Delhi company Diwali gift: పండుగల వేళ సాధారణంగా కంపెనీలు తమ ఉద్యోగులకు స్వీట్ బాక్సులు, డ్రై ఫ్రూట్స్ లేదా రోజువారీ వినియోగ వస్తువులను బహుమతులుగా ఇవ్వడం మనం తరచూ చూస్తుంటాం. కానీ, ఢిల్లీకి చెందిన ఒక సంస్థ మాత్రం అందరి ఊహలకు అందని రీతిలో తమ ఉద్యోగులకు ఏకంగా సరికొత్త ‘ఐఫోన్ 16’ (iPhone 16) స్మార్ట్‌ఫోన్‌లను దీపావళి కానుకలుగా ఇచ్చి సంచలనం సృష్టించింది.
Read Also : Gold Rate Today: బంగారం ధరల్లో స్వల్ప పెరుగుదల.. వెండి మాత్రం తగ్గుముఖం!
Delhi company Diwali gift: నెట్టింట వైరల్‌గా మారిన 15 సెకన్ల ఆఫీస్ వీడియో
న్యూఢిల్లీలోని రోహిణి ప్రాంతంలో ఉన్న ఈ కంపెనీ, తమ కార్యాలయంలో జరిగిన సంబరాలకు సంబంధించిన ఒక వీడియోను అధికారిక ఇన్‌స్టాగ్రామ్ ఖాతాలో పంచుకుంది. ఈ 15 సెకన్ల వీడియోలో వైట్, గ్రీన్, బ్లూ, బ్లాక్ రంగుల్లో ఉన్న ఐఫోన్ 16 హ్యాండ్‌సెట్‌లను అందంగా రిబ్బన్‌లతో అలంకరించి ఉద్యోగుల డెస్క్‌లపై ఉంచడం కనిపిస్తుంది. వీడియో చివర్లో మహిళా ఉద్యోగులు తమకు వచ్చిన ఈ ఊహించని ఖరీదైన బహుమతులను చూసి ఎంతో ఆనందం, ఆశ్చర్యం వ్యక్తం చేశారు. “పోటీయే లేదు.. మీకు ఏమి లభించింది?” అనే క్యాప్షన్‌తో పోస్ట్ చేసిన ఈ వీడియో సోషల్ మీడియాలో విపరీతంగా వైరల్ అవుతోంది.
AI వీడియో అనుకున్న నెటిజన్లు.. కంపెనీ క్లారిటీ!
ఈ పోస్ట్ సోషల్ మీడియాలో పెద్ద ఎత్తున చర్చకు దారితీసింది. మొదట్లో కొందరు నెటిజన్లు ఇది నిజంగా జరిగింది కాదని, ఆర్టిఫిషియల్ ఇంటెలిజెన్స్ (AI)తో సృష్టించిన ఫేక్ వీడియో అని అనుమానం వ్యక్తం చేశారు. అయితే ఈ కామెంట్లపై స్పందించిన కంపెనీ యాజమాన్యం సరదాగా నవ్వుతూ, అది AI వీడియో కాదని, నిజంగానే ఇచ్చామని మళ్లీ సరిగ్గా చూడాలని స్పష్టం చేసింది. యజమాని ఉదారతపై నెటిజన్లు ప్రశంసల వర్షం కురిపిస్తున్నారు.
ఆసక్తికర కామెంట్లతో హల్‌చల్ చేస్తున్న యూజర్లు
ఈ వీడియో చూసిన నెటిజన్లు రకరకాల ఆసక్తికర కామెంట్లు పెడుతున్నారు. కొందరు ఇలాంటి బహుమతులు ఇచ్చే కంపెనీలో ఉద్యోగం చేయాలని ఉందంటూ కామెంట్లు పెడుతుండగా, మరికొందరు తమకు అలాంటి అదృష్టం లేదని సరదాగా అంటున్నారు. దీపావళి సమయంలో ఇలాంటి వీడియోలు చూస్తే తమకు వచ్చే బహుమతులతో పోల్చుకుని బాధపడాల్సి వస్తుందని, అందుకే సోషల్ మీడియాకు దూరంగా ఉండటమే మంచిదని మరికొందరు చమత్కరిస్తున్నారు. ఇంకొందరు తమ కంపెనీల్లో కనీసం స్వీట్లు కూడా ఇవ్వడం లేదంటూ అసంతృప్తి వ్యక్తం చేస్తున్నారు. మొత్తంగా ఈ వీడియో నెటిజన్లలో ఆసక్తికర చర్చకు దారితీస్తోంది.
Read Also hindi news: hindi.vaartha.com
Read Also Epaper : epaper.vaartha.com
Read Also :
