GST : న్యూఢిల్లీలో జరిగిన 56వ వస్తుసేవల పన్ను (జిఎస్టి) మండలి సమావేశంలో, దేశవ్యాప్తంగా సామాన్యులు, రైతులు, మధ్యతరగతి, యువతకు నేరుగా ఆర్థిక ఊరట కలిగించేలా జిఎస్టి స్లాబ్లను సులభతరం చేసి చారిత్రాత్మక నిర్ణయాలు తీసుకున్నారని బిజెపి రాష్ట్ర అధ్యక్షులు ఎన్. రాంచందర్ రావు అన్నారు. గురువారం బిజెపి రాష్ట్ర కార్యాలయంలో ఏర్పాటు చేసిన మీడియా సమావేశంలో మాట్లాడుతూ, దేశవ్యాప్తంగా కోట్లాది మంది ప్రజలకు మేలు జరిగేలా జిఎస్టి ట్యాక్స్ తగ్గిస్తూ కౌన్సిల్ నిర్ణయాలు తీసుకుందన్నారు. 12శాతం, 28శాతం పన్నుస్లాబ్లను పూర్తిగా రద్దు చేయడం ద్వారా అనేక నిత్యావసర వస్తువులు ఇప్పుడు 5 శాతం స్లాబ్లలోకి వస్తాయని, మరికొన్ని వస్తువులపై జిఎస్టి శాతం జీరోకు తగ్గించబడ్డదని ఆయన వివరించారు.
మోడీ ప్రభుత్వ ఆర్థిక ఊరట
నరేంద్ర మోడీ ప్రభుత్వం, కేంద్ర ఆర్థిక మంత్రి నిర్మలా సీతారామన్ నేతృత్వంలో జిఎస్టి రేట్ల తగ్గింపు ద్వారా సామాన్యులు, రైతులు, విద్యార్థులు, మహిళలు, యువతకు నేరుగా ఆర్థిక ఊరట కల్పిస్తుందన్నారు. వినాయక చవితి, బతుకమ్మ, దసరా పండుగల వేళ బహుమతిగా పేద, మధ్యతరగతి ప్రజలకు అత్యవసర వస్తువులపై ట్యాక్స్ తగ్గించడం పట్ల బిజెపి తెలంగాణ రాష్ట్ర శాఖ స్వాగతం తెలిపింది. ప్రధాని నరేంద్ర మోడీ, నిర్మలా సీతారామన్కు కృతజ్ఞతలు తెలిపిన రాష్ట్ర అధ్యక్షులు, ఇది దేశాన్ని self-reliant అభివృద్ధి దిశగా తీసుకెళ్తుందని పేర్కొన్నారు. కాంగ్రెస్ పార్టీ ప్రజల కోసం ఏమి సాధించలేక, ప్రధాని మోడీపై విమర్శలు చేయడమే చేస్తోందని విమర్శించారు.
తెలంగాణలో రాజకీయ పరిణామాలు
ప్రధాని మోడీ తల్లిపై చేసిన వ్యాఖ్యలను బిజెపి తీవ్రంగా ఖండించింది. జిఎస్టి తగ్గింపుతో పండుగ సమయంలో ఊరట ఇచ్చినందుకు బిజెపి తెలంగాణ రాష్ట్ర శాఖ ఆధ్వర్యంలో పాలభిషేకం కార్యక్రమం చేపట్టాలని నిర్ణయించింది. కేంద్ర హోం మంత్రి అమిత్ షా భాగ్యనగర గణేష్ నిమజ్జన శోభాయాత్రకు ముఖ్య అతిథిగా హాజరుకానున్నారు. మొజంజాహి మార్కెట్లో గణేష్ ఉత్సవ కమిటీ ఆహ్వానం మేరకు శోభాయాత్రలో పాల్గొని, కొన్ని అభివృద్ధి కార్యక్రమాలను virtual ద్వారా ప్రారంభించనున్నారని తెలిపారు. భారత్ ఇప్పుడు అమెరికా, రష్యా వంటి దేశాలపై ఆధారపడకుండా “Made in India, Make in India” కార్యక్రమాలను ముందుకు తీసుకెళ్తోందని పేర్కొన్నారు. తెలంగాణలో యూరియా కృత్రిమ కొరతను కాంగ్రెస్ ప్రభుత్వం సృష్టిస్తోందని, కానీ మోడీ ప్రభుత్వం దేశవ్యాప్తంగా యూరియా సరఫరా చేస్తుందని, రాష్ట్రంలో బ్లాక్ మార్కెట్ను అడ్డుకోలేకపోతున్నదని అన్నారు.
జిఎస్టి మండలి రద్దు చేసిన పన్నుస్లాబ్లు ఏవి?
12శాతం మరియు 28శాతం పన్నుస్లాబ్లను రద్దు చేసింది.
బిజెపి తెలంగాణ శాఖ జిఎస్టి తగ్గింపును ఎలా స్వాగతించింది?
పండుగల సందర్భంలో ప్రజలకు ఊరట కలిగించిందని కృతజ్ఞతలు తెలిపి, పాలభిషేకం కార్యక్రమం నిర్వహించాలని నిర్ణయించింది.
Read hindi news : hindi.vaartha.com
Read also :
