Dr. Mark E. Rupp : కొత్త వ్యాక్సిన్ కు అమెరికా గ్రీన్ సిగ్నల్ : కరోనా

కొవిడ్ మళ్లీ చర్చలోకి వచ్చింది. ముఖ్యంగా హాంకాంగ్, సింగపూర్ వంటి ఆసియా నగరాల్లో కేసులు వేగంగా పెరుగుతున్నాయి. గత కొన్ని వారాలుగా కరోనా ఇన్ఫెక్షన్లు గణనీయంగా పెరుగుతున్నాయి. ఫలితంగా ఆసుపత్రుల్లో చేరే సంఖ్య కూడా ఆందోళన కలిగించే స్థాయికి చేరింది.బ్లూమ్‌బెర్గ్ నివేదిక ప్రకారం, ఈ నగరాల్లో కొత్త కేసులు మాత్రమే కాదు, మరణాలు కూడా పెరుగుతున్నాయి. ఆసుపత్రుల్లో బెడ్లు మళ్లీ నిండిపోతున్నాయి. కరోనా తీవ్రత తక్కువయిందని ఊపిరి పీల్చుకున్న ప్రపంచం, మళ్లీ ఒక కొత్త పరీక్ష ఎదుర్కొంటోంది.

కొత్త వేరియంట్లు కారణమా?

Dr. Mark E. Rupp మాటల్లో, కోవిడ్ వ్యాక్సిన్లు ఇచ్చిన రోగనిరోధక శక్తి క్రమంగా తగ్గుతోంది. అదే సమయంలో LP.8.1 మరియు XFC అనే కొత్త వేరియంట్లు వేగంగా విస్తరిస్తున్నాయి. ఇది పరిస్థితిని మరింత సంక్లిష్టంగా మారుస్తోంది.ఈ నేపథ్యంలో, ప్రజలు బూస్టర్ డోసు తీసుకోవాలని వైద్య నిపుణులు సూచిస్తున్నారు. ఫ్లూ వ్యాక్సిన్‌లా, కోవిడ్ వ్యాక్సిన్‌ను కూడా ప్రతి సంవత్సరం తీసుకోవాల్సిన అవసరం రావచ్చు.

నోవావాక్స్ కొత్త వ్యాక్సిన్‌కు FDA ఆమోదం

అమెరికా ఫుడ్ అండ్ డ్రగ్ అడ్మినిస్ట్రేషన్ (FDA) తాజాగా నోవావాక్స్ అభివృద్ధి చేసిన కొత్త వ్యాక్సిన్‌కు ఆమోదం తెలిపింది. ఇది కొత్త వేరియంట్లను లక్ష్యంగా చేసుకొని రూపొందించబడింది. ఈ వ్యాక్సిన్ అనేక దేశాల్లో అందుబాటులోకి రానుంది.

డాక్టర్ మార్క్ ఈ రూప్ మాటల్లో…

అమెరికాకు చెందిన అంటువ్యాధుల నిపుణుడు డాక్టర్ Dr. Mark E. Rupp, తాజా వేరియంట్ల వివరాలు వెల్లడించారు. “ప్రస్తుతం నమోదవుతున్న కేసుల్లో సుమారు 70% LP.8.1 వేరియంట్ కారణంగా వస్తున్నాయి. మరో 9% XFC వేరియంట్ వల్ల” అని ఆయన తెలిపారు. ఒమిక్రాన్ స్థానాన్ని ఇప్పుడు దాని ఉప వేరియంట్లు తీసుకుంటున్నాయని చెప్పారు.

కొత్త వేరియంట్లు ప్రమాదకరమా?

ఈ కొత్త వేరియంట్లు ప్రాణాంతకంగా మారడం లేదని నిపుణులు చెబుతున్నారు. కానీ, గతంలో తీసుకున్న వ్యాక్సిన్ ప్రభావం తగ్గిపోవడంతో, వైరస్‌కి అవి బలమైన అవకాశంగా మారుతున్నాయి. అలా వ్యాప్తి కొనసాగుతోంది.

ప్రపంచ ఆరోగ్య సంస్థ జాగ్రత్త

ప్రపంచ ఆరోగ్య సంస్థ (WHO) ఇప్పటికే LP.8.1 వేరియంట్‌ను ‘అండర్ మానిటరింగ్ వేరియంట్’గా గుర్తించింది. ఇది ఏప్రిల్ నుండి యూకే, ఆస్ట్రేలియా, ఆసియా దేశాల్లో వేగంగా వ్యాపించింది. WHO, ప్రజలు అప్రమత్తంగా ఉండాలని, మాస్కులు, శానిటైజర్లు మళ్లీ ఉపయోగంలోకి తేవాలని సూచిస్తోంది.కరోనా మళ్లీ తలెత్తిన నేపథ్యంలో ప్రతి ఒక్కరూ జాగ్రత్తలు తీసుకోవాలి. బూస్టర్ డోసులు తీసుకోవడం, చేతులు శుభ్రంగా ఉంచుకోవడం, పబ్లిక్ ప్లేసెస్‌లో మాస్కులు వాడటం అవసరం. కోవిడ్ ఫ్లూ లా మారుతున్నప్పటికీ, నిర్లక్ష్యం మాత్రం ప్రమాదకరం.