చైనా, తైవాన్ విషయంలో మరోసారి ఉద్రిక్తత పెరుగుతోంది. అవసరమైతే సైనిక చర్య ద్వారా స్వాధీనం చేసుకోడానికి సిద్ధమైంది చైనా. ఈ క్రమంలో తమదారికి ఎవరు అడ్డొచ్చినా పరిణామాలు తీవ్రంగా ఉంటాయని హెచ్చరిస్తోంది. తైవాన్(Taiwan)తమ అంతర్గత వ్యవహారమని, ఈ విషయంలో ఇతర దేశాలు జోక్యం చేసుకోవద్దని హితవు పలికింది. ఇండో-పసిఫిక్ ప్రాంతంలో చైనా దూకుడును అడ్డుకుంటామని అమెరికా రక్షణ మంత్రి చేసిన వ్యాఖ్యలపై చైనా విదేశాంగ మంత్రిత్వ శాఖ ప్రతినిధి లిన్ జియాన్(Lin Jian) మండిపడ్డారు. తైవాన్ అంశాన్ని అమెరికా తెరపైకి తీసుకురావడం సముచితం కాదని స్పష్టం చేశారు. తైవాన్ విషయంలో అమెరికా జోక్యం చేసుకుంటే ‘నిప్పుతో చెలగాటం ఆడినట్టే’ అంటూ హెచ్చరికలు చేశారు. ఇప్పటికే అమెరికా, చైనాల మధ్య వాణిజ్య యుద్ధం కొనసాగుతోన్న సంగతి తెలిసిందే. సింగపూర్లో జరిగిన శాంగ్రిలా భద్రతా సదస్సులో అమెరికా రక్షణ మంత్రి పీట్ హెగ్సెత్(Pete Hegseth) చేసిన వ్యాఖ్యలపై మండిపడ్డారు. వాషింగ్టన్కు అధికారికంగా ప్రతినిధుల ద్వారా నిరసన తెలిపినట్టు లిన్ జియాన్ తెలిపారు. ‘చైనాపై నియంత్రణకు తైవాన్ సమస్యను బేరసారాలకు పావుగా అమెరికా వినియోగించుకోరాదు. అలా అయితే నిప్పుతో చెలగాటమే’ అని పేర్కొన్నారు. అదేవిధంగా, తైవాన్పై సైనిక చర్య అవకాశాన్ని చైనా తేల్చి చెప్పింది, అదే సమయంలో అమరికా జోక్యాన్ని కూడా అంగీకరించబోదని స్పష్టం చేసింది.
యుద్ధానికి
సింగ్పూర్ భద్రతా సదస్సులో అమెరికా రక్షణ మంత్రి పీట్ హెగ్సెత్ మాట్లాడుతూ‘చైనా సైన్యం తైవాన్పై యుద్ధానికి తహతహలాడుతోంది. 2027 నాటికి తైవాన్ను ఆక్రమించేందుకు సిద్ధంగా ఉండాలని జీ జిన్పింగ్(Xi Jinping) సైన్యానికి ఆదేశించారు. పీపుల్స్ లిబరేషన్ ఆర్మీ (PLA) రోజువారీ విన్యాసాలు చేస్తూ నిజమైన యుద్ధానికి సన్నద్ధమవుతోంది’ అని అన్నారు.ఫ్రాన్స్ అధ్యక్షుడి ఇమ్యానుయేల్ మెక్రాన్ తైవాన్ పరిస్థితిని ఉక్రెయిన్(Ukraine) యుద్ధంతో పోల్చిన వ్యాఖ్యలపై కూడా చైనా తీవ్రంగా స్పందించింది. ‘తైవాన్ సమస్య చైనా అంతర్భాగానికి సంబంధించింది.ఉక్రెయిన్ యుద్ధంతో దీనికి పోలికే లేదు,ప్రపంచంలో ఒక్క చైనా మాత్రమే ఉంది. తైవాన్ అనేది చైనా అంతర్భాగమే’అని సోషల్ మీడియాలో కౌంటర్ ఇచ్చింది. ‘ఉక్రెయిన్ భూభాగాన్ని రష్యా ఆక్రమిస్తే అంతర్జాతీయ సమాజం స్పందించకుంటే తైవాన్లోనూ అదే తరహా పరిస్థితి పునరావృతం కావచ్చు” అని మెక్రాన్ హెచ్చరించారు.
అవకాశం
చైనా– అమెరికా మధ్య తైవాన్ అంశంపై మాటల యుద్ధం మరింత ముదురుతోంది. తైవాన్ను పూర్తిగా స్వాధీనం చేసుకోవాలనే ఉద్దేశాన్ని బహిరంగంగానే వెళ్లడిస్తుండగా అమెరికా(America) అడ్డుకట్ట వేయాలని సంకేతాలు ఇస్తోంది. దీంతో ఇండో-పసిఫిక్ భద్రతా పరిస్థితులు మరింత ఉద్రిక్తంగా మారే అవకాశం ఉంది. ప్రస్తుతం తైవాన్ చుట్టూ చైనా యుద్ధ విమనాలు, నౌకలను మోహరించడంతో ఏ క్షణమైనా సైనిక చర్య ప్రారంభమయ్యే సూచనలు కనిపిస్తున్నాయి.
Read Also: Nigeria: నైజీరియాలో రోడ్డు ప్రమాదం..21 మంది అథ్లెట్లు మృతి