ఆంధ్రప్రదేశ్ ఉప ముఖ్యమంత్రి,జనసేన అధినేత పవన్ కల్యాణ్ మరోసారి తన దయామయ స్వభావాన్ని చాటుకున్నారు.ఈసారి ఆయనను కలవాలని అనుకున్న ఓ వృద్ధురాలికి చిరకాల కోరికను నెరవేర్చారు.ఆమెతో కలిసి భోజనం చేసి హృదయాన్ని గెలుచుకున్నారు.కాకినాడ జిల్లా కొత్త ఇసుకపల్లి గ్రామానికి చెందిన పోతుల పేరంటాలు అనే 96 ఏళ్ల మహిళ పవన్ కల్యాణ్ అభిమాని. పవన్ విజయం కోసం ఆమె దేవతలకి మొక్కులు తీర్చారు.ఏకంగా వెండి గరగ సమర్పించేందుకు నెలల పాటు పొదుపు చేశారు.పేరంటాలు పవన్తో భోజనం చేయాలనే కోరికను వ్యక్తం చేశారు.స్థానిక నాయకుల ద్వారా ఈ విషయం ఉప ముఖ్యమంత్రి దృష్టికి వెళ్లింది.వెంటనే ఆమెను జనసేన క్యాంపు కార్యాలయానికి ఆహ్వానించారు.పవన్ ఆమెను ఆదరించి, కలిసి భోజనం చేశారు.
ఆమె ఆరోగ్యం, జీవన పరిస్థితులు గురించి తెలుసుకున్నారు.ఇది చూసిన ప్రతి ఒక్కరూ ఈ సన్నివేశాన్ని హృదయంతో స్వీకరించారు.పవన్ కల్యాణ్ సర్ప్రైజ్గా ఆమెకు లక్ష రూపాయల ఆర్థిక సహాయం చేశారు. ఆమెకు కొత్త చీరను కూడా బహుమతిగా ఇచ్చారు.ఒక నేతగా కాకుండా, ఒక మనిషిగా ఆమెకు చూపిన ఆదరణ అంతులేనిది.ఈ అపురూప ఘట్టానికి సంబంధించిన ఫోటోలు, వీడియోలు సోషల్ మీడియాలో వైరల్ అయ్యాయి.
వేలాది మంది అభిమానులు ఈ ఉదంతాన్ని చూసి హర్షాతిరేకం వ్యక్తం చేస్తున్నారు.2024 ఎన్నికల్లో పవన్ కల్యాణ్ పిఠాపురం నుంచి గెలిచారు.ఆయన విజయాన్ని కోరుతూ పేరంటాలు ఊరిలోని వేగులమ్మ తల్లికి మొక్కారు. గెలిస్తే వెండి గరగ సమర్పిస్తానని మాటిచ్చారు.తన పింఛను డబ్బుల నుండి నెలకు రూ.2,500 చొప్పున దాచారు. 12 నెలల్లో రూ.27,000 చేరి, వెండి గరగ తయారు చేయించారు. ఆ గరగను ఆమె మే నెలలో అమ్మవారికి సమర్పించారు.వృద్ధురాలిని ఎదుర్కొని ఆమె కలను నెరవేర్చిన పవన్ ప్రవర్తన ప్రశంసనీయమైంది. ఇది అభిమానుల పట్ల ఆయన చూపే గౌరవానికి నిదర్శనం. ఆయన మానవీయ విలువలు అభిమానుల్లో విశ్వాసం పెంచుతున్నాయి.
Read Also : Chandrababu Naidu : ప్రధాని మోదీ నాయకత్వంలోనే దేశానికి భద్రత అన్న చంద్రబాబు
