ఇరాన్, ఇజ్రాయెల్(Iran-Israel) మధ్య తీవ్ర ఉద్రిక్తతలు కొనసాగుతున్న వేళ, బీహార్(Bihar)కు చెందిన యువ ఇంజనీర్ ఒకరు ఇరాన్లో అదృశ్యం కావడం కలకలం రేపుతోంది. సివాన్ జిల్లా, ముఫఫసిల్ పోలీస్ స్టేషన్ పరిధిలోని రమాపాలి గ్రామానికి చెందిన సిరాజ్ అలీ అన్సారీ (25)(Siraj Ali Ansari) ఆచూకీ లభించకపోవడంతో ఆయన కుటుంబ సభ్యులు తీవ్ర ఆందోళన చెందుతున్నారు. సిరాజ్ ఒక పెట్రోలియం కంపెనీలో క్వాలిటీ కంట్రోల్ ఇంజనీర్గా పనిచేస్తుండగా, ప్రస్తుతం ఇరాన్లో విధులు నిర్వహిస్తున్నారు.
జూన్ 17న మధ్యాహ్నం చివరిసారిగా మాట్లాడాడు
సిరాజ్ తండ్రి హజరత్ అలీ తెలిపిన వివరాల ప్రకారం, సిరాజ్ సౌదీ అరేబియా మీదుగా జూన్ 9న ఇరాన్ చేరుకున్నారు. అయితే, అతడు అక్కడికి వెళ్లిన కొన్ని రోజులకే ఇరాన్, ఇజ్రాయెల్ మధ్య ఉద్రిక్తతలు మరింత తీవ్రమై ఘర్షణ వాతావరణం నెలకొంది. సిరాజ్తో చివరిసారిగా జూన్ 17న మధ్యాహ్నం 2 గంటల సమయంలో మాట్లాడినట్లు హజరత్ అలీ చెప్పారు. అప్పటి నుంచి సిరాజ్ ఫోన్ స్విచ్ ఆఫ్ వస్తోందని, ఆయన నుంచి ఎలాంటి సమాచారం లేదని ఆవేదన వ్యక్తం చేశారు.
ఆందోళనలో కుటుంబం
“చివరిసారి మాట్లాడినప్పుడు, తాను సురక్షితంగానే ఉన్నానని, కానీ తాను ఉంటున్న ప్రదేశానికి కేవలం కిలోమీటరు దూరంలో బాంబు దాడులు జరుగుతున్నాయని సిరాజ్ చెప్పాడు” అని హజరత్ అలీ గుర్తుచేసుకున్నారు. “ఆ రోజు నుంచి వాడి దగ్గర నుంచి ఎలాంటి కబురు లేదు. మాకు చాలా ఆందోళనగా ఉంది” అని ఆయన కన్నీటిపర్యంతమయ్యారు.
సిరాజ్ అదృశ్యంతో తీవ్ర ఆందోళనకు గురైన కుటుంబ సభ్యులు, సివాన్ జిల్లా మేజిస్ట్రేట్ ఆదిత్య ప్రకాశ్ కు లిఖితపూర్వకంగా విజ్ఞప్తి చేశారు. సిరాజ్ను సురక్షితంగా స్వదేశానికి తీసుకువచ్చేందుకు భారత విదేశాంగ మంత్రిత్వ శాఖ, కేంద్ర ప్రభుత్వం తక్షణమే జోక్యం చేసుకోవాలని వారు కోరారు. సిరాజ్ బాబాయిలు షకీల్ అహ్మద్ అన్సారీ, అక్తర్ అలీ అన్సారీ కూడా ప్రభుత్వ సహాయం కోసం విజ్ఞప్తి చేస్తున్నారు.
“నేను ఈ రోజు జిల్లా మేజిస్ట్రేట్ను కలవబోతున్నాను” అని హజరత్ అలీ తెలిపారు. “నా కొడుకుతో పాటు, యుద్ధ వాతావరణంలో చిక్కుకున్న ఇతర భారతీయులందరినీ సురక్షితంగా స్వదేశానికి తరలించాలని భారత ప్రభుత్వానికి, విదేశాంగ మంత్రిత్వ శాఖకు నా వినయపూర్వక విజ్ఞప్తి” అని ఆయన కోరారు. సిరాజ్కు ఇంకా వివాహం కాలేదని, ఇద్దరు తమ్ముళ్లు, ఒక చెల్లి ఉన్నారని, అందరిలోనూ పెద్దవాడని కుటుంబ సభ్యులు తెలిపారు. ఒకవైపు చర్చలకు అవకాశం ఉందంటూ… మరోవైపు దాడులు చేస్తుండటం అమెరికా వాస్తవ అభిప్రాయాన్ని సందేహాస్పదంగా చేస్తోంది. దీని వెనుక “సైనిక బలంలో తక్కువదనాన్ని ఉపయోగించుకోవాలన్న” వ్యూహం ఉందని విమర్శకుల అభిప్రాయం. ఇప్పటివరకు “పాలన మార్పు కాదు, అణు స్థావరాలే లక్ష్యం” అని చెప్పిన ట్రంప్కి ఇది వ్యతిరేకంగా ఉంది. మంత్రులు, రక్షణ శాఖ కూడా వ్యతిరేక సంకేతాలే ఇచ్చారు.