ఎలాన్ మస్క్ కంపెనీలోకి 20 ఏళ్ల యువకుడు… వచ్చీ రాగానే 500 మందిని బయటకు!
20 ఏళ్ల డియాగో పాసిని : ఎలాన్ మస్క్ స్థాపించిన xAI అనే ఆర్టిఫిషియల్ ఇంటెలిజెన్స్ కంపెనీ ఇటీవలే భారీ స్థాయిలో ఉద్యోగాల తొలగింపులు చేసింది. ఒక్కసారిగా 500 మందికిపైగా (20 ఏళ్ల డియాగో పాసిని) ఉద్యోగులను తొలగించడం టెక్ ప్రపంచంలో హాట్ టాపిక్గా మారింది. ఈ పరిణామం తర్వాత మరో సంచలన వార్త బయటకు వచ్చింది. కేవలం 20 ఏళ్ల వయసు ఉన్న డియాగో పాసిని అనే యువకుడు ఇప్పుడు xAI డేటా అనోటేషన్ టీమ్కి లీడర్గా నియమితుడయ్యాడు.
డేటా అనోటేషన్ టీమ్ అంటే ఏమిటి?
xAI రూపొందించిన Grok చాట్బాట్ మరింత తెలివిగా మారేందుకు అవసరమైన శిక్షణా పనిని ఈ టీమ్ చేస్తుంది. ఇంటర్నెట్ నుండి వచ్చే ముడి డేటాను సేకరించడం, లేబుల్స్ జోడించడం, వర్గీకరించడం, సరైన సందర్భంలోకి మార్చడం ఇవన్నీ ఈ బృందం పనులు. ఈ ప్రాసెస్ ద్వారా Grok అనే AI వ్యవస్థ ప్రపంచాన్ని మరింత అర్థం చేసుకోవడం నేర్చుకుంటుంది.
డియాగో పాసిని ఎవరు?
- డియాగో పాసిని 2023లో హైస్కూల్ పూర్తి చేశాడు.
- అదే ఏడాది ఎలాన్ మస్క్ xAIని స్థాపించారు.
- అమెరికాలోని పెన్సిల్వేనియా యూనివర్శిటీలో కంప్యూటర్ సైన్స్, ఎకనామిక్స్ చదివాడు. ప్రస్తుతం చదువు నుంచి లీవ్ తీసుకున్నాడు.
- న్యూజెర్సీలోని ఖరీదైన పింగ్రీ స్కూల్లో హైస్కూల్ విద్య పూర్తి చేశాడు.
- రోబోటిక్స్ టీమ్లో చురుకుగా పాల్గొన్నాడు.
- 2022లో MITలో డ్రోన్లపై రీసెర్చ్ ప్రదర్శించాడు.
- 2024లో Contrary అనే ఇన్వెస్ట్మెంట్ కంపెనీలో ఫెలోగా ఎంపికై, రోబోటిక్స్, హార్డ్ టెక్ స్టార్టప్స్ మీద ఆసక్తి చూపించాడు.
xAIలో ఎలా చేరాడు?
- 2024 సెప్టెంబర్లో పాసిని X (ట్విట్టర్)లో మస్క్కు మద్దతుగా పోస్టులు పెట్టాడు.
- దాంతో ఎలాన్ మస్క్ ఆయనను ఫాలో చేశారు.
- 2025 జనవరిలో శాన్ ఫ్రాన్సిస్కోలో జరిగిన xAI హ్యాకథాన్లో విజయం సాధించి కంపెనీలో ఉద్యోగం దక్కించుకున్నాడు.
- అప్పటి నుంచి మస్క్ దృష్టిలో ఆయన పనితీరు ప్రత్యేకంగా నిలిచింది.
పెద్ద బాధ్యతలు చేతిలోకి ఎలా వచ్చాయి?
తాజా ఉద్యోగాల తొలగింపుల సమయంలో, సీనియర్ లెవెల్ ఉద్యోగుల స్లాక్ అకౌంట్లను డీయాక్టివేట్ చేసిన తర్వాత, పాసినిని డేటా అనోటేషన్ టీమ్ హెడ్గా నియమించారు.
- మొదట బృంద సభ్యులకు ఇకపై ఉద్యోగాల తొలగింపులు లేవని హామీ ఇచ్చాడు.
- అయితే కొద్ది రోజులకు మరో 100 మందిని తొలగించారు.
- తర్వాత మిగిలిన టీమ్తో సమావేశమై, “మీ భవిష్యత్తు మీ పనితీరుపైనే ఆధారపడి ఉంటుంది” అని స్పష్టం చేశాడు.
ఎందుకు ప్రత్యేకం?
టెక్ ఇండస్ట్రీలో అనుభవజ్ఞులకే దొరికే బాధ్యతలు, కేవలం 20 ఏళ్ల వయసులో పాసినికి దక్కడం అందరినీ ఆశ్చర్యపరుస్తోంది. ఇప్పుడు ఎలాన్ మస్క్ AI కంపెనీలో వందల మందిని ఆయన నడిపిస్తున్నాడు.
Read also :
