PF Withdrawal : ప్రైవేట్ రంగంలో పనిచేసే ఉద్యోగుల భవిష్య నిధి (EPF) కి సంబంధించి ఎంప్లాయీస్ ప్రావిడెంట్ ఫండ్ ఆర్గనైజేషన్ (EPFO) కీలక సంస్కరణలు చేపట్టింది. చందాదారులు తమ అత్యవసర అవసరాలకు నిధులను సులభంగా విత్‌డ్రా చేసుకునేందుకు వీలుగా పీఎఫ్ అడ్వాన్స్ (PF Advance) నిబంధనలను మరింత సరళతరం చేసింది. కొత్త సవరణల ప్రకారం.. ఈపీఎఫ్ ఖాతా ప్రారంభించి ఏడాది కాల పరిమితి పూర్తయిన సభ్యులు ఈ సౌకర్యాన్ని వినియోగించుకోవచ్చు. ఖాతాదారులు తమ మొత్తం పీఎఫ్ బ్యాలెన్స్‌లో కనీసం 25 శాతం నిల్వ ఉంచుకుని, మిగిలిన 75 శాతం వరకు నిధులను ముందస్తు అడ్వాన్స్‌గా ఉపసంహరించుకోవడానికి ఈపీఎఫ్‌ఓ అనుమతినిస్తోంది.
Read Also : సరైన ప్రక్రియను అనుసరించిన తర్వాతే రాఘవ్ చద్దా పేరు చేర్చబడింది: ఈసీ
ఉద్యోగులకు ఆర్థిక వెసులుబాటు: అత్యవసర సమయాల్లో నిధుల లభ్యత
ఈ కొత్త నిబంధనల వల్ల ఉద్యోగంలో ఉన్నప్పుడే వైద్య ఖర్చులు, వివాహాలు, గృహ రుణాలు లేదా ఇతర కుటుంబ అత్యవసరాల కోసం సకాలంలో ఆర్థిక సాయం అందుతుంది. గతంలో ఉన్న సంక్లిష్టమైన విత్‌డ్రా ప్రక్రియలను తగ్గించి, డిజిటల్ విధానంలో క్లైమ్‌లను వేగంగా పరిష్కరించేలా ఈపీఎఫ్‌ఓ చర్యలు చేపట్టింది. ఖాతాలో 25 శాతం కనీస బ్యాలెన్స్ ఉండటం వల్ల ఉద్యోగుల భవిష్యత్తు రిటైర్మెంట్ పొదుపునకు భద్రత లభించడంతో పాటు, మిగతా నిధులు తక్షణ అవసరాలకు ఉపయోగపడతాయని ఆర్థిక నిపుణులు పేర్కొంటున్నారు.
Read Also hindi news: hindi.vaartha.com
Read Also Epaper : epaper.vaartha.com
Read Also :
