ఉక్రెయిన్పై రష్యా ప్రళయం: మూడు సంవత్సరాల యుద్ధంలో అతిపెద్ద దాడి
Ukraine పై కొనసాగుతున్న రష్యా ఆగ్రహం మళ్ళీ ఉధృతంగా మారింది. శనివారం నాడు జరిగిన అత్యంత విధ్వంసకర దాడిలో రష్యా సేనలు Ukraine లోని తొమ్మిది ప్రాంతాలను లక్ష్యంగా చేసుకొని దాదాపు 400 డ్రోన్లు, 40 క్షిపణులతో విరుచుకుపడ్డాయి.
ఉక్రెయిన్ రాజధాని కీవ్, పశ్చిమ ప్రాంతమైన ఎల్వివ్, ఉత్తర ప్రాంతమైన సుమీ తదితర ప్రధాన నగరాలపై జరిగిన ఈ దాడులు ప్రజలను భయభ్రాంతులకు గురి చేశాయి.
మూడు సంవత్సరాలుగా కొనసాగుతున్న ఈ యుద్ధంలో ఇది అత్యంత తీవ్రమైన దాడిగా భావిస్తున్నారు.
ఈ దాడుల వల్ల మొత్తం 80 మందికి పైగా గాయపడ్డారు, ఇంకా కొందరు శిథిలాల కింద చిక్కుకుపోయిన అవకాశం ఉందని అధికారులు భావిస్తున్నారు.
ఉక్రెయిన్ అత్యవసర సేవల విభాగం అందించిన సమాచారం ప్రకారం, కీవ్లో ముగ్గురు అగ్నిమాపక సిబ్బంది, లుట్స్క్ (Lutsk) లో ఇద్దరు పౌరులు, చెర్నిహివ్ (Chernihiv) లో మరొకరు మరణించారు.
దీంతో మృతుల సంఖ్య ఆరుకు చేరింది. పరిస్థితిని సమీక్షిస్తున్న ఉక్రెయిన్ ప్రభుత్వం సహాయక చర్యలకు ఆదేశాలు జారీ చేసింది.
జెలెన్ స్కీ తీవ్ర ప్రతిస్పందన: ప్రపంచ నిశ్శబ్దాన్ని లక్ష్యంగా చేసిన ఆరోపణలు
ఈ దాడులపై Ukraine అధ్యక్షుడు వొలొదిమిర్ జెలెన్ స్కీ తీవ్రంగా స్పందించారు. “ఈరోజు దేశంలోని అనేక ప్రాంతాల్లో సహాయక చర్యలు చేపట్టాం.
రష్యా ప్రయోగించిన 400 డ్రోన్లు, 40కి పైగా క్షిపణుల వల్ల 80 మంది గాయపడ్డారు. శిథిలాల కింద ఇంకా కొందరు చిక్కుకుని ఉండవచ్చు” అని ఆయన ‘ఎక్స్’ (ట్విట్టర్) వేదికగా తెలిపారు.
ఈ దాడుల్లో కీవ్లో ముగ్గురు అగ్నిమాపక సిబ్బంది, లుట్స్క్లో ఇద్దరు పౌరులు, చెర్నిహివ్లో మరొకరు మరణించినట్లు ఉక్రెయిన్ అత్యవసర సేవల విభాగం ధ్రువీకరించింది. దీంతో మృతుల సంఖ్య ఆరుకు చేరింది.
రష్యా దాడులపై ప్రపంచ దేశాల స్పందన పట్ల జెలెన్స్కీ తీవ్ర అసంతృప్తి వ్యక్తం చేశారు. “దురదృష్టవశాత్తు, ప్రపంచంలో అందరూ ఈ దాడులను ఖండించడం లేదు. పుతిన్ దీన్నే అవకాశంగా తీసుకుంటున్నారు.
యుద్ధాన్ని కొనసాగించడానికి ఆయన సమయం కొంటున్నారు” అని ఆవేదన వ్యక్తం చేశారు. ప్రపంచ దేశాల ఐక్యతను దెబ్బతీసి, తమ యుద్ధానికి మరింత ఒత్తిడి రాకుండా రష్యా ప్రయత్నిస్తోందని ఆయన ఆరోపించారు.
శాంతి దిశగా ప్రపంచం అడుగులు వేయాలి: జెలెన్ స్కీ విజ్ఞప్తి
ఈ పరిణామాల నేపథ్యంలో భద్రతా హామీలు, శాంతి స్థాపన, కాల్పుల విరమణ వంటి అంశాలపై దృష్టి పెట్టాల్సిన అవసరం ఉందని జెలెన్ స్కీ పేర్కొన్నారు.
“ఈ యుద్ధం ముగియాలంటే రష్యాపై అంతర్జాతీయ ఒత్తిడి అవసరం. మాటల కన్నా గళం నడవాలి. శాంతిని కోరే దేశాలు ఇప్పుడు చర్యలపై దృష్టి పెట్టాలి,” అని ఆయన అన్నారు.
యుద్ధ విరమణ కోసం తక్షణ దౌత్యం అవసరమని, మానవతా విలువలను కాపాడేందుకు సమయానికి చర్యలు తీసుకోవాలని జెలెన్ స్కీ పునరుద్ఘాటించారు.
Read also: Virus: చైనాలో మరో కొత్త వైరస్ గుర్తింపు