మురళీ కృష్ణంరాజు, శృతి శెట్టి జంటగా నటించిన మూవీ “స్కై” (SKY) . ఒంటరితనం మరియు మనుషుల మధ్య ఉండే సున్నితమైన భావోద్వేగాలను వెండితెరపై ఆవిష్కరించిన ఒక ఫీల్ గుడ్ ఎమోషనల్ డ్రామా. దర్శకుడు పృధ్వీ పేరిచెర్ల తెరకెక్కించిన ఈ చిత్రం, ముగ్గురు వ్యక్తుల జీవిత ప్రయాణాల చుట్టూ తిరుగుతుంది. కెరీర్ పిచ్చితో కుటుంబాన్ని పోగొట్టుకుని, కొడుకు ఆత్మహత్యతో కుంగిపోయిన సింగర్ ప్రభు (ఆనంద్), గతం తెలియని ఒంటరి యువకుడు విక్కీ (మురళీ కృష్ణంరాజు), మరియు మోసపోయి విక్కీని అనుమానించే వీణ (శృతి శెట్టి) – ఈ మూడు పాత్రల మధ్య ఉండే సంఘర్షణ, వారి జీవితాల్లోని శూన్యాన్ని కథాంశంగా తీసుకున్నారు.
TGMunicipal Elections Results: వడ్డేపల్లి లో సంచలన ఫలితం.. AIFB భారీ విజయం
సినిమా విశ్లేషణ విషయానికి వస్తే, ఫస్టాఫ్ అంతా పాత్రల పరిచయం మరియు వినోదంతో సాగిపోతుంది. ముఖ్యంగా విక్కీ, వీణల మధ్య సాగే సన్నివేశాలు మరియు హీరో బిహేవియర్ పట్ల హీరోయిన్ ఆకర్షితురాలయ్యే విధానం ఆకట్టుకుంటుంది. ఇంటర్వెల్ సీన్ కథకు ఒక మంచి మలుపునిస్తుంది. ఇక సెకండాఫ్ ఈ సినిమాకు అసలైన ప్రాణమని చెప్పాలి. దర్శకుడు తాను రాసుకున్న కథ మరియు స్క్రీన్ ప్లేపై పూర్తి పట్టు సాధించి, ఎక్కడా బోర్ కొట్టకుండా ఎమోషనల్ జర్నీని నడిపించారు. క్లైమాక్స్ లో వచ్చే ట్విస్ట్ ప్రేక్షకులను కదిలించడమే కాకుండా, సినిమా ముగిశాక ఒక మంచి అనుభూతిని కలిగిస్తుంది.
సాంకేతికంగా ఈ సినిమా ఉన్నత ప్రమాణాలతో కూడి ఉంది. సీనియర్ సినిమాటోగ్రాఫర్ రసూల్ ఎల్లోర్ అందించిన విజువల్స్, ముఖ్యంగా హైదరాబాద్ సిటీ ఏరియల్ షాట్స్ సినిమాకు రిచ్ లుక్ ఇచ్చాయి. శివప్రసాద్ సంగీతం మరియు పాటలు కథలో భాగంగా సాగిపోతూ మంచి పాజిటివ్ వైబ్ను క్రియేట్ చేశాయి. నటన పరంగా ఆనంద్ తన అనుభవంతో ప్రభు పాత్రలో జీవించగా, కొత్త వారైన మురళీ కృష్ణంరాజు, శృతి శెట్టిలు తమ పరిధి మేరకు ఆకట్టుకున్నారు. లో బడ్జెట్ సినిమా అయినా ఎక్కడా కాంప్రమైజ్ అవ్వకుండా రిచ్ ప్రొడక్షన్ వ్యాల్యూస్తో నిర్మించిన ఈ “స్కై”, ఈ వారాంతంలో కుటుంబంతో కలిసి చూడదగ్గ ఒక చక్కని భావోద్వేగభరిత చిత్రం.
రేటింగ్ : 3/5
Read hindi news: hindi.vaartha.com
Read Also Epaper : epaper.vaartha.com
