భార్య అందం మీద అనుమానం – మానవత్వాన్ని మరిచిన భర్త దారుణం
ఇది చదివిన ప్రతి ఒక్కరిని ఒక్కసారిగా షాక్కు గురి చేయకమానదు. భార్య మీద ప్రేమ అని చెప్పుకుంటూ ఆమె అందాన్ని హిందిస్తూ మానవత్వాన్ని మరిచిపోయిన భర్త ఒక దారుణానికి పాల్పడ్డాడు. ఇది చదవగానే, “ఇదేంటీ పిచ్చి?” అనే భావన ప్రతి ఒక్కరిలో కలుగక మానదు. ఇలాంటి చర్యలు చూస్తే, మనిషి మానవత్వాన్ని కోల్పోయి మృగంగా ఎలా మారిపోతున్నాడో తెలుస్తోంది. ఈ విపరీతమైన సంఘటన పశ్చిమ బెంగాల్ రాష్ట్రంలోని నదియా జిల్లాలో చోటు చేసుకుంది. బాపన్ షేక్ అనే వ్యక్తి తన భార్య మధు ఖతూన్పై దాడి చేసి, ఆమె ముక్కును కొరికి తినే ప్రయత్నం చేశాడు. ఇది దేశవ్యాప్తంగా సంచలనం రేపింది.
భార్య అందాన్ని భరించలేక ముక్కు కొరికిన భర్త
నదియా జిల్లాలోని శాంతిపూర్ పోలీస్ స్టేషన్ పరిధిలోని బేర్పారా ప్రాంతానికి చెందిన బాపన్ షేక్, మధు ఖతూన్ అనే దంపతులు నివసిస్తున్నారు. వీరి మధ్య కొన్ని రోజులుగా తరచూ గొడవలు జరుగుతున్నాయని స్థానికులు చెబుతున్నారు. కానీ ఇంతటి దారుణానికి అతను ఒడిగట్టుతాడని ఎవరూ ఊహించలేదు. మే 2వ తేదీ తెల్లవారుజామున 3 గంటల సమయంలో మధు ఖతూన్ గట్టిగా కేకలు వేస్తూ అరవడం స్థానికులకు వినిపించిందట. వెంటనే పక్కింటి వారు అక్కడికి చేరుకుని చూడగా ఆమె రక్తస్రావంతో ఏడుస్తూ బయటకు వచ్చింది. వారు వెంటనే ఆమెను ఆసుపత్రికి తరలించి చికిత్స చేయించారు.
“నీ ముక్కు తినేస్తా” అన్న బెదిరింపు.. చివరికి నిజం
మధు ఖతూన్ చెప్పిన వివరాల ప్రకారం – ఆమె భర్త తరచూ “నీ ముక్కు నాకు చాలా బాగుంటుంది.. ఒక రోజు దాన్ని తినేస్తా” అని చెబుతుండేవాడట. మొదట్లో సరదాగా అనిపించిన ఈ మాట చివరికి భయానకంగా మారింది. చివరకు అన్నట్లు ఆమె ముక్కును కొరికి రక్తపు మడుగులో ముంచాడు. మధు కన్నీటి పర్యంతమై తన తల్లితో కలిసి పోలీసులకు ఫిర్యాదు చేసింది. వెంటనే పోలీసులు చర్యలు తీసుకుని బాపన్ షేక్ను అరెస్ట్ చేశారు. ప్రస్తుతం అతను పోలీసు కస్టడీలో ఉన్నాడు.
సమాజం ఎటు పోతోంది?
ఇలాంటి సంఘటనలు మన దేశంలో పునరావృతం అవుతున్నాయి. ఇటీవలే తెలంగాణలోని మీర్పేటలో ఒక భర్త తన భార్యను చంపి ముక్కలుగా నరికి చెరువులో కలిపిన ఘటన దేశవ్యాప్తంగా కలకలం రేపింది. ఇప్పుడు బెంగాల్లోని ఈ ఘటన మానవ సంబంధాల హీనస్థితిని బయటపెడుతోంది. భార్య అందంగా ఉండటం ఒక గర్వకారణం కావాలి, కానీ అదే ఈర్ష్య, అనుమానం, భయంకరమైన మానసిక స్థితికి దారితీస్తే ఇక కుటుంబ వ్యవస్థలో మానవత్వానికి చోటే లేదు.
Read also: Cheating: ప్రేమ పేరుతో మోసపోయిన థాయ్లాండ్ యువతి చివరికి ఏమైంది!
