మన లైఫ్ లో చాలా మందికి మ్యాజిక్, సాంగ్స్ వినే అలవాటు ఉంటుంది. సందర్భం, మూడ్ బట్టి తమకు నచ్చిన పాటలను వింటుంటారు. దీని వల్ల మనసు తేలిక అవ్వడంతో పాటు ఒత్తిడి తగ్గి శరీరం, మెదడులో కాస్త చురుకుదనం కూడా వస్తుంది. సామాన్యుల నుంచి సెలబ్రిటీల వరకు ప్రతిఒక్కరికీ ఇదే జరుగుతుంది. అయితే తాజాగా ఆర్సీబీ స్టార్ విరాట్ కోహ్లీ ప్రస్తుతం తన ఫేవరెట్ సాంగ్ ఏంటో తెలిపాడు. అభిమానులకు తన ఫేవరెంట్ సాంగ్ ఏంటో ప్లే చేసి వినిపించాడు. అయితే ఇది బాలీవుడ్ సాంగ్ కాకుండా సౌత్ సౌంగ్ కావడం విశేషం. ఇంతకీ ఆ సాంగ్ ఏంటో తెలుసుకుందాం.
ప్లే లిస్ట్
ప్రస్తుతం ఐపీఎల్ 2025లో బిజీగా ఉంటున్నాడు విరాట్ కోహ్లీ. ఈ సీజన్ లో ఫుల్ ఫామ్ లో ఉన్న కోహ్లీ ఇప్పటి వరకు ఆడిన 10 మ్యాచుల్లో 63.29 సగటుతో, 138.87 స్ట్రైక్ రేటుతో 443 పరుగులు చేశాడు. అందులో 39 ఫోర్లు, 13 సిక్సులతో ఏకంగా ఆరు హాఫ్ సెంచరీలు ఉండటం విశేషం. ఆర్సీబీ విజయాల్లో కీలకంగా వ్యవహరిస్తున్నాడు. దీంతో ఆర్సీబీ కూడా ఆడిన 10 మ్యాచుల్లో ఏడింటిలో గెలిచి ప్లే ఆఫ్స్ రేసులో ముందుంది. ఆర్సీబీ తన తర్వాతి మ్యాచును మార్చి 3న చిన్నసామి స్టేడియం వేదికగా చెన్నై సూపర్ కింగ్స్ తో తలపడనుంది. ఈ సందర్భంగా మ్యాచ్ ముందు ఇంటర్వ్యూలో పాల్గొన్న కోహ్లీ తన కరెంట్ ఫేవరెట్ సాంగ్ గురించి చెప్పాడు. హోస్ట్ అడిగిన ప్రశ్నకు తన ఫోన్ లో ప్లే లిస్ట్ ఓపెన్ చేసి ‘నీ సింగ్ ధాన్’ పాటను వినిపించాడు. ఇది సౌత్ ఇండస్ట్రీ కోలీవుడ్ లోని సాంగ్ కావడం విశేషం. స్టార్ హీరో శింబు నటించిన ‘పాత్తు థలా’ సినిమాలోనిది. ఈ పాటకు ప్రముఖ సంగీత దర్శకుడు ఏఆర్ రెహ్మాన్ సంగీతం అందించగా సిద్ధ్ శ్రీరామ్ ఆలపించారు. వివేక్ లిరిక్స్ అందించారు. ఈ సాంగ్ చాలా బాగా హిట్ అయింది.కాగా, గతంలోనూ కోహ్లీ తన ఫేవరెట్ సాంగ్స్ గురించి చెప్పుకొచ్చాడు. ఏ దిల్ హై ముష్కిల్ సినిమాలోని చన్నా మేరెయా, ఏ దిల్ హై ముష్కిల్ పాటలతో పాటు బ్రహ్మాస్త్రలోని దేవా దేవా పాటలంటే ఇష్టమని పేర్కొన్నాడు.
