కొత్త పన్ను విధానం ప్రస్తుతం పన్ను చెల్లింపుదారులకు ఆకర్షణీయంగా మారింది. రూ.12 లక్షల వరకు ఆదాయంపై పన్ను మినహాయింపు, అలాగే పెరిగిన సెక్షన్ 87A రాయితీ కారణంగా జీతగాళ్లకు రూ.12.75 లక్షల వరకు పన్ను భారం లేకపోవడం దీనికి ప్రధాన కారణం. ఈ నేపథ్యంలో.. సెక్షన్ 80D కింద ఆరోగ్య బీమా(Healthe Insurence) ప్రీమియంపై పన్ను మినహాయింపు పాత పన్ను విధానంలో మాత్రమే అందుబాటులో ఉండటం వల్ల.. అది ఇకపై అంత ప్రాధాన్యం లేదన్న వాదన వినిపిస్తోంది. అయితే నిపుణులు మాత్రం ఈ అభిప్రాయానికి భిన్నంగా మాట్లాడుతున్నారు. సెక్షన్ 80D పాత పన్ను విధానం కింద మాత్రమే వర్తిస్తుంది. దీనిద్వారా వ్యక్తులు తమకు, కుటుంబానికి లేదా తల్లిదండ్రులకు చెల్లించిన ఆరోగ్య బీమా ప్రీమియంపై పన్ను మినహాయింపును క్లెయిమ్ చేసుకోవచ్చు. ఉదాహరణకు ఒకరు సీనియర్ సిటిజన్ అయితే, వారి తల్లిదండ్రులు కూడా సీనియర్ సిటిజన్లే అయితే, ఇద్దరి ఆరోగ్య బీమా ప్రీమియాలను చెల్లించిన సందర్భంలో రూ.1 లక్ష వరకు పన్ను మినహాయింపు పొందే అవకాశం ఉంటుంది.
Read Also: Iran Protests:ఇరాన్లో హింసాత్మకంగా మారిన ఆందోళనకారుల నిరసనలు
భారతదేశంలో వైద్య ద్రవ్యోల్బణం అత్యంత వేగంగా పెరుగుతోంది
కానీ కొత్త పన్ను విధానంలో ఈ సౌకర్యం లేకపోవడంతో, ఆరోగ్య బీమాను ప్రోత్సహించే విధాన పరంగా ఒక ఖాళీ ఏర్పడిందని నిపుణులు అభిప్రాయపడుతున్నారు. డెలాయిట్ ఇండియా భాగస్వామి దేబాషిష్ బెనర్జీ ప్రకారం.. భారతదేశంలో వైద్య ద్రవ్యోల్బణం అత్యంత వేగంగా పెరుగుతోంది. ఆసుపత్రిలో చేరడం, ఆధునిక వైద్య సదుపాయాలు, చికిత్స ఖర్చులు పెరగడం వల్ల ఆరోగ్య బీమా ప్రీమియాలు కూడా నిరంతరం పెరుగుతున్నాయి. ఈ పరిస్థితుల్లో, ఆరోగ్య సంరక్షణ ఖర్చులలో పెద్ద భాగం ఇప్పటికీ ప్రజలు జేబులోంచి లేదా అప్పుల ద్వారా చెల్లించాల్సి వస్తోంది. ఇలాంటి సమయంలో సెక్షన్ 80D వంటి పన్ను ప్రోత్సాహకాలు వ్యక్తులపై ఆర్థిక ఒత్తిడిని తగ్గించే కీలక సాధనంగా పనిచేయగలవని ఆయన అభిప్రాయం.
సింగపూర్ తప్పనిసరి వైద్య పొదుపులను ఆరోగ్య బీమా
ప్రస్తుతం ఎక్కువ మంది పన్ను చెల్లింపుదారులు కొత్త పన్ను విధానాన్ని ఎంచుకుంటుండటంతో, సెక్షన్ 80D ప్రభావం తగ్గిపోయిందని ఎకనామిక్ లాస్ ప్రాక్టీస్ భాగస్వామి రాహుల్ చర్ఖా పేర్కొంటున్నారు. దీని వల్ల ముఖ్యంగా యువత, మధ్య-ఆదాయ వర్గాల్లో ఆరోగ్య బీమా కొనుగోలు చేసే ప్రోత్సాహం తగ్గే ప్రమాదం ఉందని ఆయన హెచ్చరిస్తున్నారు. కొత్త పన్ను విధానంలో ఆరోగ్య బీమా ప్రీమియాలకు ప్రత్యేక పన్ను మినహాయింపు లేదా పన్ను క్రెడిట్ను అనుమతించడం ద్వారా లక్ష్యంగా పెట్టుకున్న ప్రోత్సాహం అందించవచ్చని చర్ఖా అభిప్రాయపడుతున్నారు. అంతర్జాతీయంగా అనేక OECD దేశాలు ఈ విధమైన పన్ను క్రెడిట్లను అమలు చేస్తున్నాయని ఆయన గుర్తు చేస్తున్నారు. సింగపూర్ తప్పనిసరి వైద్య పొదుపులను ఆరోగ్య బీమాతో అనుసంధానించి దాదాపు సార్వత్రిక కవరేజీ సాధించగా.. జపాన్ ఆరోగ్య ఖర్చులకు ప్రత్యేక తగ్గింపులను అందిస్తోంది.
Read hindi news: hindi.vaartha.com
Epaper: epaper.vaartha.com
Read Also:
