తెలుగు సినిమాల్లో హారర్ జానర్కు కొత్త ఊపిరి తీసుకొచ్చే సినిమా ‘ఓదెల 2’. ఈ సూపర్ నేచురల్ థ్రిల్లర్ ఇప్పుడు ఓటీటీ ప్లాట్ఫామ్లో రిలీజ్కు సిద్ధంగా ఉంది. ఏప్రిల్లో థియేటర్లలో వచ్చిన ఈ సినిమా, ఇప్పుడు అమెజాన్ ప్రైమ్ వీడియోలో మే 9వ తేదీ నుంచి స్ట్రీమింగ్ కానుంది.ఈ సినిమా తెలుగు తోపాటు తమిళం, కన్నడ, మలయాళం, హిందీ భాషల్లో స్ట్రీమ్ కానుంది. ఇది దక్షిణాది ప్రేక్షకులతోపాటు నార్త్ ఇండియా ఆడియెన్స్ను కూడా ఆకర్షించే అవకాశం ఉంది. మరి భయంతో ఉలిక్కిపడేందుకు మీరు రెడీనా?‘ఓదెల 2’ అనేది ఓదెల రైల్వే స్టేషన్ సినిమాకు సీక్వెల్. దర్శకుడు అశోక్ తేజ ఈ సినిమాను రూపొందించగా, కథను సంపత్ నంది అందించారు. భయం, మిస్టరీ, ఆధ్యాత్మికత కలిపిన హారర్ థ్రిల్లర్ ఇది.
తమన్నా నాగ సాధువుగా కనిపించనున్నారు
ఈ సినిమాలో తమన్నా భాటియా నాగ సాధువు బైరవి పాత్రలో కనిపించనున్నారు. ఇది ఆమె కెరీర్లో చాలా డిఫరెంట్ రోల్ అని చెప్పొచ్చు. హారర్ సినిమాల్లో ఆమెని చూడటం ప్రేక్షకులకు కొత్త అనుభూతి కావొచ్చు.కథ ఓదెల అనే ఊర్లో మొదలవుతుంది. అక్కడ తిరుపతి అనే వ్యక్తి హత్యకు గురవుతాడు. అతడి భార్య రాథ (హెబ్బా పటేల్) అతనిని చంపుతుంది. అయితే తిరుపతి ఆత్మ ప్రేతాత్మగా మారి ఊరిని భయపెడుతుంది.తిరుపతి ఆత్మ నవ వధువులను టార్గెట్ చేస్తూ, హత్యలు చేస్తుంది. ఊరి ప్రజలు అతను దుష్టశక్తిగా మారాడని అనుకుంటారు. ఆ ఊరిని కాపాడటానికి వస్తుంది నాగ సాధువు బైరవి.
తమన్నా వర్సెస్ ప్రేతాత్మ – కిక్ ఇచ్చే పోరు
తమన్నా పాత్ర బైరవి, తిరుపతి ప్రేతాత్మను ఎదుర్కొంటుంది. ఈ ఇద్దరి మధ్య జరిగే పోరు సినిమా హైలైట్ అవుతుంది. విజువల్స్, బిజెం, కథ – ఇవన్నీ హారర్ అభిమానులను కట్టిపడేస్తాయి.‘ఓదెల 2’ ఇప్పుడు అందరికీ అందుబాటులో ఉంటుంది. ఇంటి నుంచే థ్రిల్ అనుభూతి పొందాలనుకునే వారు మిస్ చేయకుండా చూడాలి. అమెజాన్ ప్రైమ్లో స్ట్రీమ్ అవుతోందన్న విషయం మరచిపోకండి.
Read Also : Allu Arjun : అమిర్ ఖాన్ తో సమావేశమైన అల్లు అర్జున్..
