హమాస్(Hamas)ను అంతం చేయాలనే లక్ష్యంతో గాజా(Gaza)పై ఇజ్రాయెల్(Israel) భీకర దాడులు కొనసాగిస్తూనే ఉంది. కాల్పుల విరమణ ఒప్పందం జరిగే అవకాశం ఉందనే సంకేతం వచ్చినప్పుడు కూడా దాడులు జరుగుతుండటం కలకలం రేపుతోంది. గత 24 గంటల్లో ఇజ్రాయెల్(Israel) దాడుల వల్ల 94 మంది మృతి చెందారు. గాజా(Gaza) ఆరోగ్యశాఖ గురువారం ఈ విషయాన్ని ప్రకటించింది. మానవతా సాయం అందిస్తున్న పంపిణీ కేంద్రాల వద్ద జరిగిన కాల్పుల్లోనే 45 మంది ప్రాణాలు కోల్పోయినట్లు తెలుస్తోంది.
24 గంటల్లో 94 మంది మృతి
గత 24 గంటల్లో జరిగిన దాడుల్లో 94 మంది పాలస్తీనా వాసులు మృతి చెందారు. వీరిలో 45 మంది మానవతా సహాయం అందించే పంపిణీ కేంద్రాల వద్ద కాల్పుల్లో ప్రాణాలు కోల్పోయినట్లు గాజా ఆరోగ్య శాఖ ప్రకటించింది. అంతర్జాతీయ మానవహిత సంస్థ ఆమ్నెస్టీ ఇంటర్నేషనల్, గాజాలో మానవతా సహాయం సరైన రీతిలో అందడం లేదని తీవ్రంగా విమర్శించింది. అలాగే, గాజా హ్యూమానిటేరియన్ ఫౌండేషన్ కూడా సాయం సరైన పద్ధతిలో చేయడంలేదని పేర్కొంది.
ఇక బుధవారం గాజాపై ఇజ్రాయెల్ జరిపిన దాడుల్లో హమాస్కు చెందిన ముగ్గురు మిలిటెంట్లు మృతి చెందారు. ఈ విషయాన్ని హమాస్ అధికారికంగా ప్రకటించింది. అయితే గాజాలో మానవతా సాయం కూడా సరిగా అందడం లేదని ఆమ్నెస్టీ ఇంటర్నేషనల్ ఆరోపణలు చేసింది. మరోవైపు గాజా మానవతా ఫౌండేషన్ ఆధ్వర్యంలో జరుగుతున్న సాయాన్ని గురువారం కూడా ఆ సంస్థ తప్పుబట్టింది. గత నెలలో చూసుకుంటే 500 మంది గాజా వాసులు ఈ సాయం పంపిణీ కేంద్రాల వద్ద మరణించినట్లు పేర్కొంది.
కాల్పుల విరమణ సంకేతాల మధ్య దాడులు
కాల్పుల విరమణపై చర్చలు సాగుతున్నా కూడా ఇజ్రాయెల్ దాడులు కొనసాగుతుండటంతో ఆందోళన వ్యక్తమవుతోంది. మానవహిత మార్గాలను పరిగణనలోకి తీసుకోకుండానే ఈ దాడులు జరుగుతున్నాయన్న అభిప్రాయాలు వ్యక్తమవుతున్నాయి.
read hindi news: hindi.vaartha.com
Read Also: Dalai Lama : వారసుడి ఎంపిక ప్రక్రియ దలైలామా చేతుల్లోనే ఉంది : భారత్