పాన్ ఇండియా స్టార్ ప్రభాస్ (Prabhas) వరుస సినిమాలతో బిజీగా ఉండగా, ఆయన నటిస్తున్న కొత్త చిత్రాల్లో ఒకటి హను రాఘవపూడి (Hanu Raghavapudi) దర్శకత్వంలో రూపొందుతోంది. ప్రస్తుతం ఈ చిత్రం హైదరాబాద్లో షూటింగ్ దశలో ఉంది. ఈ చిత్రంలో బాలీవుడ్ సీనియర్ నటుడు అనుపమ్ ఖేర్ కీలక పాత్ర పోషిస్తున్నారు. భారీ బడ్జెట్తో రూపొందుతున్న ఈ సినిమా కథ విభిన్నంగా ఉండనుందని చిత్రబృందం చెబుతోంది.
గోడ దూకి సెట్స్లోకి ఎంట్రీ ఇచ్చిన అనుపమ్ ఖేర్
తాజాగా అనుపమ్ ఖేర్ హైదరాబాద్ షూటింగ్లో పాల్గొనడానికి వెళ్లిన సందర్భంలో ఆసక్తికరమైన ఘటన చోటుచేసుకుంది. అడవి ప్రాంతంలో ఉన్న షూటింగ్ లొకేషన్కు చేరుకున్న అనుపమ్ ఖేర్ వాహనం డెడ్ ఎండ్ వద్ద ఆగిపోవడంతో అక్కడి నుంచి లొకేషన్లోకి వెళ్లడం కష్టంగా మారింది. చివరకు చేసేదేం లేక స్వయంగా గోడ దూకి సెట్స్లోకి అడుగుపెట్టాల్సి వచ్చింది. ఇందుకు సంబంధించిన వీడియోను అనుపమ్ ఖేర్ తన ఇన్స్టాగ్రామ్లో పోస్ట్ చేసి తన 40 ఏళ్ల సినిమా జీవితంలో ఇదొక ప్రత్యేక అనుభవంగా పేర్కొన్నారు.
Read Also : Tummala Vs Etela : తుమ్మల వ్యాఖ్యలకు ఈటల కౌంటర్
నెటిజన్ల నుంచి ప్రశంసలు, వైరల్ వీడియో
అనుపమ్ ఖేర్ గోడ దూకిన వీడియో ప్రస్తుతం సోషల్మీడియాలో వైరల్గా మారింది. 70 ఏళ్ల వయసులోనూ ఆయనలో చూపిన డెడికేషన్పై నెటిజన్లు ఆశ్చర్యాన్ని వ్యక్తం చేస్తున్నారు. “సర్ మీరు సూపర్”, “డెడికేషన్ లెవెల్స్ అదిరిపోయాయి” అంటూ కామెంట్లు చేస్తున్నారు. ఈ మూవీలో సోషల్ మీడియా ఫేమ్ ఇమాన్వీ కథానాయికగా నటిస్తుండటం విశేషం. ఈ సినిమా ప్రత్యేక కథతో, టెక్నికల్గా మైలురాయిగా నిలవనుందన్న అంచనాలు నెలకొన్నాయి.