హరియాణా మోర్నీ ప్రాంతానికి చెందిన రైతు వీరేంద్ర బజ్వాన్, సంప్రదాయ వ్యవసాయాన్ని వదిలి గనోడెర్మా పుట్టగొడుగుల(Mushroom Farming) సాగులో దేశవ్యాప్తంగా ప్రత్యేక గుర్తింపు పొందారు. శాస్త్రీయ పద్ధతుల్లో సాగు చేస్తూ, నూతన ప్రయోగాలతో అనేక ఉత్పత్తులు మార్కెట్లోకి తీసుకొచ్చారు. సీఎంసీ హిసార్ సహకారంతో రూ.15 లక్షల ప్రోత్సాహకం పొందిన వీరేంద్ర, కుటుంబంతో కలిసి గనోడెర్మా, శిటాకే, కార్డిసెప్స్ వంటి వేరైటీలను పండిస్తున్నారు. వీరిని *‘మష్రూమ్ ఫ్యామిలీ’*గా పిలుస్తారు.
Read Also: Indian Rupee: ఆర్బీఐ జోక్యం.. పతనాన్ని దాటి మళ్లీ బలపడిన రూపాయి
ఆరోగ్యానికి ఎంతో మేలు చేసే గనోడెర్మా (రీషి/లింగ్జీ) పుట్టగొడుగులతో(Mushroom Farming) తయారైన ఉత్పత్తులు షుగర్, క్యాన్సర్ మేనేజ్మెంట్, అల్సర్లు, ఇన్ఫెక్షన్లు, చర్మవ్యాధులకు ఉపయోగకరమని చెబుతారు. “VMW Nutraceuticals” పేరుతో ఆయన తయారు చేస్తున్న ఉత్పత్తులకు పెద్ద డిమాండ్ ఉంది. గనోడెర్మా పౌడర్ కిలోకు రూ.21,000 అమ్ముతూ నెలకు లక్షల్లో ఆదాయం పొందుతున్నారు. వీరేంద్ర ఇప్పటివరకు 1 లక్ష మందికి పైగా విద్యార్థులకు శిక్షణ ఇచ్చారు. ప్రస్తుతం ఆయన ఉత్పత్తులను 28 దేశాలకు ఎగుమతి చేయడాన్ని లక్ష్యంగా పెట్టుకున్నారు. రాష్ట్ర, జాతీయ స్థాయిలో అనేక పురస్కారాలు కూడా అందుకున్నారు.
Read hindi news : hindi.vaartha.com
Epaper : epapervaartha.com
Read Also: