థరూర్(Tharoor) కు మోదీపై ప్రశంసలు – కానీ భాజపాలో చేరే ఉద్దేశం లేదని స్పష్టీకరణ
ప్రధానమంత్రి నరేంద్ర మోదీని ప్రశంసిస్తూ ఓ ఆంగ్లపత్రికలో వ్యాసం రాసిన కాంగ్రెస్ సీనియర్ నాయకుడు, లోక్సభ సభ్యుడు డా. శశి థరూర్ (Tharoor) చేసిన వ్యాఖ్యలు రాజకీయ వర్గాల్లో తీవ్ర చర్చనీయాంశంగా మారాయి. ఈ వ్యాసం భాజపాలో ఆయన చేరే సూచనగా భావిస్తూ ఊహాగానాలు ప్రారంభమవుతున్న సమయంలో, తాను బీజేపీలో చేరే ఉద్దేశం లేదని, దేశ విదేశాంగ విధానాల పట్ల మాత్రమే తన అభిమతాలను వ్యక్తపరచినట్టుగా థరూర్ స్పష్టంగా తెలియజేశారు.
మోదీ ప్రభుత్వంపై విభిన్న అభిప్రాయం వ్యక్తం చేసిన థరూర్ (Tharoor) వ్యాఖ్యలు కాంగ్రెస్ వర్గాలలోనే కాక, బీజేపీ శ్రేణుల్లోనూ ఆసక్తికరంగా మారాయి. ‘ఆపరేషన్ సిందూర్’ అనంతర దౌత్యపరమైన పరిణామాలపై తన వ్యాసంలో థరూర్ చేసిన విశ్లేషణ దేశవ్యాప్తంగా చర్చకు దారితీసింది. ఈ అంశంపై నిన్న ప్రధాని కార్యాలయం తన అధికారిక ఎక్స్ ఖాతా (మాజీ ట్విట్టర్) ద్వారా థరూర్ వ్యాసాన్ని పంచుకోవడంతో ఈ చర్చ మరింత వేడెక్కింది. ఇది భాజపా అధికార వర్గాల నుంచే రావడం విశేషం.
“విదేశాంగ విధానంపై అభిప్రాయం రాజకీయాలకు అతీతం”
ఈ క్రమంలో స్పందించిన థరూర్, “నేను రాసిన వ్యాసం పార్టీల రాజకీయాలకు సంబంధించదని స్పష్టంగా చెప్పారు. “ఆ వ్యాసంలో ప్రధాని మోదీ (Prime Minister Modi) నేతృత్వంలోని ప్రభుత్వం చూపిన దౌత్యపరమైన దృక్పథాన్ని నేను ప్రశంసించాను. ఇది బీజేపీ (BJP) విధానాన్ని మెచ్చుకోవడమే కాదు, దేశ విదేశాంగ విజయాన్ని స్వీకరించడమాత్రమే” అని అన్నారు. “భారతదేశం ఎలా ప్రగతిశీలంగా, సమర్థవంతంగా తన ధోరణిని ప్రపంచానికి వివరించగలిగిందో, ఆ విశ్లేషణ మాత్రమే నా రచనలో ఉంది” అని ఆయన చెప్పారు.
11 సంవత్సరాల క్రితం పార్లమెంటు విదేశాంగ వ్యవహారాల కమిటీకి తాను అధ్యక్షుడిగా ఉన్నప్పుడు కూడా ఇదే రీతిగా దేశ ప్రయోజనాల దృష్ట్యా దౌత్యాన్ని మెచ్చుకున్నట్లు గుర్తుచేశారు. దేశ ప్రయోజనాల పట్ల అభిమానం వ్యక్తం చేయడాన్ని రాజకీయపరమైన వ్యూహంగా చూడడం సరైంది కాదని స్పష్టం చేశారు.
ఆపరేషన్ సిందూర్ విజయం – జాతీయ ఐక్యతకు నిదర్శనం
పహల్గామ్ ఉగ్రదాడికి భారత్ ఇచ్చిన జవాబుగా ‘ఆపరేషన్ సిందూర్’ (Operation Sindoor) విజయవంతంగా అమలై, భారత దౌత్యాన్ని అంతర్జాతీయంగా ప్రభావవంతంగా స్థిరపరిచిందని థరూర్ అభిప్రాయపడ్డారు. ఈ ఆపరేషన్ అనంతరం మోదీ (Modi) ప్రభుత్వం చేసిన విదేశాంగ చొరవలు, ఇతర దేశాలతో నెలకొన్న సంబంధాలు, భారత్ ప్రతిష్ఠను పెంచడంలో కీలకపాత్ర పోషించాయని ఆయన పేర్కొన్నారు. ఈ అభిప్రాయాలు వ్యక్తిగత రాజకీయం కాదని, దేశ భద్రత, ఐక్యత, అంతర్జాతీయ మద్దతు కోసం అన్ని పక్షాలూ కలిసికట్టుగా ఉండాల్సిన సందర్భంలో తన అభిప్రాయం మాత్రం అన్నారు.
“దేశ ప్రయోజనాల విషయంలో నేను ఎల్లప్పుడూ సమర్థవంతమైన కార్యాచరణకు మద్దతు ఇస్తాను. అది ఎవరి పాలనలోనైనా కావచ్చు. ఈ ప్రశంసలు వ్యక్తిగతంగా మోదీ గారి వ్యక్తిత్వానికి కాదు, భారతదేశం చూపిన జాతీయ సంకల్పానికి సంబంధించినవే” అని థరూర్ స్పష్టం చేశారు. తన వ్యాఖ్యలను వక్రీకరించవద్దని, అవి బీజేపీలో చేరేందుకు సంకేతాలు కాదని ఆయన స్పష్టం చేశారు.
Read also: Trump: ట్రంప్ వ్యాఖ్యలతో ముడి చమురు ధరలు పతనం: ఊపిరి పీల్చుకున్న పలు దేశాలు
