Gaza: గాజాలో మళ్లీ భీకర దాడులు..ఆగని హింస

గాజా స్ట్రిప్‌(Gaza Strips)లో మరోసారి భయానక వాతావరణం నెలకొంది. ఇజ్రాయెల్(Israel) భద్రతా దళాలు తాజాగా జరిపిన వైమానిక దాడుల్లో కనీసం 40 మంది పాలస్తీనియ(palestine)న్లు ప్రాణాలు కోల్పోయారు. ఈ దాడిలో అనేక మంది తీవ్రంగా గాయపడ్డారని, వారికి ఆసుపత్రుల్లో చికిత్స అందిస్తున్నామని స్థానిక ఆసుపత్రి వర్గాలు వెల్లడించాయి. హమాస్‌(Hamas)ను పూర్తిగా అంతం చేయడమే లక్ష్యంగా ఇజ్రాయెల్ ఈ దాడులను తీవ్రతరం చేసింది.

అమెరికా అధ్యక్షుడు డొనాల్డ్ ట్రంప్ తీవ్రంగా కృషి

ఒకవైపు ఈ హింస కొనసాగుతుండగానే, మరోవైపు యుద్ధాన్ని ముగించేందుకు దౌత్యపరమైన ప్రయత్నాలు జరుగుతున్నాయి. గత 21 నెలలుగా సాగుతున్న ఈ యుద్ధానికి ముగింపు పలకాలని అమెరికా అధ్యక్షుడు డొనాల్డ్ ట్రంప్ తీవ్రంగా కృషి చేస్తున్నారు. ఇందులో భాగంగా ఆయన ఇజ్రాయెల్ ప్రధాని బెంజమిన్ నెతన్యాహుతో రెండు రోజుల వ్యవధిలో రెండుసార్లు వైట్‌హౌస్‌లో సమావేశమయ్యారు. బందీల విడుదల, కాల్పుల విరమణ ఒప్పందంపై సుదీర్ఘంగా చర్చించారు.

చర్చల్లో ఎలాంటి పురోగతి కనిపించడం లేదు

గాజాలో 60 రోజుల పాటు కాల్పుల విరమణకు ఇజ్రాయెల్ అంగీకరించిందని, ఈ సమయంలో శాశ్వత శాంతి కోసం ప్రయత్నిస్తామని ట్రంప్ తెలిపారు. ఖతార్, ఈజిప్ట్ మధ్యవర్తిత్వంతో తుది ప్రతిపాదన సిద్ధమవుతోందని, మిడిల్ఈస్ట్ శ్రేయస్సు కోసం హమాస్ దీనికి అంగీకరిస్తుందని ఆశిస్తున్నట్లు ఆయన పేర్కొన్నారు. అయితే, గాజాపై యుద్ధాన్ని శాశ్వతంగా ఆపితేనే ఎలాంటి ఒప్పందానికైనా అంగీకరిస్తామని హమాస్ స్పష్టం చేసింది. దీంతో చర్చల్లో ఎలాంటి పురోగతి కనిపించడం లేదు.

హమాస్ జరిపిన దాడిలో 1200 మంది ఇజ్రాయెల్ పౌరులు మరణించడంతో ఈ యుద్ధం

2023 అక్టోబర్‌లో హమాస్ జరిపిన దాడిలో 1200 మంది ఇజ్రాయెల్ పౌరులు మరణించడంతో ఈ యుద్ధం మొదలైంది. అప్పటి నుంచి ఇజ్రాయెల్ జరుపుతున్న ప్రతీకార దాడుల్లో ఇప్పటివరకు 58 వేలకు పైగా పాలస్తీనియన్లు మరణించారు. లక్షలాది మంది నిరాశ్రయులై, తీవ్రమైన ఆహార కొరతను ఎదుర్కొంటున్నారు. అయితే ట్రంప్ వ్యాఖ్యలను రష్యా ఖండించింది. రష్యా- ఉక్రెయిన్ మధ్యలో అమెరికా వస్తే.. పరిస్థితులు మరింత తీవ్రంగా మారుతాయని హెచ్చరించింది. శాంతి చర్చలను కోరుకుంటున్న ట్రంప్.. ఆయుధాలు ఎలా పంపిస్తారని ఎద్దేవా చేసింది. ఈ క్రమంలో రష్యా- ఉక్రెయిన్ యుద్ధం ఎటువైపునకు దారి తీస్తుందోనని అంతర్జాతీయ విశ్లేషకులు ఆందోళన వ్యక్తం చేస్తున్నారు .

ఇజ్రాయెల్ మరియు గాజా మధ్య కథ ఏమిటి?
1948లో ప్రారంభమైన ఇజ్రాయెల్-పాలస్తీనా వివాదంలో గాజా-ఇజ్రాయెల్ వివాదం స్థానికీకరించిన భాగం, పారిపోయిన లేదా వారి ఇళ్ల నుండి బహిష్కరించబడిన 700,000 కంటే ఎక్కువ మంది పాలస్తీనియన్లలో దాదాపు 200,000 మంది గాజా స్ట్రిప్‌లో శరణార్థులుగా స్థిరపడ్డారు.
ఇజ్రాయెల్ మరియు గాజా మధ్య పోరాటానికి కారణం ఏమిటి?
ఈ వివాదంలో ముఖ్యమైన అంశాలు వెస్ట్ బ్యాంక్ మరియు గాజా స్ట్రిప్‌పై ఇజ్రాయెల్ ఆక్రమణ, జెరూసలేం స్థితి, ఇజ్రాయెల్ స్థావరాలు..

Read hindi news: hindi.vaartha.com

read also: Microsoft: భారీగా లేఆఫ్ ను ప్రకటించిన మైక్రోసాఫ్ట్!