రోగులపై అత్యాచారం(Rape) చేసిన కేసులో ఓ వైద్యుడికి 20 ఏళ్ల జైలు శిక్ష విధించింది కోర్టు. ఫ్రాన్స్(France)కు చెందిన 74ఏళ్ల మాజీ సర్జన్(Surgeon)కు శిక్ష విధిస్తూ ఫ్రెంచ్ కోర్టు(France Court) తీర్పును ఇచ్చింది. దాదాపు రెండు దశాబ్దాలుగా సుమారు జోయల్ లీ(JoalLee) స్కౌరెన్క్ అనే సర్జన్ 299 మంది చిన్నారులపై అత్యాచారానికి పాల్పడినట్లు తేలింది.
మత్తులో ఉన్నప్పుడే లైంగింక దాడి
కాగా ఇప్పటికే 2020లో నలుగురు చిన్నారులపై అత్యాచారం కేసులో 15 ఏళ్ల జైలు శిక్ష అనుభవిస్తున్నాడు. ఈ క్రమంలోనే అనేక మంది చిన్నారులపై ఇలానే లైంగింకంగా వేధించినట్లు బయటపడింది. 1989 నుంచి 2014 వరకు తన వద్దకు వచ్చే చిన్నారులను లైంగింకగా వేధించినట్లు వెల్లడైంది. చాలా మంది బాధితులు అపస్మారక స్థితిలో, మత్తులో ఉన్నప్పుడే లైంగింక దాడి జరిగినట్లు తెలిసింది. ఇందులో దాదాపు 158 మంది అబ్బాయిలు ఉండగా, 141 మంది అమ్మాయిలు ఉన్నారు.
అనేక సాక్ష్యాలు దొరికాయి
2017 ఏప్రిల్లో తొలి కేసు వెలుగులోకి వచ్చింది. ఇంటి పక్కన ఉండే ఆరేళ్ల చిన్నారిపై లైంగికంగా వేధించినట్లు తెలిసింది. తనను అసభ్యంగా తాకాడంటూ చిన్నారి తల్లికి చెప్పగా అసలు విషయం బయటకు వచ్చింది. కేసు దర్యాప్తులో భాగంగా ఇంట్లో విచారణ చేపట్టగా అనేక సాక్ష్యాలు దొరికాయి. సుమారు 3లక్షల ఫొటోలు, 650 వీడియోలు లభించాయి.
భద్రతా లోపాలపై ఆందోళన
వైద్య వృత్తిలో మానవతా విలువల పతనం:
చికిత్స కోసం వచ్చే చిన్నారులపై మత్తులో ఉన్న సమయంలో లైంగిక దాడులు చేయడం అత్యంత హేయమైన నేరంగా పరిగణించబడుతోంది. వైద్య వృత్తికి ఇది నల్లదినం. అనేక కుటుంబాలు ఇంకా ఈ దుర్ఘటనల నుంచి బయటపడలేకపోతున్నాయి. బాధితులపై శారీరకమే కాక మానసిక దెబ్బలు ఎన్నటికీ మరిచిపోలేనివి.