MHPSC : దేశవ్యాప్తంగా వివిధ పోటీ పరీక్షల్లో వరుసగా వెలుగుచూస్తున్న పేపర్ లీకేజీ ఘటనలు నిరుద్యోగ యువతలో తీవ్ర ఆందోళన నింపుతున్నాయి. ఎన్‌టీఏ (NTA), జేపీఎస్సీ (JPSC), బిహార్ పరీక్షల లీకేజీ వివాదాలు సమసిపోకముందే తాజాగా మహారాష్ట్రలో మరో భారీ లీకేజీ ఉదంతం బయటపడింది. మహారాష్ట్ర పబ్లిక్ సర్వీస్ కమిషన్ (MHPSC) 154 ఎఫ్‌డీఏ (FDA) గ్రూప్-బి పోస్టుల భర్తీకి సంబంధించి మార్చి నెలలో రాత పరీక్షను నిర్వహించింది. ఆ తర్వాత జూన్ నాటికి అభ్యర్థులకు ఇంటర్వ్యూలను కూడా వేగంగా పూర్తి చేసింది. అయితే, నియామక ప్రక్రియ ముగింపు దశకు చేరిన సమయంలో ప్రశ్నపత్రం లీక్ అయిందంటూ కమిషన్‌కు ఫిర్యాదులు అందడం ప్రక్రియను మలుపు తిప్పింది.
Read Also : ఆగస్టు 27నా.. 28నా? రాఖీ ఎప్పుడు కట్టాలంటే..!
విచారణలో నిజమని తేలిన లీకేజీ: మళ్లీ కొత్తగా పరీక్ష నిర్వహణ
అందిన ఫిర్యాదుల ఆధారంగా మహారాష్ట్ర పబ్లిక్ సర్వీస్ కమిషన్ తీవ్రస్థాయిలో అంతర్గత విచారణను చేపట్టింది. ఈ విచారణలో ప్రశ్నపత్రం లీక్ అయిన మాట వాస్తవమేనని నిరూపితం కావడంతో, ప్రక్రియ పారదర్శకతను కాపాడేందుకు కమిషన్ సంచలన నిర్ణయం తీసుకుంది. ఇప్పటికే పూర్తయిన రాత పరీక్షతో పాటు ఇంటర్వ్యూలను కూడా రద్దు చేస్తున్నట్లు అధికారికంగా ప్రకటించింది. అభ్యర్థులకు ఎలాంటి అన్యాయం జరగకుండా, త్వరలోనే మళ్లీ కొత్తగా పరీక్షను నిర్వహిస్తామని ఎంహెచ్‌పీఎస్‌సీ స్పష్టం చేసింది. నెలల తరబడి కష్టపడి చదివిన నిజమైన అభ్యర్థులకు ఈ రద్దు నిర్ణయం నిరాశను మిగిల్చినప్పటికీ, లీకేజీ రాయుళ్లకు చెక్ పెట్టేందుకు ఇది అనివార్యంగా మారింది.
Read Also hindi news: hindi.vaartha.com
Read Also Epaper : epaper.vaartha.com
Read Also :
