ఆంధ్రప్రదేశ్ ముఖ్యమంత్రి నారా చంద్రబాబు నాయుడుకు ఆయన పుట్టినరోజు సందర్భంగా ప్రధాన మంత్రి నరేంద్ర మోదీ ట్విట్టర్ వేదికగా హృదయపూర్వక శుభాకాంక్షలు తెలిపారు. ప్రధాని మోదీ తన సందేశంలో చంద్రబాబు పాలన శైలి, అభివృద్ధిపట్ల చూపుతున్న కృషిని ప్రశంసించారు.
మిత్రుడు మరియు ఆంధ్రప్రదేశ్ ముఖ్యమంత్రి నారా చంద్రబాబు నాయుడుకు పుట్టినరోజు శుభాకాంక్షలు. రాష్ట్ర అభివృద్ధికి ఆయన చేస్తున్న సేవలు ప్రశంసనీయమైనవి. భవిష్యత్ రంగాలపై దృష్టి సారిస్తూ, రాష్ట్రాన్ని అభివృద్ధి పథంలో ముందుకు నడిపించేందుకు ఆయన అవిశ్రాంతంగా శ్రమిస్తున్నారు. ఆయనకు దీర్ఘాయుష్షు, మంచి ఆరోగ్యం కలగాలని నేను ప్రార్థిస్తున్నాను, అని మోదీ ట్వీట్ చేశారు. ఈ ట్వీట్ రాష్ట్ర రాజకీయ వర్గాల్లో చర్చనీయాంశంగా మారింది. గతంలో ఎన్డీయే భాగస్వామిగా టీడీపీ కేంద్రంలో భాగమై పనిచేసిన సందర్భాలు, తర్వాతి విభేదాలు మరియు తాజా రాజకీయ పరిణామాల నేపథ్యంలో ఈ శుభాకాంక్షలు ప్రత్యేకమైన ప్రాధాన్యం సంతరించుకున్నాయి.
