ఇంగ్లండ్తో జరిగిన రెండో టెస్ట్ మ్యాచ్లో టీమిండియా ఘన విజయం సాధించింది. ఎడ్జ్బాస్టన్ వేదికగా జరిగిన ఈ మ్యాచ్లో భారత జట్టు 336 పరుగుల భారీ తేడాతో గెలిచి, ఐదు టెస్టుల అండర్సన్-సచిన్ ట్రోఫీలో 2-0 లీడ్ను సాధించింది. ఈ విజయానికి ప్రధాన కారకుడిగా యువ కెప్టెన్ శుభ్మన్ గిల్ నిలిచాడు. రెండు ఇన్నింగ్స్ల్లోనూ అద్భుత బ్యాటింగ్తో ఇంగ్లండ్పై తనదైన ముద్ర వేసిన గిల్, ప్లేయర్ ఆఫ్ ద మ్యాచ్గా ఎంపికయ్యాడు. 608 పరుగుల భారీ లక్ష్యంతో బరిలోకి దిగిన ఇంగ్లండ్ రెండో ఇన్నింగ్స్లో 271 పరుగులకే ఆలౌటైంది. ఆకాశ్ దీప్(6/99) సంచల బౌలింగ్తో ఇంగ్లండ్ పతనాన్ని శాసించాడు. ఈ మ్యాచ్ అనంతరం తమ ఓటమిపై స్పందించిన బెన్ స్టోక్స్ (Ben Stokes), టాస్ గెలిచి బౌలింగ్ ఎంచుకోవడాన్ని సమర్థించుకున్నాడు. ఈ మ్యాచ్లో టీమిండియా అన్ని విభాగాల్లో తమ కంటే మెరుగైన ప్రదర్శన చేసిందని తెలిపాడు. ముఖ్యంగా రెండు తప్పిదాలు తమ విజయవకాశాలను దెబ్బతీసాయని చెప్పాడు. ‘ఈ మ్యాచ్లో రెండు క్షణాలు కీలకంగా మారాయి.
కొద్దీ పరిస్థితులు
తొలి ఇన్నింగ్స్లో భారత్ను 200/5 కట్టడి చేసినప్పుడు మేం చాలా సంతోషించాం. కానీ వారిని త్వరగా ఆలౌట్ చేయలేకపోయాం. మా బ్యాటింగ్ (Batting) సమయంలో 80 పరుగులే 5 వికెట్లు కోల్పోయాం. అక్కడి నుంచి తిరిగి పుంజుకోవడం చాలా కష్టం. ఈ రెండు తప్పిదాలే మా విజయవకాశాలను దెబ్బతీసాయి.టాస్ గెలిచి బౌలింగ్ ఎంచుకోవడం కష్టమైన నిర్ణయమే. కానీ నేను ముందుగా చెప్పినట్లు ప్రత్యర్థిని 200/5 కట్టడి చేశాం. అప్పుడు అందరూ సంతోషించారు. కానీ ఆట జరుగుతున్నా కొద్దీ పరిస్థితులు మా కంటే భారత్కే ఎక్కువ అనుకూలించాయి. ఈ మ్యాచ్లో మా కంటే భారత పేసర్లు మెరుగైన ప్రదర్శన చేయడంపై ఎలాంటి ఆందోళన లేదు. మేం కూడా ప్రతిదీ ప్రయత్నించాం. ప్రణాళికలను మార్చాం. జట్టు విజయం కోసం చేయగలిగినదంతా చేశాం. కానీ ప్రత్యర్థి ఆధిపత్యం చెలాయిస్తున్నప్పుడు తిరిగి మూమెంటమ్ అందుకోవడం చాలా కష్టం. అది వరల్డ్ బెస్ట్ టీమ్ (World best team) అయిన భారత్పై మరీ కష్టం.
అసాధారణ బ్యాటింగ్
శుభ్మన్ గిల్ అద్భుతమైన ఆటగాడు. అసాధారణ బ్యాటింగ్తో మా పతనాన్ని శాసించాడు. సుదీర్ఘమైన మ్యాచ్లో ఆఖరి రోజు బ్యాటింగ్ చేయడం చాలా కష్టం. మా ఆటగాళ్లంతా పూర్తిగా అలసిపోయారు. అయితే ఇది మళ్లీ మళ్లీ ఎదుర్కొనే పరిస్థితి. ఇందుకు అలవాటు పడాలి. జెమీ స్మిత్ జట్టులోకి వచ్చినప్పటి నుంచి మెరుగైన ప్రదర్శన చేస్తున్నాడు. వికెట్ కీపర్గా గుర్తింపు పొందకున్నా, బ్యాట్తో అసాధారణ ప్రదర్శన కనబరుస్తున్నాడు. సహజమైన ఆటతో చెలరేగుతున్నాడు. హ్యారీ బ్రూక్ (Harry Brook) ఆడిన విధానం అద్భుతం. అతని ప్రదర్శన మా విజయానికి సరిపోకపోయినా గొప్పది. ఈ ఓటమి గురించి చర్చిస్తాం. ఈ వారం మాకు కఠినంగా గడిచింది. . లార్డ్స్లో ఎలా పుంజుకుంటామో చూడాలి.’అని బెన్ స్టోక్స్ చెప్పుకొచ్చాడు.
Read hindi news: hindi.vaartha.com
