ప్రముఖ సోషల్ మీడియా దిగ్గజం ఇన్‌స్టాగ్రామ్ తన యూజర్లకు ఒక ముఖ్యమైన అలర్ట్ జారీ చేసింది. మే 8, 2026 నుండి యాప్‌లో అందుబాటులో ఉన్న ఎండ్-టు-ఎండ్ ఎన్‌క్రిప్షన్ ఫీచర్‌ను తొలగిస్తున్నట్లు మెటా ప్రకటించింది. 2023లో ప్రవేశపెట్టిన ఈ సదుపాయం ద్వారా పంపిన మెసేజ్‌లు ఇతరులకు కనిపించకుండా ఉండేవి. అయితే తాజా నిర్ణయంతో పాత చాటింగ్ విధానంలో మార్పులు రానున్నాయి. దీనివల్ల ప్రైవసీకి సంబంధించి కొన్ని పరిమితులు ఏర్పడే అవకాశం ఉందని టెక్ నిపుణులు భావిస్తున్నారు.
Read also: Vijayawada MSME Expo: నేటి నుండి విజయవాడలో ఎంఎస్ఎంఈ ఎక్స్ పో
Instagram: Instagram Discontinuing End-to-End Encryption
ఎన్‌క్రిప్షన్ ఫీచర్‌ను ఎందుకు తీసేస్తున్నారు?
ఈ ఫీచర్‌ను నిలిపివేయడానికి ప్రధానంగా అంతర్జాతీయ నియంత్రణ సంస్థల ఒత్తిడి కారణమని తెలుస్తోంది. ఆన్‌లైన్ భద్రత మరియు చట్టవిరుద్ధమైన కంటెంట్‌ను అరికట్టడానికి ప్రభుత్వాలు కొత్త నిబంధనలు తీసుకువస్తున్నాయి. బ్రిటన్ మరియు యూరోపియన్ దేశాల్లో అమలులో ఉన్న కఠినమైన చట్టాలకు అనుగుణంగా మెటా ఈ మార్పులు చేస్తోంది. హానికరమైన సమాచారాన్ని గుర్తించే క్రమంలో ఎన్‌క్రిప్షన్ అడ్డంకిగా మారిందని భావించి ఈ నిర్ణయం తీసుకున్నారు. దీనివల్ల మెసేజింగ్ ఫ్లాట్‌ఫామ్‌లలో పారదర్శకత పెరుగుతుందని కంపెనీ యోచిస్తోంది.
యూజర్లు చేయవలసిన ముఖ్యమైన పనులు
మీ పాత ఎన్‌క్రిప్టెడ్ చాట్‌లు మరియు మీడియా ఫైల్స్ పోకుండా ఉండాలంటే వాటిని వెంటనే డౌన్‌లోడ్ చేసుకోవాలని మెటా సూచించింది. ఇందుకోసం యాప్‌లో త్వరలోనే ప్రత్యేక ఆప్షన్లు అందుబాటులోకి రానున్నాయి. మీ ఇన్‌స్టాగ్రామ్ యాప్‌ను లేటెస్ట్ వెర్షన్‌కు అప్‌డేట్ చేసుకోవడం ద్వారా ఈ కొత్త ఫీచర్లను సులభంగా పొందవచ్చు. మే 8 తర్వాత ఈ సెక్యూరిటీ లేయర్ పనిచేయదు కాబట్టి, ముఖ్యమైన సమాచారం ఉంటే ముందే సేవ్ చేసుకోవడం ఉత్తమం. గోప్యత విషయంలో యూజర్లు ఇకపై మరింత జాగ్రత్తగా ఉండాల్సి ఉంటుంది.
Read hindi news: hindi.vaartha.com
Epaper: epaper.vaartha.com
Read Also:
