లగ్జరీ వాచ్‌తో బరిలోకి హార్దిక్ పాండ్యా ఖరీదెంతో తెలుసా!

ఐసీసీ ఛాంపియన్స్ ట్రోఫీ 2025లో భాగంగా భారత్-పాకిస్తాన్ హైఓల్టేజ్ మ్యాచ్ దుబాయ్ వేదికగా ఉత్కంఠగా సాగుతోంది. టాస్ గెలిచిన పాక్ జట్టు బ్యాటింగ్ చేస్తోంది. 39 ఓవర్లలో 5 వికెట్లు కోల్పోయి 177 పరుగులు చేసింది. అయితే, ఈ మ్యాచ్‌లో హార్దిక్ పాండ్యా తన అద్భుతమైన బౌలింగ్‌తో 2 కీలక వికెట్లు తీయడమే కాదు, మరో విషయంలోనూ ఫ్యాన్స్ దృష్టిని ఆకర్షించాడు. హార్దిక్ పాండ్యా ధరించిన లగ్జరీ వాచ్‌పై ఫ్యాన్స్ కామెంట్లు చేస్తున్నారు.ఛాంపియన్స్ ట్రోఫీ 2025లో భాగంగా ఐదవ మ్యాచ్‌లో భారత జట్టు పాకిస్థాన్‌తో తలపడుతోంది. ఈ మ్యాచ్ యునైటెడ్ అరబ్ ఎమిరేట్స్‌లోని దుబాయ్ ఇంటర్నేషనల్ క్రికెట్ స్టేడియంలో జరుగుతోంది. టాస్ గెలిచిన పాకిస్తాన్ మొదట ఫీల్డింగ్ ఎంచుకుంది. బలమైన ప్రారంభం ఉన్నప్పటికీ, పాకిస్తాన్ జట్టులోని ఇద్దరు ఓపెనర్లను హార్దిక్ పాండ్యా, అక్షర్ పటేల్‌లు బిగ్ షాకిచ్చారు.

ఖరీదైన వాచ్

మ్యాచ్‌లో పాకిస్తాన్ స్టార్ బ్యాట్స్‌మన్ బాబర్ అజామ్‌ను హార్దిక్ అద్భుతమైన బంతితో ఔట్ చేశాడు. కానీ, అవుటైన వెంటనే పాండ్యా తన స్టైల్ మేనరిజం‌తో సంబరాలు చేసుకున్నాడు. అప్పుడే ఫ్యాన్స్ అతని చేతిపై ఉన్న ఖరీదైన వాచ్‌ను గమనించారు. ఈ వాచ్ ఏది? ఎంత ఖరీదు? అనే ప్రశ్నలు నెట్టింట హాట్ టాపిక్ అయ్యాయి.పాండ్యా వాచ్ ఫొటోలు సోషల్ మీడియాలో వైరల్ అవుతున్నాయి. రిచర్డ్ మిల్లె కంపెనీ వాచ్ అంటూ అభిమానులు కామెంట్లు చేస్తున్నారు. ఈ లగ్జరీ వాచ్ ధర సుమారు రూ.15 కోట్లు ఉందంటూ చెబుతున్నారు. ఇది రిచర్డ్ మిల్లె RM27-02 CA FQ టూర్‌బిల్లాన్ రాఫెల్ నాదల్ స్కెలిటన్ డయల్ ఎడిషన్.ప్రపంచవ్యాప్తంగా చాలా మంది ప్రముఖ క్రీడాకారులు ఈ బ్రాండ్ వాచ్‌లను వాడతారు.హార్దిక్ పాండ్యా ఫ్యాషన్ పరంగా ఎప్పుడూ ట్రెండీగా ఉంటాడు. అతని దగ్గర పలు లగ్జరీ వాచీల సేకరణ ఉందని అభిమానులు చెబుతున్నారు. హార్దిక్ పాండ్యాకు గడియారాలంటే చాలా ఇష్టం.కేవలం క్రికెట్ ఆటగాడిగా మాత్రమే కాకుండా, స్టైల్ ఐకాన్‌గా కూడా హార్దిక్ పేరుపొందాడు.

హార్దిక్ పాండ్యా క్రికెట్ ఫీల్డ్‌లోనే కాదు, లగ్జరీ లైఫ్‌స్టైల్‌లో కూడా అగ్రస్థానంలో ఉన్నాడు. గ్రౌండ్‌లో అతను వేసిన బంతులకు ఎంత రీతిలో చర్చ జరుగుతోందో, అతని చేతిపై ఉన్న వాచ్ గురించిన చర్చ కూడా అంతే వైరల్‌గా మారింది. 15 కోట్ల విలువైన వాచ్‌తో బౌలింగ్ చేసిన హార్దిక్ నిజంగా స్టన్నింగ్