బీహార్ అసెంబ్లీ ఎన్నికల(Bihar Elections) రెండో దశలో పోలింగ్ మంగళవారం ఉత్సాహంగా కొనసాగింది. ఉదయం నుంచే ఓటర్లు బారులు తీరడంతో, మధ్యాహ్నం 1 గంటకే 47 శాతం పైగా ఓటింగ్ నమోదైంది. తొలి దశతో పోలిస్తే ఇది దాదాపు 5 శాతం అధికం కావడం విశేషం.ఈ ధోరణి కొనసాగితే రికార్డు స్థాయిలో ఓటింగ్ జరగవచ్చని విశ్లేషకులు అంచనా వేస్తున్నారు. ఎన్నికల కమిషన్ లెక్కల ప్రకారం గయ, బంకా, జమూయి(Jamui District) జిల్లాల్లో 50 శాతానికి పైగా ఓటింగ్ నమోదైంది. కిషన్గంజ్ జిల్లాలో 51.86 శాతం ఓటింగ్ నమోదు కావడం ప్రత్యేకంగా నిలిచింది. తూర్పు, పశ్చిమ చంపారన్, పూర్నియా, కతిహార్ జిల్లాల్లో కూడా ఓటర్లు చురుకుగా పాల్గొన్నారు.
Read also: హర్యానా, పంజాబ్ రాష్ట్రాలకు రెడ్ అలర్ట్ జారీ!
రికార్డు స్థాయి ఓటింగ్తో పార్టీలలో ఉత్కంఠ
ఉదయం 9 గంటలకే 15 శాతం ఓటింగ్ జరగడం ప్రజల ఉత్సాహాన్ని సూచిస్తుంది. గత దశలో 64.49 శాతం ఓటింగ్ నమోదు కావడం బీహార్ ఎన్నికల (Bihar Elections) చరిత్రలోనే రికార్డు స్థాయిగా నిలిచింది. ఈసారి కూడా అదే ఉత్సాహం కనిపించడంతో, రాజకీయ పార్టీలలో ఉత్కంఠ నెలకొంది. ప్రతిపక్షాలు ప్రజలు ప్రభుత్వ వ్యతిరేకంగా ఓటు వేస్తున్నారని చెబుతుండగా, అధికార కూటమి మాత్రం ప్రజలు తమ పాలనకు మద్దతు ఇస్తున్నారని నమ్ముతోంది. ఈసారి పోలింగ్ బూత్లలో వైద్య సదుపాయాలు, మొబైల్ ఫోన్ నిల్వ కేంద్రాలు ఏర్పాటు చేయడం విశేషంగా నిలిచింది. అయితే ప్రతిపక్షాలు ఓటరు జాబితా సవరణలో నిర్లక్ష్యం జరిగిందని ఎన్నికల సంఘంపై ఆరోపణలు చేశాయి.
Read hindi news: hindi.vaartha.com
Epaper : epaper.vaartha.com/
Read also:
