Tamilnadu : తమిళనాడు రాజకీయాల్లో తనదైన శైలిలో ముందుకెళ్తున్న ముఖ్యమంత్రి విజయ్ తన రాజకీయ వ్యూహాన్ని పూర్తిగా మార్చేశారు. “ఇప్పటి వరకు ఒక లెక్క.. ఇక మీదట ఒక లెక్క” అనే రీతిలో వ్యవహరిస్తూ, తనపై మరియు తన వ్యక్తిగత జీవితంపై అసత్య ప్రచారాలు, అసభ్యకర కామెంట్లు చేసే ప్రత్యర్థులపై తీవ్రస్థాయిలో విరుచుకుపడుతున్నారు. తనను రాజకీయంగా టార్గెట్ చేసేందుకు తోటి నటి త్రిష పేరును అనవసర వివాదంలోకి లాగి వ్యక్తిగత హననానికి పాల్పడిన వ్యవహారాన్ని ఆయన అత్యంత తీవ్రంగా పరిగణించారు. ఈ క్రమంలోనే ఉదయనిధిపై చర్యలు మరియు అరెస్టుల పర్వం చోటుచేసుకోవడం, రాజకీయ ప్రత్యర్థులకు ఆయన ఇచ్చిన బలమైన హెచ్చరికగా భావిస్తున్నారు.
Read Also :
ఈ20 పెట్రోల్ విక్రయాలపై పంజాబ్ అసెంబ్లీ అభ్యంతరం
ప్రత్యర్థులకు గట్టి హెచ్చరిక: రాజకీయాల్లో మారిన సమీకరణాలు
వ్యక్తిగత విమర్శలు, దుష్ప్రచారాలను ఇక ఎంతమాత్రం ఉపేక్షించేది లేదని తన చర్యల ద్వారా సీఎం విజయ్ స్పష్టం చేశారు. ఇప్పటికే ఈ వివాదానికి సంబంధించి డీఎంకేకి చెందిన పలువురు నేతలతో పాటు సోషల్ మీడియా వేదికగా విమర్శలు చేసిన కొందరు అరెస్టయ్యారు. చట్టపరమైన చర్యల ద్వారా కఠినంగా ముందడుగు వేస్తూ ప్రత్యర్థుల నోళ్లకు పూతపూసేలా విజయ్ చూపిస్తున్న ఈ దూకుడు తమిళనాడు రాజకీయాల్లో కొత్త అలజడి రేపుతోంది. విజయ్ తీసుకుంటున్న ఈ నిర్దాక్షిణ్యమైన నిర్ణయాల నేపథ్యంలో ప్రతిపక్ష నాయకులు ఇకపై మాట్లాడేటప్పుడు తీవ్ర జాగ్రత్తలు వహించక తప్పని పరిస్థితి నెలకొంది.
