దేశంలో బాలికల స్కూల్ డ్రాపౌట్(Girl Dropouts) సమస్య తీవ్రంగా ఉందని కేంద్ర ప్రభుత్వం పార్లమెంటులో వెల్లడించింది. గణాంకాల ప్రకారం ఉత్తరప్రదేశ్లో బాలికల డ్రాపౌట్ రేటు 57 శాతంగా ఉండి దేశంలోనే అత్యధికంగా నమోదైంది. మరోవైపు తెలంగాణలో 31.1 శాతంతో డ్రాపౌట్ రేటు అత్యల్పంగా ఉందని కేంద్రం స్పష్టం చేసింది.
Read Also: PLFS: దేశంలో నిరుద్యోగ రేటు తగ్గుదల
దేశవ్యాప్తంగా(Girl Dropouts) గత నాలుగేళ్లలో సుమారు 84.9 లక్షల మంది విద్యార్థులు చదువును మధ్యలోనే మానేశారని కేంద్రం తెలిపింది. వీరిలో సగం కంటే ఎక్కువ మంది బాలికలే ఉండటం ఆందోళనకర అంశమని పేర్కొంది. పేదరికం, కుటుంబ బాధ్యతలు, బాల్య వివాహాలు, భద్రతా సమస్యలు వంటి కారణాలు డ్రాపౌట్స్కు ప్రధాన కారణాలుగా ఉన్నట్లు వెల్లడించింది.
అయితే, డ్రాపౌట్స్ను తగ్గించేందుకు కేంద్రం పలు పథకాలు అమలు చేస్తోందని వివరించింది. గత ఐదేళ్లలో 26.46 లక్షల మంది విద్యార్థులను తిరిగి పాఠశాలల్లో చేర్పించగలిగామని తెలిపింది. ముఖ్యంగా బాలికల విద్యను ప్రోత్సహించేందుకు స్కాలర్షిప్లు,(Scholarships) ఉచిత యూనిఫార్ములు, మధ్యాహ్న భోజనం, హాస్టల్ సౌకర్యాలు వంటి కార్యక్రమాలు కొనసాగుతున్నాయని పేర్కొంది. విద్య ద్వారా బాలికలకు భవిష్యత్లో మెరుగైన అవకాశాలు కలుగుతాయని, డ్రాపౌట్ సమస్యను పూర్తిగా నియంత్రించడమే లక్ష్యంగా ప్రభుత్వం ముందుకు సాగుతోందని కేంద్రం స్పష్టం చేసింది.
Read hindi news: hindi.vaartha.com
Epaper : epaper.vaartha.com
Read Also: