తీవ్ర ఆర్థిక సంక్షోభంలో కొట్టుమిట్టాడుతున్న పాకిస్థాన్ (Pakistan) అంతర్జాతీయ ద్రవ్య నిధి (ఐఎంఎఫ్) (IMF) నుంచి మరో విడత ఆర్థిక సహాయం కోసం ఆశగా ఎదురుచూస్తోంది. అయితే, ఈ రుణ ప్రతిపాదనపై భారత్ తీవ్ర అభ్యంతరాలను వ్యక్తం చేస్తోంది. పాకిస్థాన్కు అందించే నిధులను ఆ దేశం ఉగ్రవాద కార్యకలాపాలకు, తన సైనిక-గూఢచార వ్యవస్థల బలోపేతానికి పక్కదారి పట్టిస్తోందని భారత్ ఆరోపిస్తోంది. పాక్ పై భారత్ దాడుల నేపథ్యంలో IMF సమీక్షా సమావేశం మరింత ఉత్కంఠను రేపుతోంది.
రేపు ఐఎంఎఫ్ కార్యనిర్వాహక మండలితో సమావేశం
పాకిస్థాన్ ఎక్స్టెండెడ్ ఫండింగ్ ఫెసిలిటీ (ఈఎఫ్ఎఫ్) కింద పొందుతున్న రుణంలో భాగంగా, మొదటి సమీక్ష కోసం రేపు ఐఎంఎఫ్ కార్యనిర్వాహక మండలితో సమావేశం కానుంది. ఈ సమావేశంలో మరో 1.3 బిలియన్ డాలర్ల ఆర్థిక సహాయాన్ని పాకిస్థాన్ అభ్యర్థించనుంది. ఇప్పటికే నగదు కొరతతో సతమతమవుతున్న పాకిస్థాన్కు ఈ నిధులు అత్యంత కీలకంగా మారాయి.
పాకిస్థాన్ కు ప్రస్తుతం తీవ్ర ద్రవ్యలోటు
పాకిస్థాన్ ప్రస్తుతం తీవ్ర ద్రవ్యలోటును ఎదుర్కొంటోంది, తన ఆర్థిక స్థిరీకరణ కార్యక్రమం కోసం ఐఎంఎఫ్ మద్దతుపైనే ఎక్కువగా ఆధారపడి ఉంది. మే 9న జరగనున్న సమీక్షలో, తదుపరి విడత నిధుల విడుదలకు అవసరమైన సంస్కరణల ప్రమాణాలను పాకిస్థాన్ ఎంతవరకు పాటించిందో ఐఎంఎఫ్ మూల్యాంకనం చేయనుంది. కాగా, 2023లో ఐఎంఎఫ్ నుంచి పాకిస్థాన్ 7 బిలియన్ డాలర్ల బెయిలవుట్ ప్యాకేజీని పొందింది. దీనికి అదనంగా, వాతావరణ మార్పుల వల్ల ఎదురయ్యే సవాళ్లను తట్టుకునేందుకు మార్చి 2024లో మరో 1.3 బిలియన్ డాలర్ల సహాయాన్ని కూడా అందుకుంది.
Read Also: Operation Sindoor: పాక్ సరిహద్దు గ్రామాల ప్రజల ఆవేదన అంతా ఇంతా కాదు