Operation Sindoor: ఉగ్ర స్థావరాలపై భారత్ ప్రతీకార దాడులు

గతేడాది మే నెలలో జరిగిన యుద్ధ సమయంలో భారత్ ‘ఆపరేషన్ సిందూర్’(Operation Sindoor) పేరుతో కీలక సైనిక చర్యలు చేపట్టింది. ఈ ఆపరేషన్‌లో పాక్‌తో పాటు పీఓకేలోని ఉగ్రవాద శిబిరాలపై భారత సైన్యం దాడులు నిర్వహించింది. భారత వాయుసేన క్షిపణులు, డ్రోన్లతో పాక్ వైమానిక స్థావరాలను లక్ష్యంగా చేసుకుని దాడులు చేసి భారీ నష్టం కలిగించింది.

కీలక ఎయిర్‌బేస్‌లు ధ్వంసం

ఈ ఆపరేషన్‌లో(Operation Sindoor) 10కిపైగా పాక్ ఎయిర్‌బేస్‌లు తీవ్రంగా దెబ్బతిన్నాయని సమాచారం. ముఖ్యంగా మే 10న భోలారి ఎయిర్‌బేస్‌పై జరిగిన మిస్సైల్ దాడిలో అత్యంత కీలకమైన SAAB 2000 ‘ఎరీఐ’ (Erieye) నిఘా విమానం ధ్వంసమైంది. నూర్ ఖాన్, చక్లాలా, రఫికీ, రహీం యార్ ఖాన్, సుక్కూర్, మురీడ్, నయాచోర్ వంటి ప్రధాన వైమానిక స్థావరాలు కూడా తీవ్రంగా నష్టపోయాయి.