భారత క్రికెటర్ శ్రేయస్ అయ్యర్ ఒకానొక దశలో బీసీసీఐ సెంట్రల్ కాంట్రాక్ట్(BCCI Central Contract) కోల్పోయి, జాతీయ జట్టులో స్థానం కూడా గల్లంతవడంతో అతని భవిష్యత్తు ప్రశ్నార్థకంగా మారింది. అయితే, ఏమాత్రం వెనుకడుగు వేయకుండా దేశవాళీ క్రికెట్లో సత్తా చాటి, తిరిగి ఫామ్లోకి వచ్చాడు. 2023-24 రంజీ సీజన్లో ముంబై జట్టును విజయపథంలో నడిపించడమే కాకుండా, ఇరానీ కప్, సయ్యద్ ముస్తాక్ అలీ ట్రోఫీలను కూడా ముంబై ఖాతాలో చేర్చడంలో కీలక పాత్ర పోషించాడు.దేశవాళీ క్రికెట్లో సత్తా చాటిన అయ్యర్, ఇండియన్ ప్రీమియర్ లీగ్ (ఐపీఎల్) లోనూ సత్తా చాటాడు. ఐసీసీ ఛాంపియన్స్ ట్రోఫీ(ICC Champions Trophy)లో భారత జట్టు విజయంలో కీలక భూమిక పోషించాడు. ఈ టోర్నమెంట్లో భారత్ తరఫున అత్యధిక పరుగులు చేసిన ఆటగాడిగా నిలవడమే కాకుండా, టోర్నీ మొత్తంలో రెండో టాప్ స్కోరర్గా నిలిచాడు. అనంతరం, పంజాబ్ కింగ్స్ జట్టుకు కెప్టెన్గా బాధ్యతలు చేపట్టి, ప్రస్తుత ఐపీఎల్ సీజన్లో జట్టును టేబుల్ టాపర్గా నిలబెట్టాడు.
అత్యధిక
ఇంతటి అద్భుతమైన ఫామ్లో ఉన్నప్పటికీ, త్వరలో జరగనున్న ఇంగ్లండ్(England) పర్యటనకు ప్రకటించిన భారత టెస్ట్ జట్టులో శ్రేయస్ అయ్యర్కు చోటు దక్కకపోవడం అభిమానులను, క్రికెట్ విశ్లేషకులను తీవ్ర ఆశ్చర్యానికి గురిచేసింది. విరాట్ కోహ్లీ రిటైర్మెంట్, రోహిత్ శర్మ, రవిచంద్రన్ అశ్విన్ వంటి సీనియర్లు టెస్ట్ క్రికెట్ నుంచి వైదొలగడంతో, శుభ్మన్ గిల్ కెప్టెన్సీలో కొత్తగా రూపుదిద్దుకుంటున్న భారత టెస్ట్ జట్టులో అయ్యర్కు ఖచ్చితంగా స్థానం ఉంటుందని అందరూ భావించారు. కానీ, సెలక్టర్ల నిర్ణయం మరోలా ఉంది.
పలువురు
ఈ విషయంపై ఢిల్లీలో జరిగిన ఒక కార్యక్రమంలో మాజీ క్రికెటర్ గౌతమ్ గంభీర్(Gautam Gambhir)ను ప్రశ్నించగా, ‘నేను సెలెక్టర్ను కాను’ అని సమాధానమిచ్చారు. ఈ వ్యాఖ్యను బీసీసీఐ చీఫ్ సెలెక్టర్ అజిత్ అగార్కర్ను ఉద్దేశించి చేసిన పరోక్ష విమర్శగా కొందరు భావిస్తున్నారు.సెలెక్టర్ల తరఫున అజిత్ అగార్కర్ మాట్లాడుతూ, శ్రేయస్ అయ్యర్(Shreyas Iyer అద్భుతంగా రాణించాడని, అతని ప్రదర్శనను ప్రశంసిస్తున్నామని తెలిపారు. అయితే, జట్టులో “స్థలం లేకపోవడం” వల్లే ఈ నిర్ణయం తీసుకోవాల్సి వచ్చిందని వివరించారు. అయ్యర్ ఇటీవలి ప్రదర్శనలు, గణాంకాలు చూసిన తర్వాత, ఈ వివరణ సరైనది కాదని పలువురు అభిప్రాయపడుతున్నారు.
Read Also: Badminton: బ్యాడ్మింటన్ తొలి మ్యాచ్లో సాత్విక్-చిరాగ్ విజయం
