తిరుపతి ఇటీవల చోటుచేసుకున్న తొక్కిసలాట ఘటనపై రాష్ట్ర ప్రభుత్వం ప్రత్యేక విచారణకు ఏక సభ్య కమిషన్‌ను నియమించింది. కమిషన్ ఛైర్మన్ జస్టిస్ సత్యనారాయణమూర్తి నిన్న రాత్రి తిరుమలకు చేరుకున్నారు. ఈ ఘటనకు సంబంధించిన వివరాలను సమగ్రంగా పరిశీలించేందుకు ఆయన ప్రత్యక్షంగా క్యూలైన్ల నిర్వహణ తీరును ఇవాళ, రేపు పరిశీలించనున్నారు.
క్యూలైన్ల నిర్వహణపై సమీక్ష
తిరుమలలో భక్తుల రద్దీ అధికంగా ఉండే ప్రదేశాలను, భక్తుల ప్రవాహాన్ని ఎలా నియంత్రించాలి అనే అంశాలను కమిషన్ బృందం ప్రత్యేకంగా అధ్యయనం చేయనుంది. టీటీడీ నిర్వహణ, భక్తుల ఆహార, తాగునీరు, క్యూలైన్ల నిర్వహణకు సంబంధించి తీసుకోవాల్సిన ముందు జాగ్రత్తలపై అధికారులు కమిషన్‌కు నివేదిక సమర్పించనున్నారు. భక్తుల రద్దీ నియంత్రణలో ఏవైనా లోపాలున్నాయా? భద్రతాపరంగా మరిన్ని మార్పులు అవసరమా? అనే విషయాలపై ప్రత్యేకంగా సమీక్ష చేపట్టనున్నారు.
బాధితుల అభిప్రాయాలను నమోదు
ఎల్లుండి నుంచి అధికారికంగా విచారణ మొదలుకానుంది. ఈ సందర్భంగా టీటీడీ, పోలీసు, రెవెన్యూ శాఖల అధికారులతో పాటు తొక్కిసలాటలో గాయపడిన భక్తులను కూడా కమిషన్ విచారించనుంది. ఘటనకు సంబంధించిన అన్ని కోణాలను పరిశీలించి, భవిష్యత్తులో ఇలాంటి ఘటనలు పునరావృతం కాకుండా తీసుకోవాల్సిన చర్యలను ప్రభుత్వం దృష్టికి తీసుకురానున్నారు.
అధికారులకు నోటీసులు జారీ
ఈ నెల 17న విచారణకు హాజరుకావాలని చిత్తూరు జిల్లా కలెక్టర్, ఎస్పీ, టీటీడీ ఈవోలకు ఇప్పటికే నోటీసులు పంపినట్లు సమాచారం. భక్తుల భద్రత విషయంలో ప్రభుత్వ విధానాలను, అధికారుల బాధ్యతలను సమీక్షించేందుకు కమిషన్ చర్యలు తీసుకుంటోంది. భక్తుల సంక్షేమం, భద్రత పెంపునకు కమిషన్ సూచనలు ఇవ్వనుంది.
వాణిజ్యం, సుంకాల సంబంధిత అంశాలపై చర్చలు ప్రారంభించేందుకు ప్రధాని నరేంద్ర మోదీ, అమెరికా అధ్యక్షుడు డొనాల్డ్‌ ట్రంప్‌ అంగీకరించారని విదేశాంగ కార్యదర్శి విక్రమ్‌ మిస్రీ తెలిపారు. వైట్‌హౌస్‌లో Read more
ఈరోజు తెలంగాణ లో కాంగ్రెస్ పార్టీ అధికారంలోకి వచ్చిందంటే రుణమాఫీ కూడా ఒకటి. ఎన్నో ఏళ్లుగా రైతులు రుణమాఫీ కోసం ఎదురుచూస్తున్నారు. గత ప్రభుత్వం రుణమాఫీ చేస్తామని Read more
స్విట్జర్లాండ్‌లోని జ్యూరిక్‌లో తెలుగు ప్రజలతో జరిగిన ‘మీట్ అండ్ గ్రీట్’ కార్యక్రమంలో మాజీ ముఖ్యమంత్రి చంద్రబాబు నాయుడు హైటెక్ సిటీ అభివృద్ధిపై ఆసక్తికర వ్యాఖ్యలు చేశారు. హైదరాబాద్‌ను Read more
EPFO: ఉద్యోగులు, కార్మికులకు ఉద్యోగ భవిష్య నిధి సంస్థ (ఈపీఎఫ్‌ఓ) శుభవార్త తెలిపింది. ఏటీఎం, యూనిఫైడ్‌ పేమెంట్స్‌ ఇంటర్‌ఫేస్‌(యూపీఐ) ద్వారా డబ్బును విత్‌డ్రా చేసుకునే విధానాన్ని ప్రవేశపెట్టేందుకు Read more