పొరుగు దేశం కెనడా(Canada)పై అమెరికా అధ్యక్షుడు డొనాల్డ్ ట్రంప్(Trump) భారీ సుంకాన్ని(Tariff) విధించారు. కెనడా దిగుమతులపై 35 శాతం టారిఫ్లు విధిస్తున్నట్లు ప్రకటించారు. ఈ మేరకు ట్రంప్, కెనడా ప్రధాని మార్క్ కార్నీ(Canada PM Mark Carney)కి లేఖ ద్వారా ఈ విషయాన్ని తెలియదేశారు. అలాగే, ఆ లేఖను ట్రంప్ తన సోషల్ మీడియా ప్లాట్ఫారమ్ ట్రూత్ సోషల్లో కూడా షేర్ చేసారు. ట్రంప్ ఈ నిర్ణయం ప్రకటించిన తర్వాత కెనడా డాలర్ విలువ 0.4శాతం పడిపోయింది, అలాగే, ఎస్అండ్ పీ ఫ్యూచర్ స్టాక్స్ 0.5శాతం తగ్గాయి.
ఫెంటనిల్ పై ట్రంప్ ఆరోపణ
అమెరికాలోకి ఫెంటనిల్ మత్తు పదార్థాలు అక్రమ రవాణా కెనడా ద్వారా ఎక్కువగా జరుగుతోందని, దీనిని కట్టడి చేయడంలో కెనడా విఫలమైందని అందుకే, అమెరికా 35 శాతం టారిఫ్ విధించాలని నిర్ణయించినట్లు ట్రంప్ ఆ లేఖలో పేర్కొన్నారు. 2025 ఆగస్టు 1నుంచి ఈ కొత్త సుంకాలు అమల్లోకి వస్తుందని చెప్పారు. ఒకవేళ కెనడా కూడా అమెరికా వస్తువులపై టారిఫ్లు పెంచితే తమ ఆగ్రహానికి గురికాక తప్పదని హెచ్చరించారు. అమెరికా మరింతగా టారిఫ్ రేట్లను పెంచుతుందన్నారు. ప్రత్యేకించి, fఅమెరికా డెయిరీ ఉత్పత్తులపై కెనడా 400 శాతం వరకు అధిక టారిఫ్ వసూలు చేస్తుందని ట్రంప్ లేఖలో ఆరోపించారు. ఈ వాణిజ్య లోటు అమెరికా ఆర్థిక వ్యవస్థకు, జాతీయ భద్రతకు ముప్పుగా ఉన్నదని పేర్కొన్నారు.
బ్రెజిల్ దిగుమతులపై అత్యధికంగా 50శాతం టారిఫ్
ట్రంప్ ఇప్పటికే పలు దేశాలపై భారీ సుంకాలను విధిస్తూ ట్రంప్ నిర్ణయం తీసుకున్నారు. ఆయా దేశాలకు లేఖలు కూడా శారు. బ్రెజిల్ దిగుమతులపై అత్యధికంగా 50శాతం టారిఫ్ను విధిస్తామని చెప్పారు. ఇప్పటికే ట్రంప్ ప్రకటించిన టారీఫ్లలో ఇదే అత్యధికం. బ్రెజిల్ మాజీ అధ్యక్షుడు జైర్ బోల్సోనారోపై నడుస్తున్న కేసును అమెరికా తప్పుబట్టింది.
పలు దేశాలపై టారిఫ్లను ట్రంప్
అలాగే, జపాన్, దక్షిణ కొరియా, మలేషియా, కజాకిస్థాన్, దక్షిణాఫ్రికా, మయన్మార్, లావోస్, థాయిలాండ్, బంగ్లాదేశ్, ఇండోనేషియా, ట్యునీషియా, బోస్నియా, హర్జెగొవినా, సెర్బియా, కంబోడియా, శ్రీలంక, అల్జీరియా, ఇరాక్, లిబియా, మోల్డోవా, బ్రునై, ఫిలిప్పీన్స్ సహా పలు దేశాలపై టారిఫ్లను ట్రంప్ ఇప్పటికే ప్రకటించారు. రానున్న రోజుల్లో మరిన్ని దేశాలపై విధించనున్న సుంకాలను ట్రంప్ ప్రకటించించనున్నారు. ఆగస్టు 1నుంచి పెంచిన సుంకాలు అమల్లోకి రానున్నాయి. ట్రంప్ నిర్ణయంతో కెనడాలోని ఇండస్ట్రీలు ఇతర మార్కెట్లపై దృష్టి సారించినట్లు తెలుస్తోంది. యూకే, ఈయూ, ఆస్ట్రేలియా, జపాన్ వంటి దేశాలకు తమ మార్కెట్ విస్తిరించుకోవాలని భావిస్తున్నట్లు సమాచారం. ఇదిలా ఉండగా, టారిఫ్ లు పెంచిన నేపథ్యంలో అమెరికాతో చర్చించాలని కెనడా భావిస్తోంది .
ట్రంప్లో సుంకాలు ఎప్పుడు ప్రారంభమయ్యాయి?
ఏప్రిల్ 2న, అతను "విముక్తి దినోత్సవం" అని పిలిచే రోజున, ట్రంప్ జాతీయ వాణిజ్య లోటుకు సంబంధించి జాతీయ అత్యవసర పరిస్థితిని ప్రకటించాడు మరియు ఇతర ఆంక్షలకు లోబడి లేని అన్ని దేశాలపై "పరస్పర సుంకాలు" ప్రకటించాడు. దాదాపు అన్ని US దిగుమతులపై 10% ప్రాథమిక సుంకం ఏప్రిల్ 5 నుండి అమల్లోకి వచ్చింది.
చైనాతో ట్రంప్ వాణిజ్య యుద్ధం ఏమిటి?
అమెరికా అధ్యక్షుడు డొనాల్డ్ ట్రంప్ చైనాపై సుంకాలు మరియు ఇతర వాణిజ్య అడ్డంకులను విధించడం ప్రారంభించినప్పటి నుండి, చైనా మరియు అమెరికా మధ్య ఆర్థిక వివాదం కొనసాగుతోంది, అమెరికా దీర్ఘకాలంగా ఉన్న అన్యాయమైన వాణిజ్య పద్ధతులు మరియు మేధో సంపత్తి అని అమెరికా చెప్పిన దానికి మార్పులు చేయమని బలవంతం చేసే లక్ష్యంతో ...
Read hindi news: hindi.vaartha.com
Read Also: IND vs ENG: మూడో టెస్ట్లో కుల్దీప్ యాదవ్కు దక్కని అవకాశం
