ఐపీఎల్ 2026 సీజన్‌లో పంజాబ్ కింగ్స్ (PBKS) అదరగొడుతోంది. అయితే జట్టు విజయాల కంటే ఎక్కువగా, ఆ జట్టు యజమాని ప్రీతి జింటా స్టేడియంలో కనిపించకపోవడం ఇప్పుడు హాట్ టాపిక్ గా మారింది. ఐపీఎల్ అంటేనే గ్లామర్, జోష్. పంజాబ్ కింగ్స్ ఆడే ప్రతి మ్యాచ్‌లోనూ ఆ జట్టు యజమాని ప్రీతి జింటా ఇచ్చే సందడి అంతా ఇంతా కాదు. జట్టు గెలిచినా, ఓడినా గ్యాలరీలో ఉండి ఆటగాళ్లను ఉత్సాహపరచడం ఆమెకు అలవాటు. అయితే, ఐపీఎల్ 2026 సీజన్‌లో పంజాబ్ జట్టు వరుస విజయాలతో దూసుకుపోతున్నప్పటికీ, ప్రీతి జింటా ఎక్కడా కనిపించకపోవడం అభిమానులను ఆశ్చర్యానికి గురిచేసింది. సోషల్ మీడియా వేదికగా “ప్రీతి మేడమ్ ఎక్కడ? ఆమె లేని లోటు స్పష్టంగా కనిపిస్తోంది” అంటూ నెటిజన్లు వరుసగా ప్రశ్నలు కురిపించారు.
Read Also : Delimitation Bill : వీగిపోయిన బిల్లు.. కేంద్రం నెక్స్ట్ ఏంచేయబోతుంది ?
అసలు కారణం వెల్లడించిన ప్రీతి
తమ అభిమాన యజమాని ఎందుకు రావడం లేదన్న సస్పెన్స్‌కు తెరదించుతూ ప్రీతి జింటా సోషల్ మీడియాలో క్లారిటీ ఇచ్చారు. ఆమె స్పందిస్తూ.. “చాలా కాలంగా నా పిల్లలకు దూరంగా ఉండి షూటింగ్‌లు, ఇతర పనులతో బిజీగా గడిపాను. ప్రస్తుతం వాళ్లకు సెలవులు ఉన్నాయి. అందుకే ఈ విలువైన సమయాన్ని నా పిల్లలతో గడపాలని నిర్ణయించుకున్నాను. తల్లిగా వాళ్లతో ఉండటం నా బాధ్యత, అందుకే మ్యాచ్‌లకు హాజరు కాలేకపోతున్నాను” అని వివరించారు. ఈ సమాధానంతో ఆమె తన వ్యక్తిగత జీవితానికి, బాధ్యతలకు ఎంత ప్రాముఖ్యత ఇస్తారో అర్థమవుతోందని ఫ్యాన్స్ ప్రశంసిస్తున్నారు.
త్వరలోనే రీ-ఎంట్రీ.. గ్యాలరీలో మళ్ళీ సందడి!
కేవలం కారణం చెప్పడమే కాకుండా, పంజాబ్ అభిమానులకు ఆమె ఒక తీపి కబురు కూడా అందించారు. పిల్లలతో సెలవులు ముగియగానే మళ్ళీ స్టేడియానికి వచ్చి పంజాబ్ కింగ్స్ జట్టును ఉత్సాహపరుస్తానని ఆమె హామీ ఇచ్చారు. పంజాబ్ జట్టు ఈసారి పాయింట్ల పట్టికలో టాప్‌లో ఉండటం, దానికి తోడు త్వరలోనే ప్రీతి జింటా ఎంట్రీ ఇవ్వనుండటంతో అభిమానుల ఆనందం రెట్టింపు అయ్యింది. “మీరు త్వరగా రావాలి మేడమ్.. మీ రాక జట్టుకు మరిన్ని విజయాలను అందిస్తుంది” అంటూ అభిమానులు కామెంట్లతో సోషల్ మీడియాను హోరెత్తిస్తున్నారు.
Read Also hindi news: http://hindi.vaartha.com
Read Also Epaper : epaper.vaartha.com
Read Also :