AP Inter Results: ఆంధ్రప్రదేశ్ ఇంటర్మీడియట్ విద్యా మండలి (BIEAP) పరీక్షల అనంతర ప్రక్రియను వేగవంతం చేసింది. ఇంటర్ జవాబు పత్రాల మూల్యాంకనాన్ని ఏప్రిల్ 10 నుంచి 14వ తేదీలోపు పూర్తి చేయాలని బోర్డు లక్ష్యంగా పెట్టుకుంది. ఈ మేరకు విద్యాశాఖ అధికారులు కసరత్తును ముమ్మరం చేశారు. మూల్యాంకన ప్రక్రియ సజావుగా సాగేలా అన్ని జిల్లాల్లో తగిన ఏర్పాట్లు చేస్తున్నారు.
Read Also :AP Inter Admissions 2026-27 Schedule Release: ఏపీ ఇంటర్ ప్రవేశాల షెడ్యూల్ విడుదల
AP Inter Results: బోర్డు కీలక అప్‌డేట్!
జవాబు పత్రాల దిద్దుబాటు పూర్తయిన వెంటనే మార్కుల నమోదు, ఫలితాల వెల్లడిపై బోర్డు దృష్టి సారించనుంది. ఏప్రిల్ 21వ తేదీలోపు ఇంటర్ ఫలితాలను అధికారికంగా విడుదల చేసే అవకాశం ఉందని విద్యాశాఖ వర్గాలు వెల్లడించాయి. దీనివల్ల విద్యార్థులు తదుపరి ఉన్నత విద్యా కోర్సులకు దరఖాస్తు చేసుకునేందుకు తగిన సమయం దొరుకుతుందని అధికారులు భావిస్తున్నారు.
మే నెలలో సప్లిమెంటరీ పరీక్షలు
మరోవైపు, ఫెయిల్ అయిన విద్యార్థుల కోసం అడ్వాన్స్‌డ్ సప్లిమెంటరీ పరీక్షలను మే మొదటి వారంలో నిర్వహించేందుకు బోర్డు ప్రణాళికలు సిద్ధం చేస్తోంది. ఈ ఏడాది ఆంధ్రప్రదేశ్‌లో జరిగిన ఇంటర్ ప్రథమ, ద్వితీయ సంవత్సర పరీక్షలకు రాష్ట్రవ్యాప్తంగా సుమారు 10.37 లక్షల మంది విద్యార్థులు హాజరయ్యారు. ఏప్రిల్ మూడో వారంలోనే ఫలితాలు వచ్చే అవకాశం ఉండటంతో విద్యార్థులు మరియు తల్లిదండ్రులలో ఉత్కంఠ నెలకొంది.
Read Also hindi news: hindi.vaartha.com
Read Also Epaper : epaper.vaartha.com
Read Also :
