ప్రతిష్టాత్మక ఫ్రెంచ్ ఓపెన్ 2025 సెమీ-ఫైనల్స్ అభిమానుల్లో ఉత్సాహాన్ని రేపాయి. పురుషుల, మహిళల సింగిల్స్ విభాగాల్లో జరిగిన ఈ సెమీ-ఫైనల్ మ్యాచ్లు అంచనాలకు తగ్గకుండా తీవ్ర ఉత్కంఠతో సాగాయి. ఫురుషుల సింగిల్స్ సెమీ-ఫైనల్స్లో టాప్ సీడ్ జాన్సిక్ సినర్(Jancic Sinner), డిఫెండింగ్ ఛాంపియన్ కార్లోస్ అల్కరాస్ అద్భుతమైన విజయాలు సాధించి ఫైనల్కు దూసుకెళ్లారు.అభిమానులు ఎంతగానో ఎదురుచూసిన ఈ పోరులో టాప్ జాన్సిక్ సినర్ పైచేయి సాధించాడు. ప్రపంచ నంబర్ వన్ సినర్, 24 సార్లు గ్రాండ్ స్లామ్ విజేత జకోవిచ్ మధ్య జరిగిన ఈ మ్యాచ్లో జాన్సిక్ సినర్ అద్భుతమైన ప్రదర్శన కనబరిచాడు. సినర్ జకోవిచ్(jokovich)ను స్ట్రెయిట్ సెట్స్లో (6-4, 7-5, 7-6(7-3)) ఓడించి సంచలనం సృష్టించాడు. ఈ విజయం సినర్కు తొలి ఫ్రెంచ్ ఓపెన్ ఫైనల్కు మార్గం సుగమం చేసింది. జకోవిచ్ తనదైన శైలిలో కొన్ని అద్భుతమైన షాట్లు ఆడినప్పటికీ, సినర్ నిలకడమైన ఆటతీరు ముందు నిలబడలేకపోయాడు. 2010 వింబుల్డన్ తర్వాత జకోవిచ్ ఒక గ్రాండ్స్లామ్ మ్యాచ్లో స్ట్రెయిట్ సెట్స్లో ఓడిపోవడం ఇదే మొదటిసారి. ఈ సీజన్లో గత 4 మ్యాచ్ల్లోనూ సినర్ చేతిలో జకోవిచ్ ఓడిపోయాడు.
గాయం కారణంగా
డిఫెండింగ్ ఛాంపియన్ కార్లోస్ అల్కరాస్ మరోసారి తన నైపుణ్యాన్ని ప్రదర్శించాడు. లొరెంజో ముసెట్టి గాయం కారణంగా మధ్యలోనే వైదొలగడంతో అల్కరాస్(Alcaraz) ఫైనల్కు చేరుకున్నాడు. లొరెంజో ముసెట్టి 4-6, 7-6,6-0, 2-0 తేడాతో వెనుకబడి ఉన్న సమయంలో గాయం కారణంగా మ్యాచ్ నుంచి వైదొలిగాడు. మొదటి రెండు సెట్లు ఉత్కంఠగా సాగినప్పటికీ, ముసెట్టి గాయపడటంతో మ్యాచ్ ఏకపక్షంగా మారింది. అల్కారాజ్ వరుసగా రెండవ ఫ్రెంచ్ ఓపెన్ ఫైనల్కు చేరుకోవడం విశేషం.
కీలక మ్యాచ్
మహిళల సింగిల్స్లో ఫ్రెంచ్ ఓపెన్ కొత్త చాంపియన్ను చూడబోతున్నది. మూడేండ్ల క్రితం ఈ టోర్నీ ఫైనల్ చేరి తృటిలో టైటిల్ కోల్పోయిన అమెరికా అమ్మాయి, రెండో సీడ్ కోకో గౌఫ్(Coco Gouf) మరోసారి పట్టువదలకుండా ఫైనల్ చేరింది. గురువారం రాత్రి జరిగిన మహిళల సింగిల్స్ రెండో సెమీస్లో గాఫ్ 6-1, 6-2తో ఫ్రాన్స్ సంచలనం బోయిసన్ను మట్టికరిపించి టాప్ సీడ్ అరీనా సబలెంక(Areena Sabalenka)తో టైటిల్ పోరుకు సిద్ధమైంది. వైల్డ్ కార్డ్ ఎంట్రీతో ఈ టోర్నీలో సంచలన విజయాలు సాధించిన బోయిసన్ కీలక మ్యాచ్లో మాత్రం గాఫ్ జోరు ముందు తేలిపోయింది. ఇక ముఖాముఖి పోరులో గాఫ్, సబలెంక 5-5తో సమంగా ఉన్నారు. ఫైనల్లో మట్టికోర్టు మహారాణిగా నిలిచేదెవరనేది శనివారం తేలనుంది.
Read Also: KL Rahul : ఇంగ్లాండ్ లయన్స్తో అనధికార టెస్టులో కేఎల్ రాహుల్ శతకం
