Alistair cook india pakistan : భారత్–పాకిస్థాన్ క్రికెట్ మ్యాచ్లలో మైదానంలో కనిపించే ఉద్రిక్తత, ఆటగాళ్లు ఒకరితో ఒకరు కరచాలనం చేయకపోవడం కేవలం ప్రజల ముందున్న ప్రదర్శన మాత్రమేనని ఇంగ్లండ్ మాజీ కెప్టెన్ అలిస్టర్ కుక్ వ్యాఖ్యానించారు. మైదానంలో దూరంగా కనిపించినా, తెరవెనుక లేదా డ్రెస్సింగ్ రూమ్లలో ఆటగాళ్లు సాధారణంగానే మాట్లాడుకుంటారని ఆయన తెలిపారు. ఈ వ్యాఖ్యలు క్రికెట్ ప్రపంచంలో చర్చనీయాంశంగా మారాయి.
టీ20 వరల్డ్ కప్ 2026లో భారత్ చేతిలో పాకిస్థాన్ ఓటమి అనంతరం “స్టిక్ టు క్రికెట్” పాడ్కాస్ట్లో ఈ అంశంపై చర్చ జరిగింది. ఈ చర్చలో అలిస్టర్ కుక్తో పాటు మైఖేల్ వాన్, డేవిడ్ లాయిడ్, ఫిల్ టఫ్నెల్ పాల్గొన్నారు. ఫిల్ టఫ్నెల్ మాట్లాడుతూ భారత్–పాక్ మ్యాచ్లు ఇప్పుడు ఏకపక్షంగా మారుతున్నాయని అభిప్రాయపడ్డాడు. దీనికి స్పందించిన మైఖేల్ వాన్, పాకిస్థాన్ ఆటగాళ్లు భారత జట్టును ఎదుర్కొనే సమయంలో ఒత్తిడికి లోనవుతున్నట్లు కనిపిస్తోందని పేర్కొన్నారు. కరచాలనం చేయకపోవడం క్రీడాస్ఫూర్తికి విరుద్ధమని కూడా వ్యాఖ్యానించారు.
Read Also: Nara Bhuvaneswari: ప్రతి పాడి రైతుకు సాధికారత కల్పించడమే హెరిటేజ్ లక్ష్యం
అయితే కుక్ ఈ అంశాన్ని వేరే కోణంలో వివరించారు. మైదానంలో కరచాలనం చేయకపోవడం ప్రేక్షకుల కోసం చూపే సంకేతం మాత్రమేనని, కానీ డ్రెస్సింగ్ రూమ్లలో ఆటగాళ్లు పరస్పరం మాట్లాడుకుంటూ సాధారణ సంబంధాలు కొనసాగిస్తారని ఆయన చెప్పారు.
గత ఏడాది ఆసియా కప్ సమయంలో ప్రారంభమైన ఈ “నో-హ్యాండ్షేక్” విధానం తరువాత మహిళల ప్రపంచకప్, ఎమర్జింగ్ ఆసియా కప్, యువజన ప్రపంచకప్ వంటి టోర్నమెంట్లలో కూడా కొనసాగింది. తాజాగా జరిగిన టీ20 ప్రపంచకప్లో కూడా ఇరు జట్లు ఇదే విధానాన్ని పాటించాయి. రాబోయే కీలక మ్యాచ్ల్లో కూడా ఈ సంప్రదాయం కొనసాగవచ్చని క్రీడా వర్గాల్లో చర్చ జరుగుతోంది.
Read hindi news: hindi.vaartha.com
Read Also Epaper : epaper.vaartha.com
Read Also:
