అమెరికా ప్రభుత్వంలోని డిపార్ట్మెంట్ ఆఫ్ గవర్నమెంట్ ఎఫిషియెన్సీ (డోజ్) నుంచి వైదొలుగుతున్నట్లు ప్రకటించిన ఎలాన్ మస్క్(Elon Musk)కు అధ్యక్షుడు డొనాల్డ్ ట్రంప్(Donald Trump) వీడ్కోలు పలికారు. అంతేకాకుండా ఆయన సేవలకు గుర్తుగా మస్క్కు బంగారు రంగులో ఉన్న తాళం చెవిని బహుమతిగా ఇచ్చారు ట్రంప్. మే 30వ తేదీన ఎలాన్ మస్క్ పదవి చివరి రోజు కావడం వల్ల అధ్యక్షుడు ట్రంప్ కార్యాలయంలో వీడ్కోలు పలికారు.
ట్రంప్కు స్నేహితుడిగా వుంటాను
ఇక నుంచి అధ్యక్ష కార్యాలయానికి తరచుగా సందర్శిస్తానని ఎలాన్ మస్క్ తెలిపారు. ట్రంప్కు స్నేహితుడిగా, సలహాదారుగా ఉంటానని అన్నారు. డోజ్కు పదవీ కాలం పరిమితితో కూడకున్నదని పేర్కొన్నారు. డోజ్కు ముగింపు కాదని అసలు ప్రాజెక్టు ఇప్పుడే ప్రారంభమైందన్నారు. ఇప్పటి నుంచి తన వ్యాపారాలపై ఎక్కువగా దృష్టి పెడతానని ఈ సందర్భంగా ఎలాన్ మాస్క్ వెల్లడించారు.
ఎలాన్ మస్క్ సేవలను అభినందించిన ట్రంప్
ఎలాన్ మస్క్కు వీడ్కోలు పలికిన సందర్భంగా ఆయన సేవలను ట్రంప్ సేవలను అభినందించారు. డోజ్ అధిపతిగా ఎలాన్ మస్క్ అద్భుతమైన పనులు చేశారని ప్రశంసించారు. డోజ్ ద్వారా వృధా ఖర్చులను తగ్గించే అవకాశం కల్పించినందుకు మస్క్కు కృతజ్ఞతలు తెలిపారు. తరతరాలుగా అత్యంత విస్తృతమైన, పర్యవసానమైన ప్రభుత్వ సంస్కరణలను నడిపించడంలో ఎలాన్ మస్క్ అవిశ్రాంతంగా కృషి చేశారని ట్రంప్ మాట్లాడారు.
మే 30వ తేదీతో గడువు పూర్తి
గురువారం మస్క్ ప్రత్యేక ‘ప్రభుత్వ ఉద్యోగి పదవి’ నుంచి వైదొలుగుతున్న నిర్ణయాన్ని ఎక్స్ వేదికగా ప్రకటించారు. ఇటీవల తీసుకొచ్చిన ‘వన్ బిగ్ బ్యూటిఫుల్ బిల్ యాక్ట్’ కు నిరసనగానే మస్క్పై మీడియాలో కథనాలున్నాయి. కృతిమ మేధ సంస్థ ఓపెన్ఏఐకి, యూఏఈకి మధ్య ఒప్పందం అంగీకరించలేదని మస్క్ అమెరికా అధ్యక్షుడిపై ఒత్తిడి తెచ్చినట్లు ఓ జర్నల్లో కథనం పేర్కొంది. దీనిపై మస్క్ అభ్యర్థనను ట్రంప్ పట్టించుకోలేదని, ఆ విషయం కూడా మస్క్ రాజీనామాకు కారణమై ఉండొచ్చని పలువురు భావిస్తున్నారు. అయితే అమెరికా చట్టాల ప్రకారం ఏ వ్యక్తికి కూడా వరుసగా 130 రోజులకు మించి హోదాను ఇవ్వకూడదు. దాని ప్రకారం మే 30వ తేదీతో గడువు పూర్తయింది.
Read Also: Parent Fight : అమెరికా స్కూల్లో తన్నుకున్న తల్లిదండ్రులు..