ఫ్రాన్స్ అధ్యక్షుడు ఇమ్మాన్యుయేల్ మెక్రాన్(Macron Couples) దంపతులకు సంబంధించిన వీడియో నెట్టింట వైరల్గా మారింది. అందులో ఆయన సతీమణి బ్రిగెట్టా అతడి ముఖంపై కొట్టినట్లు వీడియోలో రికార్డు కాగా.. అది చూసిన ప్రతీ ఒక్కరూ వీరిద్దరి మధ్య గొడవ జరిగిందని భావించారు. అంతేనా త్వరలోనే విడాకులు కూడా తీసుకోబోతున్నారంటూ వార్తలు వచ్చాయి. ఇప్పటికే మెక్రాన్ దంపతులు దీనిపై క్లారిటీ కూడా ఇచ్చినా అంతా అదే నిజం అనుకుంటున్నారు. అయితే తాజాగా దీనిపై అగ్రరాజ్యం అమెరికా అధ్యక్షుడు డొనాల్డ్ ట్రంప్(Donald Trump) స్పందించారు. అలాంటివి జరిగేటప్పుడు తలుపులు వేసుకోవాలంటూ సూచించారు. ఫ్రాన్స్ అధ్యక్షుడు ఇమ్మాన్యుయేల్ మెక్రాన్ మరియు ఆయన భార్య బ్రిగెట్టా మెక్రాన్ మధ్య జరిగిన ఘర్షణ వలె కనిపించిన ఒక సంఘటన ఇటీవల సోషల్ మీడియాలో వైరల్ అయింది.
సోషల్ మీడియాలో పెద్ద ఎత్తున వార్తలు
ఫ్రాన్స్ అధ్యక్షుడు ఇమ్మాన్యుయేల్ మెక్రాన్, బ్రిగెట్టా దంపతుల మధ్య అభిప్రాయ భేదాలు వచ్చాయని ఇటీవలే సోషల్ మీడియాలో పెద్ద ఎత్తున వార్తలు వచ్చాయి. ముఖ్యంగా వీరిద్దరూ కలిసి వియత్నాం పర్యటనకు వెళ్లిన సమయంలో గొడవ జరిగినట్లు తెలిసింది. ముఖ్యంగా విమానం హనోయ్లో దిగిన తర్వాత.. ఒక అధికారి తలుపును తెరిచినప్పుడు మెక్రాన్ ఎవరితోనో మాట్లాడుతున్నట్లు కనిపించింది. అంతలోనే ఎర్రని స్లీవ్ డ్రెస్ ధరించిన ఓ మహిళ చేతులు మెక్రాన్ ముఖంపై కొట్టినట్లు కూడా వీడియోలో రికార్డు అయింది. దీంతో ఆయన వెంటనే తలతిప్పుకొని వెనక్కి జరిగారు. అయితే ఇదంతా రికార్డు అవుతున్నట్లు గుర్తించిన మెక్రాన్ ఆ వెంటనే చేతులు ఊపుతూ నవ్వారు. అయితే ఆ తర్వాత.. అదే రెడ్ కలర్ డ్రెస్సులో మెక్రాన్ సతీమణి బ్రిగెట్టా కనిపించగా.. ఆమెనే అతడిని కొట్టిందని అంతా భావించారు.
Read Also: Trump: భారత్- పాక్ యుద్దాన్ని ఆపినట్లుగా పదే పదే చెప్పుకుంటున్న ట్రంప్