అమెరికా అధ్యక్షుడు డోనాల్డ్ ట్రంప్ 175 బిలియన్ల డాలర్లతో “గోల్డెన్ డోమ్” (Golden Dome)ప్రాజెక్టును ప్రారంభించేందుకు ప్రకటించారు. ఈ ప్రాజెక్టు రష్యా (Russia)మరియు చైనా(China) వంటి దేశాలు అభివృద్ధి చేస్తున్న మిస్సైల్ టెక్నాలజీలను ఎదుర్కోవడంలో అమెరికాకు క్షిపణి రక్షణ వ్యవస్థగా పనిచేయబోతుంది.
గోల్డెన్ డోమ్ లక్ష్యం ఏమిటి?
ఈ ప్రాజెక్టు ద్వారా, ట్రంప్ అమెరికా యొక్క క్షిపణి రక్షణ సామర్థ్యాన్ని పెంచుకోవాలని చూస్తున్నారు. ముఖ్యంగా, రష్యా మరియు చైనా తదితర దేశాలు తమ మిస్సైల్ టెక్నాలజీని అభివృద్ధి చేయడంతో, వీటిని సమర్థవంతంగా నివారించడానికి ఒక ఆధునిక రక్షణ వ్యవస్థ అవసరం అనేది ప్రాజెక్టు యొక్క ప్రధాన ఉద్దేశ్యం. దీని ద్వారా అమెరికాకు వచ్చిన ఏదైనా మిస్సైల్ లేదా ఎయిరియల్ దాడిని తక్షణమే నిరోధించగలుగుతుంది.
గోల్డెన్ డోమ్ అనేది ఒక కొత్త తరహా క్షిపణి రక్షణ వ్యవస్థ, ఇది ముందుగానే వచ్చే మిస్సైల్ను గుర్తించి, వాటిని క్షిపణి రక్షణ వ్యవస్థలతో ధ్వంసం చేసే సామర్థ్యం కలిగి ఉంటుంది. 175 బిలియన్ల డాలర్లతో ఈ వ్యవస్థ అభివృద్ధి చేయడం అనేది చాలా భారీగా ఉండే ఖర్చు, కానీ దీనివల్ల అమెరికా తన భద్రతను మరింత బలపరుస్తోంది.
భవిష్యత్తు రాబోయే యుద్ధాలను దృష్టిలో పెట్టుకుని అమెరికా సమాయత్తమవుతున్నది. ఆ దేశాధ్యక్షుడు డోనాల్డ్ ట్రంప్ ఇవాళ భారీ ప్రకటన చేశారు. ఇజ్రాయిల్లోని ఐరన్ డోమ్ తరహాలో.. అమెరికాకు గోల్డన్ డ్రోమ్(Golden Dome)ను రూపొందించనున్నట్లు చెప్పారు. సుమారు 175 బిలియన్ల డాలర్ల ఖర్చుతో ఆ డోమ్ను నిర్మించనున్నారు. బాలిస్టిక్, క్రూయిజ్ క్షిపణులు, ఇతర వైమానిక దాడుల నుంచి అమెరికాను కాపాడుకునేందుకు గోల్డన్ డోమ్ క్షిపణి రక్షణ వ్యవస్థను రూపొందించనున్నట్లు ట్రంప్ చెప్పారు. గోల్డన్ డోమ్ క్షిపణి రక్షణ వ్యవస్థ తన పదవీ కాలం ముగిసేలోగా వినియోగంలోకి వస్తుందన్నారు.
రాబోయే రోజుల్లో అమెరికాకు వైమానిక దాడుల నుంచి ప్రమాదం పొంచి ఉందని, ముఖ్యంగా బాలిస్టిక్, క్రూయిజ్ మిస్సైళ్లను ఎదుర్కోవాల్సి ఉంటుందని, ఈ నేపథ్యంలో ఓ కొత్త ప్లాన్ను ప్రకటిస్తున్నట్లు ట్రంప్ వెల్లడించారు. గోల్డన్ డోమ్ కోసం ఈ సారి బడ్జెట్లో 25 బిలియన్ల డాలర్లు కేటాయించినట్లు చెప్పారు. మునుముందు ఆ డోమ్ కోసం భారీగా ఖర్చు చేసే అవకాశం ఉందన్నారు. ప్రస్తుతం ఉన్న పరిస్థితుల్లో అత్యాధునిక ఆయుధాలు శత్రువుల వద్ద ఉన్నాయని, దానికి తగినట్లు రక్షణ వ్యవస్థను తయారు చేసుకోవాలన్నారు.
వైట్హౌజ్లోని ఓవల్ ఆఫీసులో ట్రంప్ మాట్లాడుతూ.. భూమి, ఆకాశం, నీటి యుద్ధాల్లో వాడే టెక్నాలజీ ఆయుధాలను ఎదుర్కొనే రీతిలో మిస్సైల్ రక్షణ వ్యవస్థ పనిచేయనున్నట్లు తెలిపారు. అంతరిక్ష ఆధారిత సెన్సార్లు, ఇంటర్సెప్టార్లను కూడా తయారు చేయనున్నారు. గోల్డెన్ డోమ్ రూపకల్పన కోసం కెనడాను కూడా భాగస్వామ్యం కావాలని కోరినట్లు ట్రంప్ వెల్లడించారు. డోమ్ ప్రాజెక్టులో తాము కూడా ఆసక్తిగా ఉన్నట్లు ఇటీవల ఆ దేశ రక్షణ శాఖ మంత్రి బిల్ బ్లెయిర్ తెలిపారు. జాతీయ ప్రయోజనాల దృష్ట్యా అది కీలకమైందన్నారు.మిస్సైళ్లను లాంచ్ చేసే సమయంలోనైనా, లేదా అవి మార్గమధ్యంలో ఉన్న సమయంలోనైనా.. వాటిని అడ్డుకునే రీతిలో గోల్డెన్ డోమ్ పనిచేస్తుందని అమెరికా అధికారులు చెబుతున్నారు. చాలా రకాల వ్యవస్థలన్నీ.. ఒక సెంట్రలైడ్జ్ కమాండ్ కింద పనిచేస్తాయని రక్షణ శాఖ అధికారులు పేర్కొన్నారు. రాబోయే 20 ఏళ్లలో ఆ డోమ్ కోసం సుమారు 542 బిలియన్ల డాలర్లు ఖర్చు చేసే అవకాశాలు ఉన్నాయి.రష్యా, చైనా దేశాలు మిస్సైల్ టెక్నాలజీలో దూసుకెళ్తున్నాయని, అయితే ప్రస్తుతం ఉన్న వ్యవస్థలు ఆ టెక్నాలజీని ఢీకొట్టే రీతిలో లేవని, దాని కోసమే గోల్డెన్ డోమ్ను రూపొందిస్తున్నట్లు పెంటగాన్ అధికారులు తెలిపారు. ఇది అనుకున్నట్లు, ఈ వ్యూహం అమెరికా రక్షణ విధానంలో ఒక కీలక మార్పు కావచ్చు, ఎందుకంటే గ్లోబల్ థ్రెట్లు మరింత పెరిగిపోతున్నాయి.
Read Also : Shehbaz Sharif : బ్రిటిష్ రచయిత పుస్తకంలో ఆసక్తికర విషయాలు : షెహబాజ్ షరీఫ్
