2026వ సంవత్సరంలో మొత్తం రెండు చంద్రగ్రహణాలు ఏర్పడనున్నాయి. అందులో మొదటిది మార్చి 3వ తేదీన సంభవించనుంది. విశేషమేమిటంటే, ఆ రోజున దేశవ్యాప్తంగా రంగుల పండుగ ‘హోలీ’ జరుపుకోనున్నారు. పౌర్ణమి తిథి నాడు సూర్యుడు, చంద్రుడికి మధ్యలో భూమి అడ్డుగా వచ్చినప్పుడు, భూమి యొక్క నీడ చంద్రునిపై పడటంతో ఈ చంద్రగ్రహణం ఏర్పడుతుంది. ఈ గ్రహణం మధ్యాహ్నం 3:20 గంటలకు ప్రారంభమై, సాయంత్రం 6:47 గంటలకు ముగుస్తుంది. అంటే సుమారు మూడున్నర గంటల పాటు ఈ గ్రహణ ప్రభావం ఉంటుంది.
TG Municipal Elections : మున్సిపల్ ఎన్నికల్లో బిఆర్ఎస్ నేతలను డిస్టర్బ్ చేసేందుకే ఈ కుట్రలు
భారతదేశ కాలమానం ప్రకారం ఇది పగటిపూట ప్రారంభమవుతున్నప్పటికీ, సాయంత్రం సమయంలో చంద్రోదయం తర్వాత కొన్ని ప్రాంతాల్లో ఇది కనిపిస్తుంది. గ్రహణ సమయం ముగిసే వరకు ఆధ్యాత్మికంగా దీనికి ఎంతో ప్రాముఖ్యత ఉంటుంది. సంప్రదాయాల ప్రకారం గ్రహణ సమయంలో శుభకార్యాలు నిషిద్ధంగా భావిస్తారు.
ఈ గ్రహణ ప్రభావంతో తెలుగు రాష్ట్రాల్లోని ప్రముఖ దేవాలయాలన్నీ మూసివేయనున్నారు. సాధారణంగా గ్రహణం ప్రారంభానికి కొన్ని గంటల ముందే ఆలయ ద్వారాలను మూసివేసి, గ్రహణానంతరం సంప్రోక్షణ, ప్రత్యేక పూజలు నిర్వహించిన తర్వాతే భక్తులకు దర్శనం కల్పిస్తారు. ఇక ఈ ఏడాది సంభవించబోయే రెండో చంద్రగ్రహణం ఆగస్టు 28న ఏర్పడనుంది. ఈ విధంగా 2026లో రెండు సార్లు చంద్రుడు తన కాంతిని కోల్పోయి, భూమి నీడలోకి వెళ్లే అద్భుత దృశ్యాలను మనం చూడబోతున్నాము.
Read hindi news: hindi.vaartha.com
Read Also Epaper : epaper.vaartha.com
