America : యెమెన్ యుద్ధ రహస్యాలు లీక్
వాషింగ్టన్: అమెరికాకు చెందిన కీలక రహస్యాలు లీక్ అయినట్లు తాజా సమాచారం వెల్లడి అయ్యింది. యెమెన్పై చేపట్టిన భీకరదాడుల ప్రణాళికకు సంబంధించిన రహస్యాలు ముందే బయటపడ్డాయి. ఈ విషయాన్ని రక్షణ మంత్రి పీట్ హెగ్సెత్ తన కుటుంబ సభ్యులతో చర్చించినట్లు తెలుస్తోంది. ఈ సమాచారం మొదట సిగ్నల్ చాట్లో పంచుకున్నారు. ఈ ప్రణాళికలు 2023 మార్చి 15న యెమెన్పై అమెరికా అధ్యక్షుడు డొనాల్డ్ ట్రంప్ దాడులను ప్రకటించే ముందు బయటపడ్డాయని వార్తలు వస్తున్నాయి.హెగ్సెత్, తన కుటుంబ సభ్యులతో కలిసి ఈ యుద్ధ ప్రణాళికలను చర్చించినట్లు సమాచారం. ఆయన భార్య జెన్సిఫర్, సోదరుడు ఫిల్ హెగ్సెత్ కూడా ఈ చాట్లో పాల్గొన్నారని వెల్లడైంది. జెన్సిఫర్ ఫాక్స్ న్యూస్లో మాజీ ప్రొడ్యూసర్గా పనిచేశారు, మరొక వైపు, ఫిల్ హెగ్సెత్ హోంల్యాండ్ డిపార్ట్మెంట్లో సీనియర్ అడ్వైజర్గా పనిచేస్తున్నారు.ఇటీవల జరిగిన వార్తల ప్రకారం, ఈ యుద్ధ ప్రణాళికలను జేడీ వాన్స్, ఇతర కీలక అధికారులతో కూడిన సిగ్నల్ గ్రూప్ చాట్లో కూడా చర్చించారు. ఈ చాట్లో “ది అట్లాంటిక్” మ్యాగజైన్ ఎడిటర్-ఇన్-చీఫ్ జెఫ్రీ గోల్డ్బర్గ్ కూడా పాల్గొన్నారు. ఈ రహస్య సమాచారం బయటపడ్డ తరువాత, వైట్ హౌస్ కూడా దీనిని ధ్రువీకరించింది.
అమెరికా రక్షణ మంత్రితో పాటు కుటుంబ సభ్యుల మధ్య యుద్ధ ప్రణాళికల చర్చ కలకలం రేపింది
ఈ లీక్కు సంబంధించిన చర్యలు తీసుకోలేదని, ట్రంప్ ప్రభుత్వంపై విమర్శలు వస్తున్న నేపధ్యంలో, రక్షణ మంత్రి పీట్ హెగ్సెత్ను తొలగించాలని డెమోక్రాట్లు డిమాండ్ చేస్తున్నారు. అయితే, పెంటగాన్ మరియు వైట్ హౌస్ నుంచి ఎలాంటి అధికారిక స్పందన ఇంకా రావలేదు.ఇక, యెమెన్ రాజధాని సనాలో ఇటీవల అమెరికా వైమానిక దాడులు చేపట్టినట్లు కూడా వెల్లడైంది. ఈ దాడిలో కనీసం 12 మంది మరణించగా, మరో 30 మంది గాయపడినట్లు హౌతీరెబల్స్ ఆరోగ్య మంత్రిత్వశాఖ తెలిపింది.
Read More : Telangana : ఒసాకా ఎక్స్పోలో సీఎం రేవంత్ రెడ్డి