బ్యాంక్ ఆఫ్(Bank Jobs) మహారాష్ట్ర దేశవ్యాప్తంగా 600 అప్రెంటిస్ పోస్టుల భర్తీకి అధికారికంగా దరఖాస్తులు కోరుతోంది. ఏదైనా గుర్తింపు పొందిన విశ్వవిద్యాలయం నుంచి డిగ్రీ పూర్తి చేసిన అభ్యర్థులు ఈ అవకాశాన్ని వినియోగించుకోవచ్చు.
Read Also: JobAlert: ICAR-CRRI లో రీసెర్చ్ పోస్టులు
డిగ్రీ అర్హతతో NATS పోర్టల్లో జనవరి 25 వరకు అప్లై చేసుకునే అవకాశం
అభ్యర్థులు జాతీయ అప్రెంటిస్షిప్ ట్రైనింగ్ స్కీమ్ (NATS) పోర్టల్ ద్వారా ఆన్లైన్లో అప్లై చేయాల్సి ఉంటుంది. దరఖాస్తుల చివరి తేదీ జనవరి 25. ఈ అప్రెంటిస్ పోస్టులకు దరఖాస్తు చేసుకునే అభ్యర్థుల వయస్సు కనీసం 20 ఏళ్లు, గరిష్ఠంగా 28 ఏళ్ల లోపు ఉండాలి. ఎస్సీ, ఎస్టీ, ఓబీసీ, ఇతర రిజర్వేషన్ కేటగిరీలకు చెందిన అభ్యర్థులకు కేంద్ర ప్రభుత్వ నిబంధనల ప్రకారం వయో పరిమితిలో సడలింపు వర్తిస్తుంది.
ఎంపిక ప్రక్రియ పూర్తిగా అకడమిక్ మెరిట్ ఆధారంగా ఉంటుంది. మెరిట్ లిస్ట్లో చోటు దక్కిన అభ్యర్థులకు డాక్యుమెంట్ వెరిఫికేషన్ (DV) నిర్వహించి, అనంతరం మెడికల్ పరీక్ష ద్వారా తుది ఎంపిక చేస్తారు. ఎలాంటి రాత పరీక్ష లేకుండానే ఎంపిక జరగడం ఈ నోటిఫికేషన్(Bank Jobs) ప్రత్యేకతగా చెప్పవచ్చు.
ఎంపికైన అప్రెంటిస్లకు శిక్షణ కాలంలో నెలకు రూ.12,300 స్టైపెండ్ చెల్లిస్తారు. బ్యాంకింగ్ రంగంలో ప్రాక్టికల్ అనుభవం పొందేందుకు ఇది మంచి అవకాశం కావడంతో యువతలో ఈ నోటిఫికేషన్పై ఆసక్తి పెరుగుతోంది. దరఖాస్తు విధానం, అర్హతలు, ఇతర నిబంధనలపై పూర్తి వివరాల కోసం బ్యాంక్ ఆఫ్ మహారాష్ట్ర అధికారిక వెబ్సైట్ను సందర్శించాలని సూచించారు.
వెబ్సైట్: bankofmaharashtra.bank.in
Read hindi news : hindi.vaartha.com
Epaper : epapervaartha.com
Read Also:
