ముగిశాయి. చివరి లీగ్ మ్యాచ్లో ఆస్ట్రేలియా జట్టు తమ స్థాయికి తగ్గ ప్రదర్శన చేస్తూ ఒమన్పై 9 వికెట్ల తేడాతో ఘన విజయం సాధించింది. పల్లెకెలె వేదికగా జరిగిన ఈ పోరులో ఆసీస్ బౌలర్లు, బ్యాటర్లు సమిష్టిగా రాణించారు. అయితే విజయం సాధించినప్పటికీ నెట్రన్రేట్, గ్రూప్ సమీకరణాల కారణంగా ఆస్ట్రేలియా సూపర్-8 దశకు చేరలేకపోవడం అభిమానులను నిరాశకు గురి చేసింది.
Read Also: Alistair cook india pakistan : భారత్-పాక్ ‘నో హ్యాండ్షేక్’ నాటకం? కుక్ సంచలన వ్యాఖ్యలు
కెప్టెన్ మిచెల్ మార్ష్ (33 బంతుల్లో 64 నాటౌట్) విధ్వంసక హాఫ్ సెంచరీతో చెలరేగగా, బౌలింగ్లో ఆడమ్ జంపా (4/21) ఒమన్ పతనాన్ని శాసించాడు. 105 పరుగుల స్వల్ప లక్ష్యంతో బరిలోకి దిగిన ఆస్ట్రేలియాకు ఓపెనర్లు ట్రావిస్ హెడ్ (19 బంతుల్లో 32), కెప్టెన్ మిచెల్ మార్ష్ అద్భుతమైన ఆరంభాన్నిచ్చారు. వీరిద్దరూ ఒమన్ బౌలర్లపై విరుచుకుపడి కేవలం 8.1 ఓవర్లలోనే తొలి వికెట్కు 93 పరుగుల భారీ భాగస్వామ్యాన్ని నెలకొల్పారు. ఈ క్రమంలో మార్ష్ కేవలం 33 బంతుల్లోనే తన హాఫ్ సెంచరీ పూర్తి చేసుకున్నాడు. హెడ్ ఔటైన తర్వాత క్రీజులోకి వచ్చిన గ్లెన్ మ్యాక్స్వెల్తో కలిసి మార్ష్ లాంఛనాన్ని పూర్తి చేశాడు. ఆస్ట్రేలియా కేవలం 9.4 ఓవర్లలో ఒక వికెట్ నష్టపోయి 108 పరుగులు చేసి ఘన విజయం సాధించింది. ఈ ఛేదనతో, టీ20 ప్రపంచకప్ చరిత్రలో 100కు పైగా లక్ష్యాన్ని అత్యంత వేగంగా ఛేదించిన జట్టుగా ఇంగ్లండ్ రికార్డును ఆసీస్ సమం చేసింది.
ఆడమ్ జంపా తన మాయాజాలం
అంతకుముందు, టాస్ గెలిచి బౌలింగ్ ఎంచుకున్న ఆస్ట్రేలియాకు ఆదిలోనే శుభారంభం లభించింది. ఇన్నింగ్స్ తొలి బంతికే జేవియర్ బార్ట్లెట్.. ఒమన్ ఓపెనర్ ఆమిర్ కలీమ్ను పెవిలియన్ పంపాడు. ఆ తర్వాత జతీందర్ సింగ్ (17), కరణ్ సోనవాలే కొంత ప్రతిఘటించినా, నాథన్ ఎల్లిస్ ఈ భాగస్వామ్యాన్ని విడదీశాడు. పవర్ప్లే ముగిసేసరికి ఒమన్ కష్టాల్లో పడింది.మిడిల్ ఓవర్లలో స్పిన్నర్ ఆడమ్ జంపా తన మాయాజాలం ప్రదర్శించాడు. తన వరుస ఓవర్లలో వికెట్లు తీసి ఒమన్ బ్యాటింగ్ లైనప్ను కుప్పకూల్చాడు. జంపా దెబ్బకు హమ్మద్ మీర్జా, షోయబ్ ఖాన్, మెహ్రాన్ ఖాన్ వంటి కీలక బ్యాటర్లు పెవిలియన్కు క్యూ కట్టారు. మరోవైపు గ్లెన్ మ్యాక్స్వెల్ (2/13), బార్ట్లెట్ (2/27) కూడా రాణించడంతో ఒమన్ కోలుకోలేకపోయింది. ఒక దశలో ఒమన్ టాప్-4 బ్యాటర్లు బౌల్డ్ కావడం టీ20 ప్రపంచకప్ చరిత్రలోనే ఇది తొలిసారి కావడం విశేషం. వసీం అలీ (33 బంతుల్లో 32) ఒంటరి పోరాటం చేసినా, ఒమన్ 16.2 ఓవర్లలో 104 పరుగులకే ఆలౌట్ అయింది.
Read hindi news: hindi.vaartha.com
Read Also Epaper : epaper.vaartha.com
Read Also:
