ఇంగ్లండ్తో ఐదు టెస్టుల అండర్సన్-సచిన్ ట్రోఫీలో భాగంగా లీడ్స్ వేదిక (Leeds venue) గా జరిగిన తొలి టెస్టులో టీమిండియా ఓటమి పాలైన సంగతి తెలిసిందే. అత్యంత ఉత్కంఠభరితంగా సాగిన ఈ మ్యాచ్లో భారత్ 5 వికెట్ల తేడాతో పరాజయం పొందింది. భారత బౌలింగ్ దళం ఆశించిన స్థాయిలో రాణించలేకపోయింది. ముఖ్యంగా యువ పేసర్ ప్రసిద్ధ్ కృష్ణ తన ప్రదర్శనలో తీవ్రంగా విఫలమయ్యాడు.ఇంగ్లండ్తో తొలి టెస్ట్లో టీమిండియా ఓటమికి తానే ప్రధాన కారణమని స్టార్ పేసర్ ప్రసిధ్ కృష్ణ అన్నాడు. అంచనాలకు తగ్గట్లు తాను బౌలింగ్ చేయలేకపోయానని తన తప్పిదాన్ని అంగీకరించాడు.ఈ మ్యాచ్లో ప్రసిధ్ కృష్ణ దారుణంగా విఫలమయ్యాడు. రెండు ఇన్నింగ్స్ల్లో కలిపి 220 పరుగులు ఇచ్చి ఐదు వికెట్లు తీసాడు. ఓవైపు బుమ్రా (Bumrah) కట్టుదిట్టంగా బౌలింగ్ చేసినా మరోవైపు ప్రసిధ్ కృష్ణ ధారళంగా పరుగులిచ్చాడు. దాంతో ఈ మ్యాచ్లో టీమిండియా 371 పరుగుల లక్ష్యాన్ని కాపాడుకోలేకపోయింది.
రెండో ఇన్నింగ్స్ వచ్చేసరికి పిచ్ నెమ్మదించడంతో
తాజాగా తన ప్రదర్శనపై మాట్లాడిన ప్రసిధ్ కృష్ణ లోపాలను సరిదిద్దుకొని మెరుగైన ప్రదర్శన చేసేందుకు ప్రయత్నిస్తానని చెప్పాడు.తొలి ఇన్నింగ్స్లో నేను ఆశించిన రీతిలో బౌలింగ్ చేయలేదు. రెండో ఇన్నింగ్స్ (Second Innings) వచ్చేసరికి పిచ్ నెమ్మదించడంతో నా బౌలింగ్ కాస్త మెరుగైంది. ఖచ్చితంగా నేను అనుకున్న విధంగా సరైన లెంగ్త్లో బౌలింగ్ చేయలేకపోయాను. పిచ్ను అర్థం చేసుకోవడం విఫలమయ్యాను. ప్రొఫెషనల్ ఆటగాడిగా నా లోపాలను అధిగమించే ప్రయత్నం చేస్తాను. ఈ విషయంలో పూర్తి బాధ్యత తీసుకుంటాను.
బౌండరీలు ఇవ్వాలనుకోను
భవిష్యత్తు లో మెరుగైన ప్రదర్శన చేసేందుకు ప్రయత్నిస్తాను. ప్రతీ ఓవర్నూ మెయిడిన్ చేయాలనుకుంటా. బౌండరీలు ఇవ్వాలనుకోను. తొలి టెస్ట్లో ఔట్ ఫీల్డ్ వేగంగా ఉంది. నిజం చెప్పాలంటే, నేను బౌలింగ్ చేసిన లైన్ అండ్ లెంగ్త్ చాలా సార్లు పర్ఫెక్ట్గా లేదు. దాంతో ఇంగ్లండ్ బ్యాటర్లు పరుగులు రాబట్టారు. కొన్నిసార్లు బంతి బ్యాట్ ఎడ్జ్లకు తాకి బౌండరీలకు వెళ్లాయి. తొలి టెస్ట్లో నేను దారుణంగా విఫలమయ్యాను.’అని ప్రసిధ్ కృష్ణ (Prasidh Krishna) చెప్పుకొచ్చాడు.ఒక యువ బౌలర్ బాధ్యత తీసుకోవడం, తన తప్పిదాలను ఒప్పుకోవడం అరుదైన విషయం. ప్రసిద్ధ్ కృష్ణ తన లోపాలను గుర్తించి మెరుగుపడే దిశగా ప్రయత్నిస్తే, భారత్కు అద్భుతమైన ఫాస్ట్ బౌలర్గా మారే అవకాశముంది. తొలి మ్యాచ్ ఓటమిని పాఠంగా తీసుకుని ముందుకెళ్లే సమయంలో, జట్టు మద్దతు అతనికి దిక్సూచి కావాలని క్రీడాభిమానులు కోరుకుంటున్నారు.
Read Also: Yash Dayal : ఆర్సీబీ పేసర్ యశ్ దయాళ్పై యువతి ఫిర్యాదు