Nepal : హింసాత్మక ఘటనపై నేపాల్ మాజీ రాజుకు జరిమానా నేపాల్‌లో రాచరిక పునరుద్ధరణ కోసం నిర్వహించిన ఆందోళనలు తీవ్ర ఉద్రిక్తతలకు దారి తీశాయి.ఈ నిరసనలు హింసాత్మకంగా మారడంతో ప్రభుత్వ, ప్రైవేట్ ఆస్తుల ధ్వంసం జరిగింది.ఈ ఘటనలకు కారణంగా మాజీ రాజు జ్ఞానేంద్ర షాపై జరిమానా విధించేందుకు కాఠ్‌మాండూ మేయర్ బాలేంద్ర షా నిర్ణయం తీసుకున్నారు.ఇప్పటికే ఆయన నివాసానికి నోటీసులు పంపించారు.దాదాపు రెండున్నర శతాబ్దాల పాటు నేపాల్‌లో రాచరిక పాలన కొనసాగింది. 2008లో ప్రజాస్వామ్యం ఏర్పడినప్పటికీ, దేశం అంతటా రాజకీయ అస్థిరత కొనసాగుతోంది. అనేక ప్రభుత్వాలు మారుతూ రావడం, ప్రజల్లో అసంతృప్తిని పెంచింది.దీనికి తోడు మాజీ రాజు జ్ఞానేంద్ర షా, ప్రజలకు వీడియో సందేశం ద్వారా తనకు మద్దతు ఇవ్వాలని పిలుపునిచ్చారు.జ్ఞానేంద్ర పిలుపు ఇచ్చిన తర్వాత రాచరిక అనుకూల ఉద్యమం ఊపందుకుంది. రెండు రోజుల క్రితం కాఠ్‌మాండూలో ఆయన మద్దతుదారులు భారీ ప్రదర్శనలు నిర్వహించారు.అయితే, ఈ నిరసనలు హింసాత్మకంగా మారి, ప్రభుత్వ భవనాలు, ప్రైవేట్ ఆస్తులకు నష్టం కలిగించాయి.
నిరసనల్లో ఇద్దరు మరణించగా, 110 మంది గాయపడ్డారు. ప్రభుత్వ భవనాలు, వాణిజ్య సముదాయాలు ధ్వంసమయ్యాయి. పోలీసులు తక్షణమే రంగప్రవేశం చేసి ఉద్రిక్తతను అదుపులోకి తెచ్చారు.కాఠ్‌మాండూ మేయర్ బాలేంద్ర షా, జరిగిన విధ్వంసానికి మాజీ రాజు జ్ఞానేంద్ర షానే బాధ్యత వహించాలని అభిప్రాయపడ్డారు. అందుకే 7,93,000 నేపాలీ రూపాయల జరిమానా విధిస్తూ నోటీసులు జారీ చేశారు. ఈ నోటీసులు మహారాజ్‌‌గంజ్‌లోని “నిర్మలా నివాస్”, అంటే మాజీ రాజు నివాసానికి పంపించామని వెల్లడించారు.నేపాల్‌లో రాజకీయ అస్థిరత ఇప్పటికీ నిరంతర సమస్యగా మారింది. రాచరికాన్ని మళ్లీ పునరుద్ధరించాలన్న డిమాండ్లు, ప్రజాస్వామ్య వ్యవస్థపై పెరిగిన అసంతృప్తి రాజకీయ ఉత్కంఠ పెంచే అవకాశం ఉంది. ఈ ఘటన నేపాల్ రాజకీయ భవిష్యత్తుపై మరింత ప్రభావం చూపుతుందా? అన్నది వేచి చూడాల్సిందే.
ఆంధ్రప్రదేశ్ రాజకీయాలు ఉపముఖమంత్రి పదవి చుట్టూ తిరుగుతున్నాయి . ఇన్నాళ్లు పవన్ చేసిన త్యాగాలు , సహాయాలు గుర్తింపు గా పవన్ కు ఉపముఖమంత్రి పదవి ఇచ్చినట్టు Read more
Donald Trump: పుతిన్ , జెలెన్ స్కీకి ఇద్దరికీ వార్నింగ్ ఇచ్చిన ట్రంప్ రష్యా-ఉక్రెయిన్ యుద్ధాన్ని ముగించే దిశగా అమెరికా మాజీ అధ్యక్షుడు డొనాల్డ్ ట్రంప్ తనదైన Read more
Minister Komatireddy : నల్గొండ జిల్లాలో సన్నబియ్యం పంపిణీ కార్యక్రమంలో మంత్రి కోమటిరెడ్డి పాల్గొన్నారు. ఈ సందర్భంగా ఆయన మాట్లాడుతూ.. మరోసారి బీఆర్‌ఎస్‌పై విమర్శులు గుప్పించారు. రాష్ట్రంలో Read more
అమెరికా విదేశాంగ శాఖ యునైటెడ్ స్టేట్స్లో హెచ్-1బీ వీసాలను పునరుద్ధరించడానికి పైలట్ ప్రోగ్రామ్‌ను విజయవంతంగా పూర్తి చేసింది. ఈ సంవత్సరం, అమెరికాలోనే వీసా పునరుద్ధరణ కార్యక్రమాన్ని ప్రారంభించడానికి Read more