ఉక్రెయిన్(Ukraine) యుద్ధానికి ముగింపు పలికే దిశగా దౌత్యపరమైన ప్రయత్నాలు ఒక్కసారిగా వేగవంతమయ్యాయి. రష్యా అధ్యక్షుడు వ్లాదిమిర్ పుతిన్(Putin)తో అమెరికాలోని అలాస్కా(Alaska)లో చర్చలు జరిపిన కొద్ది గంటలకే, అమెరికా అధ్యక్షుడు డొనాల్డ్ ట్రంప్(Trump) కీలక చర్యలకు ఉపక్రమించారు. ఈ క్రమంలో ఉక్రెయిన్ అధ్యక్షుడు వొలొదిమిర్ జెలెన్స్కీ (Zelensky) తో ఆయన శనివారం ఫోన్లో సుదీర్ఘంగా మాట్లాడారు. అనంతరం, సోమవారం (ఆగస్టు 18న) వాషింగ్టన్లో వ్యక్తిగతంగా సమావేశం కావాలని జెలెన్స్కీని ఆహ్వానించారు. ఈ భేటీలో యుద్ధ నివారణ, హింసకు ముగింపు పలికే అంశాలపై సమగ్రంగా చర్చించనున్నారు.
స్వయంగా చెప్పిన జెలెన్స్కీ
ఈ విషయాన్ని జెలెన్స్కీ స్వయంగా సోషల్ మీడియా వేదిక ‘ఎక్స్’ ద్వారా వెల్లడించారు. “అమెరికా అధ్యక్షుడు ట్రంప్తో సుదీర్ఘంగా, ఫలప్రదంగా చర్చలు జరిపాం. శాంతిని నెలకొల్పేందుకు గరిష్ఠ స్థాయిలో కృషి చేయడానికి ఉక్రెయిన్ సిద్ధంగా ఉందని పునరుద్ఘాటించాం. రష్యా నేతతో జరిగిన సమావేశం, చర్చకు వచ్చిన ప్రధాన అంశాలను ట్రంప్ నాకు వివరించారు” అని జెలెన్స్కీ తెలిపారు. ఈ క్లిష్ట పరిస్థితుల్లో అమెరికా సానుకూల ప్రభావం చూపడం చాలా ముఖ్యమని ఆయన అభిప్రాయపడ్డారు.
వాషింగ్టన్లో ట్రంప్తో భేటీ
అంతేకాకుండా, అమెరికా, రష్యా, ఉక్రెయిన్ మధ్య త్రైపాక్షిక సమావేశం నిర్వహించాలన్న ట్రంప్ ప్రతిపాదనకు తాము మద్దతు ఇస్తున్నట్లు జెలెన్స్కీ స్పష్టం చేశారు. కీలకమైన సమస్యలను నేతల స్థాయిలో చర్చించడం ద్వారానే పరిష్కరించగలమని, అందుకు ఈ ఫార్మాట్ సరైనదని ఉక్రెయిన్ భావిస్తున్నట్లు ఆయన పేర్కొన్నారు. “సోమవారం వాషింగ్టన్లో ట్రంప్తో భేటీ అయి అన్ని వివరాలపై చర్చిస్తాను. ఈ ఆహ్వానానికి నేను కృతజ్ఞుడను” అని ఆయన తన పోస్టులో రాసుకొచ్చారు.
కచ్చితమైన ఒప్పందం కుదరలేదు: వైట్ హౌస్
మరోవైపు, అలాస్కాలో పుతిన్తో జరిగిన ట్రంప్ సమావేశంలో చర్చలు ముందుకు సాగినప్పటికీ, ఎలాంటి కచ్చితమైన ఒప్పందం కుదరలేదని వైట్ హౌస్ వర్గాలు తెలిపాయి. చర్చల అనంతరం పుతిన్ మాట్లాడుతూ, ఉక్రెయిన్పై ఇరు నేతల మధ్య ఒక అవగాహన కుదిరిందని పేర్కొన్నారు.
అయితే, ట్రంప్ దీనిపై స్పందిస్తూ, “ఒక ఒప్పందం కుదిరే వరకు ఎలాంటి అంగీకారం లేదు” అని స్పష్టం చేశారు. సంక్షోభానికి మూలకారణాలను తొలగిస్తేనే శాంతి సాధ్యమని పుతిన్ అన్నారు. దాదాపు దశాబ్దం తర్వాత ఒక రష్యా అధ్యక్షుడు అమెరికాలో పర్యటించడం ఇదే తొలిసారి.
జెలెన్స్కీ గురించి మనకు ఏమి తెలుసు?
జెలెన్స్కీ ఉక్రెయిన్ యొక్క మొదటి యూదు అధ్యక్షుడు; వోలోడిమిర్ గ్రోయిస్మాన్ ప్రధానమంత్రిగా ఉండటంతో, ఉక్రెయిన్ ఇజ్రాయెల్ కాకుండా ఒకేసారి యూదు దేశాధినేత మరియు ప్రభుత్వ అధిపతిని కలిగి ఉన్న మొదటి దేశంగా అవతరించింది.
ఉక్రెయిన్ ఎందుకు ముఖ్యమైనది?
ప్రపంచ వ్యవహారాల్లో ఉక్రెయిన్ ఒక మధ్యస్థ శక్తిగా పరిగణించబడుతుంది. దాని సైన్యం ప్రపంచంలోనే ఆరవ అతిపెద్దది, ఎనిమిదవ అతిపెద్ద రక్షణ బడ్జెట్తో, మరియు ప్రపంచంలోనే అతిపెద్ద మరియు అత్యంత వైవిధ్యమైన డ్రోన్ నౌకాదళాలలో ఒకదాన్ని నిర్వహిస్తుంది.
Read hindi news: hindi.vaartha.com
Read also:
