వేసవి సెలవుల్లో చాలా మంది రకరకాల టూర్లు ప్లాన్ చేస్తుంటారు. కానీ వచ్చినా చిక్కుల్లా ఏ సమాన్లు తీసుకెళాల్లో అర్థం కాకపోవడమే. ఎన్ని వస్తువులు తీసుకున్నా ఏదో ఒక్కటి తక్కువ ఉన్నట్లుగానే అనిపిస్తుంది. దీంతో చాలా మంది దొరికిందల్లా బ్యాగుల్లో సర్దేస్తుంటారు. ఆ సమయంలో బాగానే అనిపించిన తీసుకెళ్లేటప్పుడు, తిరిగి తీసుకొచ్చేటప్పుడు సమస్యగా ఉంటుంది. అయితే, ఇలాంటి ఇబ్బందులు లేకుండా ‘ఫ్లయింగ్ నేకెడ్’ పద్ధతిని ప్రయత్నించమని నిపుణులు సలహా ఇస్తున్నారు.
‘ఫ్లయింగ్ నేకెడ్’
అసలు ఈ ‘ఫ్లయింగ్ నేకెడ్’ ట్రెండ్ అంటే ఏంటని ఆలోచిస్తున్నారా? లగేజీ మోసుకెళ్లడం, తీసుకురావడమనే ప్రహసనాన్ని సులభం చేయడమే ఈ ట్రెండ్. సింపుల్గా చెప్పాలంటే ‘మినిమలిస్ట్ ట్రావెల్ కాన్సెప్ట్’ అన్నమాట. బస్సుల్లో, కార్లల్లో ఇబ్బందిగా లగేజీని తీసుకెళ్లడం, విమాన ప్రయాణాల్లో సూట్కేసుల కోసం ఎదురుచూడడం, వాటికి కట్టే ఛార్జీలు వంటి బెడద అనేది ఈ కాన్సెప్ట్లో ఉండదు. ఈ ట్రెండ్లో మూడు కేటగిరీలు ఉన్నాయి.
టోటల్లీ బేర్
ఇందులో వీలైనంత తక్కువ మొత్తంలో వెంట తీసుకెళ్లే వస్తువులు ఉంటాయి. అంటే వేసుకునే దుస్తులు, పర్సు, ఫోన్, ఛార్జర్. ఈ వస్తువులతో టూర్ ఎలా అంటారా? వెళ్లిన ప్రదేశంలో కావాల్సినవి యూజ్ అండ్ త్రో వస్తువులను కొనుగోలు చేయడమే! మరీ వీటి వల్ల పర్యావరణానికి హాని అన్న వాదనలూ కూడా వినిపిస్తున్నాయి. కానీ ఒకటి, రెండు రోజుల టూర్కి ఈ పద్ధతి ఫాలో అయితే సరిపోతుందని అంటున్నారు.
పాకెట్ పీపుల్
లగేజీ తక్కువగా ఉంటే మేలే కానీ ఎప్పుడేం అవసరమైస్తుందో తెలియదు కదా! అయితే ఇలాంటి వారికోసమే కార్గో ప్యాంట్లు. అమ్మాయి ఎక్కువగా ఇష్టపడేది ఇది. అయితే ప్యాంట్కు ఎక్కువ జేబులు ఉన్నది తీసుకోండి. వాటిల్లో స్నాక్స్, హెడ్సెట్, సాక్సులు, మేకప్కిట్ ఇలా వీలైనన్ని పెట్టుకోండి. మరీ కావాలంటే జాకెట్స్, హుడీలనీ వినియోగించుకోవచ్చు. దీంతో మీకు అవసరమైన వస్తువులు మీ చేతికి అందుబాటులో ఉంటాయి. ఈ పద్ధతి మీకు కొన్నిరోజులే సాయపడుతుందని సలహా ఇస్తున్నారు.
డెలివరీ క్రూ
మీ వస్తువులన్నీ మీతో ఉండాలి. కానీ అవి మీకు భారమవొద్దు అనుకున్న వాళ్లు లగేజీని ముందుగా డెలివరీ పంపండి. దీంతో మీరు ఎలాంటి భారం లేకుండా హాయిగా వెళ్లి రావొచ్చు. మీరు అనుకున్నట్లే మీ వస్తువులు మీతోనే ఉంటాయి. కానీ దీనికోసం కొంత డబ్బునీ వెచ్చించాలి. కొంత ప్లానింగ్ కావాలి. ఈ ‘ఫ్లయింగ్ నేకెడ్’ చూసి కొందరు వావ్ అంటుంటే మరికొందరు మాత్రం ఆ తర్వాత పడే ఇబ్బందులను ఆలోచింది కంగారు పడుతున్నారు. సాధ్యాసాధ్యాలు పక్కనపెడితే లగేజీ లేని ప్రయాణం మాత్రం ఎంత హాయిగా ఉంటుందో? ఈ సారి మీరు టూర్కి వెళ్లితే ఇలా ప్రయత్నించి చూస్తారా?
Read Also: A huge blow for Azhar : మసూద్ అజార్కు భారీ నజరానా ప్రకటించిన పాక్ ప్రభుత్వం!